ምስ ኣምላኽ ቅኑዕ ምዃን

ምስ ኣምላኽ ቅኑዕ ምዃን ሓንቲ ሓጢኣት ጥራይ ንኣዳምን ሄዋንን ካብ ገነት ኤድን ኣውጺኣቶም። ሓንቲ ሓጢኣት ናብ ምጥፋእ ምድራዊ ገነት እንተ ኣምሪሓ፣ ሓንቲ ሓጢኣት ካብ ሰማያዊት ገነት ኣምላኽ ከም እትዓጽወና ክንገረም የብልናን። ብሓቂ ንዛረብ እሞ፣ ንሕና ብሓንቲ ሓጢኣት ጥራይ ዘይኮነስ፣ ብብዙሓት ሓጢኣታት ኢና በደለኛታት፡ ሓጢኣታት ሓሳብ፣ ቃልን ተግባርን፤ ዝፍለጡን ንነዊሕ ዝተረስዑን ሓጢኣታት፤ ሕቡኣትን ግሉጻትን ሓጢኣታት። ሓጢኣት ካብ ሰማይ ስለ ዝዓጽወና፣ ንሓጢኣትና ብኸመይ ክንሰርዮን ምስ ኣምላኽ ቅኑዕ ክንከውንን ንኽእል? ንሓጢኣትና ብጸሎት፣ መስዋእቲ ወይ ድማ ብምግላጽ ሓዘን ክንከፍሎ ንኽእልዶ? ጸሎት ኣገዳሲ እዩ፣ ግና በይኑ ምስ ኣምላኽ ቅኑዓት ኣይገብረናን። መስዋእትን ሓዘንን እውን ከምኡ። ብጸሎት፣ ብግዝኣት ወይ ብንብዓት ናብ ሰማይ ክንኣቱ ኣይንኽእልን! ብመሰረት ኣምላኽ፣ ሓጢኣትና ክቕረየልና ዝኽእል ንደም የሱስ፣ ንመድሓኒ፣ ንሓጢኣትና ንዘለኣለም ክፍሊት ክኸውን ምስ እንእመነሉ ጥራይ እዩ፡ “ዝኣመነሉ ዘበለ ምሕረት (ይቕረታ) ሓጢኣት ይቕበል” (ግብሪ ሃዋርያት 10:43)። ኣምላኽ ብዛዕባ ኩነታትናን ሳዕቤናቱን ዝብሎ ስምዑ፡ “ኵሉ ሰብ ሓጢኣት ገይሩ እዩ እሞ፡ ክብሪ ኣምላኽ ከኣ ስኢኑ እዩ”፤ ከምኡ’ውን፡ “ዓስቢ ሓጢኣት ሞት እዩ” (ሮሜ 3:23፤ 6:23)። ኣምላኽ ክንደይ ሓጥኣን ምዃንና ይፈልጥ እዩ፣ ግና ስለ ዝፈትወና ንነፍሲ ወከፍና “ብክርስቶስ የሱስ ዘሎ ምድሓን … ብደሙ” ኣድሕኖት ኣዳልዩልና እዩ (ሮሜ 3:24-5)። ኣምላኽ ምሕረት ሓጢኣት ክትቅበል፣ ኣብቲ ብክርስቶስ ኣብ መስቀል ዝተፈጸመ ስራሕ ክትውከልን፣ ምስኡ ኣብ ሰማይ ከም እትኸውን ብምፍላጥ ክትሕጎስን ይደልየካ እዩ (ሉቃስ 23:43፤ ዮሃንስ 14:3)። ሎሚ ምስኡ ቅኑዕ ኣይትኸውንንዶ? ቅዱሳት ጽሑፋት ካብ The New King James Version, © 1982, Thomas Nelson, Inc. ብፍቓድ።