ምስ ኣምላኽ ቅኑዕ ምዃን

ብስራት– ሰነ 2022 –መጽሔት ጸጋን ሓቅን

ምስ ኣምላኽ ቅኑዕ ምዃን

ሓንቲ ሓጢኣት ጥራይ ኣዳምን ሄዋንን ካብ ገነት ኤድን ኣውጺኣቶም። ሓንቲ ሓጢኣት ናብ ምጥፋእ ምድራዊ ገነት እንተ ኣምጺኣ፣ ሓንቲ ሓጢኣት ካብ ሰማያዊት ገነት ኣምላኽ ከም እተዓጽወና ምፍላጥና ኣየገርመናን።

ብሓቂ ንምዝራብ፣ ንሕና ብሓንቲ ሓጢኣት ጥራይ ዘይኮነስ፣ ብብዙሓት ሓጢኣታት ኢና በደለኛታት፡ ሓጢኣታት ሓሳብ፣ ቃልን ተግባርን፤ ዝፍለጣን ንነዊሕ እዋን ዝተረስዓን ሓጢኣታት፤ ሕቡኣትን ግሉጻትን ሓጢኣታት።

ሓጢኣት ካብ ሰማይ ስለ እትዓጽወና፣ንሓጢኣትና ብኸመይ ክንጥፍኣን ምስ ኣምላኽ ቅኑዓት ክንከውንን ንኽእል? ንሓጢኣትና ብጸሎት፣ መስዋእትን ወይ ድማ ብምግላጽ ጓሂ ክንከፍሎም ንኽእልዶ?

ጸሎት ኣገዳሲ እዩ፣ ግና በይኑ ምስ ኣምላኽ ቅኑዓት ኣይገብረናን። መስዋእትን ጓሂ እውን ከምኡ ኣይገብሩን። ብጸሎት፣ ብምግዛእ ወይ ብብኽያት ናብ ሰማይ ክንኣቱ ኣይንኽእልን!

ብመሰረት ኣምላኽ፣ ሓጢኣትና ክቕረየልና ዝኽእል ንደም የሱስ፣ ንመድሓኒ፣ ንሓጢኣትና ንዘለኣለም ዋጋ ንኽኸፍል ክንኣምን ከለና ጥራይ እዩ፡ “እቲ ዚኣምነሉ ዘበለ ምሕረት ሓጢኣት ኪረክብ እዩ” (ግብሪ ሃዋርያት 10:43 NKJV)።

ኣምላኽ ብዛዕባ ኩነታትናን ሳዕቤናቱን ዝበሎ ስምዑ፡“ኵሉ ሰብ ሓጢኣት ገይሩ እዩ፣ ክብሪ ኣምላኽውን ስኢኑ እዩ” ከምኡውን “ዓስቢ ሓጢኣት ሞት እዩ” (ሮሜ 3:23, 6:23)።

ኣምላኽ ክንደይ ሓጥኣን ምዃንና ይፈልጥ እዩ፣ ግና ስለ ዝፈትወና ንነፍሲ ወከፍና “ብክርስቶስ የሱስ ዘሎ ምድሓን … ብደሙ” (3:24-25) ኣዳልዩልና ኣሎ።

ኣምላኽ ምሕረት ሓጢኣት ክትቅበሉ፣ብዝተፈጸመ ዕዮ ክርስቶስ ኣብ መስቀል ክትምርኮሱ፣ ከምኡውን ምስኡ ኣብ ሰማይ ከም እትኾኑ ብምፍላጥ ክትሕጎሱ ይደሊ (ሉቃስ 23:43፤ ዮሃንስ 14:3)። ሎሚ ምስኡ ቅኑዕ ኣይትኾኑንዶ? ብኸመይ ከም እትገብሩ ክንነግረኩም ንኽእል ኢና።

እዚ ጽሑፍ እዚ ከም ወንጌላዊት ብሮሹር ካብ ጸጋን ሓቅን ይርከብ።