ንኣምላኽ ከመይ ጌርና ንፈልጦ

ብስራት– ለካቲት 2024 –መጽሔት ጸጋን ሓቅን

ንኣምላኽ ከመይ ጌርና ንፈልጦ

ብዛዕባ ኣምላኽ ገለ ሓቅታት ክንፈልጥ ንኽእል ኢና– ከም ጥበቡን ሓይሉን ካብቲ ፍጥረት ዚገልጾ። ግናኸ ቅኑዕ ኣረኣእያ ብዛዕባኡ ኺህልወና እንኽእል፡ ንሱ ብዛዕባ ነፍሱ ዝበሎ ቕቡል እንተ ገበርና ጥራይ ኢና። ንሱ ብዘይጋገ ምግላጽ መጽሓፍ ቅዱስ፡ ማለት ቃሉ፡ ንርእሱ እንተ ዘይገለጸልና፡ ናብ ሓቀኛ ፍልጠት ኣምላኽ ክንበጽሕ ኣይንኽእልን ኢና።

ሓደ ኣምላኽ ጥራይ
መጽሓፍ ቅዱስ ሓደ ኣምላኽ ጥራይ ከም ዘሎ ብንጹር ይምህር። እዚ ዚገልጹ ብዙሓት ጥቕስታት ኣብ ብሉይን ሓድሽ ኪዳንን ኣለዉ። ሓደ ጥቕሲ ብሉይ ኪዳን ከምዚ ይብል፡ “እግዚኣብሔር ንሱ ኣምላኽ ምዃኑ ኣብ ላዕሊ ኣብ ሰማይን ኣብ ታሕቲ ኣብ ምድርን፡ ካልእ ከም ዜብሉን፡ ሎሚ ፍለጥ እሞ ኣብ ልብኻ ኣቕምጦ” (ዘዳ. 4:39 NKJV).

ኣብ ሓድሽ ኪዳን፡ ሓደ ጸሓፊ፡ “ሓደ ኣምላኽ ኣሎ፡ ካልእ ከኣ ከምኡ የልቦን” (ማር. 12:32) ኢሉ ኣወጀ። ያእቆብ፡ “ሓደ ኣምላኽ ከም ዘሎ ትኣምን ኢኻ። ጽቡቕ ትገብር ኣሎኻ” (ያእ. 2:19) ኢሉ ገለጸ። ጳውሎስ ከኣ፡ “ሓደ ኣምላኽን ሓደ ድማ ማእከላይ ኣብ መንጎ ኣምላኽን ሰብን ኣሎ” (1 ጢሞ. 2:5) ኢሉ ጸሓፈ።

ሓድነት ኣምላኽ
ሓድነት ኣምላኽ ካብ ሓድነት ሰብ እተፈልየ ምዃኑ ንጹር እዩ፡ እዚ ኸኣ ንሰብ ይገትኦ። ሰብ ኣብ ክልተ ቦታታት ብሓንሳእ ኪኸውን ኣይክእልን እዩ፤ ኣምላኽ ግና ይኽእል። እቲ ንሕግታት ተፈጥሮ ዝፈጠረ ኣምላኽ ፈጣሪ፡ ንሕግታት ፊዚክስ ወይ ስነ-ቊጽሪ ኣይግዛእን እዩ።

ሓደ ሰብ፡ “ኣምላኽ ኣብ ዝፋኑ ኣብ ሰማይን ኣብዚ ኣብ ምድርን ብሓንሳእ ኪኸውን እንተ ደልዩ፡ ይከኣሎዶ?” ኢሉ ኺሓትት ይኽእል እዩ። ብርግጽ ይከኣሎ! ክርስቶስ ናብዛ ምድር እዚኣ ምስ መጸ፡ እዚ እዩ ዝገበሮ። ኣምላኽ ኣብ ሰማይን ኣብ ምድርን፡ ብኣካል የሱስ ክርስቶስ፡ ብሓንሳእ ነበረ (ሉቃ. 1:37)።

የሱስ መን እዩ?
ንየሱስ “ወዲ ኣምላኽ” ኪብልዎ ዝወሰኑ ክርስትያናት ኣይነበሩን። ንሱ ኣምላኽ ባዕሉ እዩ። ገብርኤል ብኣምላኽ ተላኢኹ ንማርያም፡ ንሳ ድንግል ከላ ንየሱስ ከም እትወልድ ኪነግራ ከሎ፡ ገብርኤል ከምዚ በላ፡ “ንሱ ዓብዪ ኪኸውን እዩ፡ ወዲ ልዑል ከኣ ኪብሃል እዩ” (ቊ.32)።

የሱስ ድሕሪ ምጥማቑ ኸኣ፡ ሰማያት ተኸፍታ፡ ድምጺ ኸኣ ካብ ሰማይ፡ “እዚ ፍቑር ወደይ እዩ፡ ብእኡ ባህ ይብለኒ” (ማቴ. 3:17) በለት። እዚ ወድነት እዚ፡ ብርግጽ፡ መንፈሳዊ ርክብ እዩ። ሓደ እሙን ሰብ ኣምላኽ ሰበይቲ ወይ መፍቀሪት ከም ዝነበረቶ ኣይሓስብን እዩ። እዚ ስድብ ምኾነ!

ከመይ ጌርና ንፈልጥ
ካብዚ፡ የሱስ ሓደ ሰብ ጥራይ ከም ዘይኮነ ክንርኢ ንኽእል ኢና። መጽሓፍ ቅዱስ፡ “ምልኣት መለኮት ብኣካል ኣብኡ ይነብር እዩ” (ቈሎ. 2:9) ይብለና። ከምኡ’ውን፡ “ኣምላኽ ብስጋ ተገሊጹ” (1 ጢሞ. 3:16) ይብል። የሱስ ምእንታና ኸም ሰብ ናብዚ መጸ።

ፍቑር ዓርከይ፡ ንኣምላኽ ክትፈልጦ ትደሊዶ? ንኡስ ብመጽሓፍ ቅዱስ፡ ማለት ቃሉ፡ ከምኡ’ውን ብየሱስ ክርስቶስ፡ ማለት ወዱ፡ ጥራይ ክትፈልጦ ትኽእል ኢኻ።ዝያዳ ኽንነግረካ ንኽእል ኢና።

እዚ ጽሑፍ እዚ ኸም ብሮሹር ካብ ጸጋን ሓቅን ይርከብ።