ሓደ መንእሰይ ተጓዓዛይ ብኒው ሃምፕሻየር ኪጓዓዝ ከሎ፡ ኣብ ሓደ ኻብቶም ፍሉጣት ናይ ኒው ኢንግላንድ ኣእማን ኣስዋር ዚዕርይ ዝነበረ ገባር ደው ኢሉ ኣዕረፈ። እናተዛረቡ ኸለዉ፡ ነቲ ገባር ገለ ዓበይቲ ኣእማን ኣንቢሩ ነቲ ኣብቲ ኣስዋር ዝነበረ ስንጥቕ ኪዓጽዎ ሓገዞ። ድሕሪኡ ድማ፡ እቲ ኣስዋር ሰራሒ ብጥንቃቐ ኣብ መንጎ እቶም ዓበይቲ ኣእማን ኣብ ኲሉ ንእሽቶ ቦታታት ዚኣትዉ ንኣሽቱ ኣእማን ኪረክብ ከሎ ተዓዘቦ። እዚ ተግባር እዚ ነቲ መንእሰይ ተጓዓዛይ፡ “ስለምንታይ ንዅሉ ንእሽቶ ቦታታት ብንኣሽቱ ኣእማን ትመልኦ? እቶም ዓበይቲ ኣእማን ነቲ ዕዮ ንምፍጻም እኹላት ኣይኰኑንዶ? ደሓር፡ እቲ ስንጥቕ ተዓጽዩ እዩ እሞ፡ ኣይኰነንዶ?” ኪሓትት ደረኾ።
መልሲ እቲ ገባር ከምዚ ዝኣመሰለ ነበረ፦ “እወ፡ እቶም ዓበይቲ ኣእማን ነቲ ስንጥቕ ኪዓጽውዎ እዮም—ሕጂ። ግናኸ፡ እቶም ንኣሽቱ ኣእማን እንተ ዘይድግፍዎም ኔሮም፡ እቶም ዓበይቲ ብቕልጡፍ ምወደቑ ነይሮም፡ ገለ ኻልእ ካብቲ ኣስዋር ድማ ምሳታቶም ምወደቐ ነይሩ። ሽዑ ኻብ ቅድሚ ሕጂ ዝኸፋእና ምዀንና ኔርና። እቶም ንኣሽቱ ኣእማን ብመጠኖም ብዙሕ ዘይመስሉ እኳ እንተ ዀኑ፡ ነቶም ዓበይቲ ኣእማን ብዝያዳ ብርግጽ ኣብ ቦታኦም ንምሓዝ ኣገዳሲ ዕዮ ይገብሩ ኣለዉ።”
እዛ ዛንታ እዚኣ ምስ ሰማዕኩ፡ ጴጥሮስ ንክርስትያናት ከም ኣእማን ኣብዚ ኣስዋር እዚ ምዃኖም ከም ዝበለኒ ተዘከርኩ፦ “ንስኻትኩም እውን ከም ህያዋን ኣእማን፡ ናብ መንፈሳዊ ቤት ትህነዩ ኣለኹም” (1 ጴጥሮስ 2:5 NIV)። ገለ ዓበይቲ እዮም፡ ገለ ድማ ንኣሽቱ እዮም፡ ግናኸ ሓደ እኳ ዘይጠቅም የልቦን። ክብርና ብዘይሰልጠነ ዓይኒ ናይቲ ብዘይዕላማ ዚሓልፍ ሰብ ኣይውሰንን፡ የግዳስ ብፍሉይ ምቕማጥ ናይቲ ዋና ህንጻ እዩ፡ ንሱ ድማ ኣብ መንፈሳዊ ህንጻ ቤት እንታይ ከም ዜድሊን ኣበይ ከም ዜድሊን ይፈልጥ እዩ።
ንስኻ ዓብዪ “ህያው እምኒ” ኣገዳሲ ዕዮ ትገብር ዲኻ? እዚ ምሳሌ እዚ፡ እቶም ኲሎም ንኣሽቱ ኣእማን ብጸሎት ምድጋፍ፡ ምትብባዕ፡ ገንዘባዊ ደገፍ፡ ከምኡ’ውን ካልእ ዓይነት ሓገዝ እንተ ዘይከባቢኻን እንተ ዘይድግፉኻን ኔሮም፡ ብቕልጡፍ ምወደቕካ ኔርካ ምዃንካ የርኢ። ዘክር፡ ነፍሲ ወከፍ ህያው እምኒ ኣብ ኣዒንቲ ኣምላኽ ኣገዳሲ እዩ።
