ሲኦል ክንደይ ርሑቕ እያ፧
“ንልብኹም ንእግዚኣብሔር ኣዳልዉ ... ንሱ ኸኣ ኬድሕነኩም እዩ።”1 ሳሙኤል 7:3
“ሲኦል ክንደይ ርሑቕ እያ፧” ኢሉ ሓደ ኻብቶም ሰለስተ ፍርቂ ዝሰኸሩ መንእሰያት፡ ኣብ ሓደ ፍሉጥ ገማግም ባሕሪ ዝርከብ መዘናግዒ ቦታ እናተንገዳገዱ ኸለዉ ሓተተ። እቲ ፖሊስ ብኣመለኻኽቶም ተሰንቢዱ፡ “ሲኦል ኣብ መወዳእታ ናይ ክርስቶስ ዘይብሉ ህይወት እያ፡ ካብ እትሓስብዎ ድማ ዝያዳ ቀረባ ኢኹም። ንኣምላኽ ንምርካብ ክትዳለዉ ይግባእ” ኢሉ መለሰ።
እዚ ኻብቲ እቶም ግድል ዘይብሎም ሰለስተ መንእሰያት ዝተጸበይዎ ዝበዝሕ ነበረ፡ ስለዚ ድማ ብዘይተወሳኺ ርእይቶ ገጾም ኣዙሮም ከዱ። በታ ለይቲ እቲኣ፡ ሬሳ ሓደ መንእሰይ ኣብ ገማግም ባሕሪ ተረኽበ። እቲ ፖሊስ ድማ ፈሊጥዎ።
ድሕሪ ዓመታት፡ እቲ ፖሊስ፡ እንደገና ኣብ ገማግም ባሕሪ እናተዘዋወረ ኸሎ፡ ሓደ ቱሪስት ቀረቦ። “ኣይትዝክረንን ኢኻ፡ ኣነ ግን እዝክረካ እየ” ኢሉ፡ ኢድ እቲ ሓላፊ ሒዙ ሰላምታ ሃቦ። “ሰለስተ ዝሰኸሩ ሰባት፡ ሓደ ኻብኣቶም ድማ ሲኦል ክንደይ ርሑቕ እያ ኢሉ ዝሓተተ፡ ትዝክርዶ፧ ሲኦል ኣብ መወዳእታ ናይ ክርስቶስ ዘይብሉ ህይወት እያ ኢልካ ነይርካ። በቲ ሰብ እንታይ ከም ዝበጽሖ ትዝክርዶ፧ ሰጢሙ። በታ መዓልቲ እቲኣ ምስኡ ነበርኩ። መጠንቀቕታኻ ምስይ ተጣቢቑ፡ ሓጢኣተይ ንየሱስ ክናዘዝን ከም መድሓኒተይ ክቕበሎን መሪሑኒ። ኣምላኽ ክትዛረበኒ ስለ ዝመርሓካ ኣዝየ እየ ዘመስግን። ንሱ ንቓላትካ ተጠቒሙ፡ ብጸጋኡ ድማ ኣድሒኑኒ።”
እቲ ፖሊስ፡ መጠንቀቕታኡ ከንቱ ከም ዘይኮነ ምስማዑስ ክንደይ ዘተባብዕ ኰን እዩ! ሓደ ሰብ ብሓቂ ሰሚዕዎ፡ ሞት ፈታዊኡ ድማ ንኣምላኽ ንምርካብ ከይተዳለና እንተ ጸኒሕና እንታይ ከም ዝኸውን መርኣያ ጌሩ ርእይዎ።
ሲኦል ክንደይ ርሑቕ ከም ዝዀነት ሓሲብካ እንተ ዄንካ፡ እዚ መልእኽቲ እዚ ንዓኻ እዩ። ከምቲ ዘይሰምዐ መንእሰይ ኣይትውዳእ። ኣብ ክንዳኡስ፡ ከምቲ መጠንቀቕታ ዝሰምዐ ኩን፡ ንየሱስ ድማ ከም መድሓኒትካ ተቐበሎ። ሕጂ ድማ ግበሮ! ክንሕግዘካ ንኽእል ኢና። ድሕሪኡ ድማ ብውሳነኻ ጽሓፈልናን ኣተባብዓናን።
ደራሲ ዘይፍለጥ
