ኣቦ – ነይሩ ድዩ ወይስ ኣይነበረን?
ኣብ ብዙሓት ሃገራት ንኣቦታት ንምብዓል እተመደበሉ መዓልቲ ኽሓስብ ከለኹ፡ ብዛዕባ በርናባስ ብገለ መገዲ ኸም ኣቦ ዀይኑ ኸም ዝነበረ ኽሓስብ ጀመርኩ። ሰበይቲ ወይ ውሉዳት ከም ዝነበርዎ ዚሕብር ጸብጻብ የብልናን። ይኹን እምበር፡ ንምእመናን፡ ብፍላይ ድማ ነቶም ከምኡ ንነዊሕ እዋን ምስ እግዚኣብሄር ዘይተመላለሱ፡ ብዘየገድስ ዕድሚኦም፡ ብመንፈሳዊ መገዲ ኺምግብ ብእግዚኣብሄር ተጠቒሙ እዩ። እዚ ኣብ ኣንጾኪያ ምስ ምሉእ ማሕበር ብዝምልከት ከም ዝዀነ ንርኢ። ብውልቂ ድማ፡ በርናባስ ምስ ሳውል፡ እቲ ጸኒሑ ሃዋርያ ጳውሎስ ተባሂሉ ዚፍለጥ፡ ሰሪሑ እዩ። ካልእ በርናባስ ዝሓገዞ ዚመስል ሰብ ዮሃንስ ማርቆስ፡ ወዲ ሓው በርናባስ፡ እዩ ነይሩ። ንሱ ብእግዚኣብሄር ዓብዩ፡ ኣብ መወዳእታ ድማ ንምጽሓፍ ብኣምላኽ ተጠቒሙ እዩ። ወንጌል ማርቆስ ንሃዋርያ ጳውሎስ ድማ ኣብ ዘድለዮ ሓጊዝዎ እዩ።
እግዚኣብሄር ንበርናባስ ኣብዚ ናይ ኣቦነት ግደ ንጕጅለታትን ንውልቀ ሰባትን ኪጥቀመሉ ኽኢሉ እዩ፡ ምኽንያቱ እዚ ሰብኣይ እዚ ንእግዚኣብሄር ብሓቂ ይደሊ ነይሩ እዩ—እግዚኣብሄር ኣብ ህይወቱ ቀዳማይ ቦታ ነበሮ። በርናባስ ንርእሱ ዘይኰነስ ንእግዚኣብሄር ዘገልገለ ጽቡቕ ሰብ ነይሩ። ትሑት ነይሩ። በርናባስ ቅዱሳት ጽሑፋት ይጽንዕ ነይሩ፡ ብኸመይ ድማ ብግቡእን ብቕኑዕ መገዲ ኸም ዚምህርን ዜተግብርን ይፈልጥ ነይሩ። ነቶም ድኹማት ዝነበሩ፡ ዚቃለሱ ዝነበሩ ወይ እውን ዝፈሸሉ የተባብዕ ነይሩ። እዚ ድማ ምስኦም ብምምልላስን ብዙሕ ግዜ ብምሕላፍን እዩ ዚገብሮ ነይሩ—ብሰዓታትን ብመዓልታትን ዘይኰነስ፡ ብዓመታት እዩ ዚዕቀን ነይሩ። በርናባስ ንእግዚኣብሄር ኣብዚ ናይ ኣቦነት ግደ ኣገልጊሉ፡ ድሕሪኡ ድማ ሓሊፉ። ካብ መጽሓፍ ቅዱሳዊ ጸብጻብ ጥራይ ይጠፍእ፡ ግናኸ ግርማ እግዚኣብሄር ካብቶም ዝጸለዎም ይበርህ። እዚ ንክርስትያን ኣቦታት ሎሚ ኸምኡ ኪኸውን የብሉን ድዩ?
ሰብኣይ ኩን ወይ ሰበይቲ፡ መንእሰይ ኩን ወይ ኣረጊት፡ እግዚኣብሄር ንኽብሩን ንግርማኡን ብፍሉይ መገዲ ኺጸልወካ ኢሉ ነዚ ወርሒ እዚ ዘዳለዎ ዓንቀጻት ኪጥቀመካ ኸም ዚኽእል ንጽሊ። ኣብ ህይወትና ቀዳማይ ቦታ ይሃልዎ፡ ንልብና ድማ ናብኡ የቕርቦ።
