“ኣነ መንገዲ እየ”

ብስራት– ጥሪ 2022 –መጽሔት ጸጋን ሓቅን

“ኣነ መንገዲ እየ”

ሓደ እዋን ንስኻን ኣነን ነዛ ዓለም ክንሓድጋ ኢና – ምናልባት ካብ እንሓስቦ ንቕድሚት። ናብ ሰማይ እትወስድ መንገዲ ትፈልጣዶ?

ብዙሓት ሰናይ ዝሓስቡ ሰባት ብምግባር ሰናይ ወይ ብምዃን ሰናይ፣ ናብ ቤተ ክርስቲያን ብምኻድ ወይ ብምዃን ሃይማኖተኛ ናብ ሰማይ ከም ዝበጽሑ ይግምቱ። ሰማይ ብዝገብርዎ ወይ ብዝኾንዎ ነገር ክረኽብዎ ይምነዩ – ግናኸ እዚ መንገዲ ኣምላኽ ኣይኮነን። እዞም ነገራት እዚኦም ብባዕሎም ክሳዕ ክንደይ ሰናይ እንተኾኑ እውን፣ ናብ ሰማይ እትወስድ መንገዲ ኣይኮኑን!

ናብ ሰማይ እትወስድ መንገዲ የሱስ እዩ።ንሱ ኸኣ፡ “ኣነ መንገዲ፡ ሓቅን ህይወትን እየ። ብዘይ ብኣይ ሓደ እኳ ናብ ኣቦ ዚመጽእ የልቦን” (ዮሃ. 14:6 NKJV) በለ።

ሓንቲ ሓጢኣት ንኣዳምን ሄዋንን ካብ ገነት ኤድን ንዘለኣለም ኣውጺኣቶም፣ ሓንቲ ሓጢኣት እውን ንዓኻ ካብ ሰማይ ንዘለኣለም ከተውጽኣካ እያ – ንጐይታ የሱስ ክርስቶስ ከም መድሓኒኻ እንተ ዘይኣሚንካዮ። ኣሚንካዮዶ? እንተ ዘይኮይኑ፣ ስለምንታይ ሕጂ ዘይኮነ? ሰይጣን፡ “ንእሽቶ ግዜ ጽናሕ” ይብል። ኣምላኽ ከኣ፡ “ሕጂ መዓልቲ ምድሓን እያ” ይብል (2 ቈረ. 6:2)።

ኣብ መጽሓፍ ቅዱስ ኣምላኽ ይነግረና ኩሉ ሰብ ንዘለኣለም ዝነብረሉ ክልተ ቦታታት ጥራይ። ሓደ ገሃነም እዩ። “እቲ ኣብ መጽሓፍ ህይወት ዘይተጻሕፈ ዘበለ ናብቲ ሓይቕ ሓዊ ተደርበየ” (ራእ. 20:15)። “ግናኸ እቶም … ዘይኣምኑ … ግደኦም ኣብቲ ብሓውን ዲንን ዚነድድ ሓይቕ ኪኸውን እዩ፣ እዚኣ እያ እታ ኻልአይቲ ሞት” (21:8)። “እዚኣቶም ናብ ዘለኣለማዊ መቕጻዕቲ ኪኸዱ እዮም” (ማቴ. 25:46)፣ “ናብ ገሃነም፣ ናብቲ ዘይጠፍእ ሓዊ – ኣብኡ ‘ትሎም ኣይመውትን ሓዊ እውን ኣይጠፍእን’” (ማር. 9:3-44)።

እቲ ኻልእ ዘለኣለማዊ ቦታ ሰማይ እዩ፣ ኣብኡ ጐይታ የሱስ ኣሎ፣ ንክርስቶስ ከም መድሓኒኦም ዝተቐበሉ ኩሎም እውን ኣብኡ ክኾኑ እዮም። “ልብኹም ኣይተጨነቕ። ብኣምላኽ እመኑ፣ ብኣይ እውን እመኑ። ኣብ ቤት ኣቦይ ብዙሓት ማሕደራት ኣለዋ፤ እንተ ዘይኮነ ኖሮ፣ ምነገርኩኹም። ንኣኻትኩም ቦታ ኸዳልወልኩም እኸይድ ኣሎኹ። እንተ ኸድኩ ኸኣ ቦታ ኸዳልወልኩም፣ እንደገና ኽመጽእ እየ እሞ ናባይ ክወስደኩም እየ፤ ኣነ ኣብ ዘሎኹዎ ንስኻትኩም እውን ኣብኡ ምእንቲ ክትኮኑ” (ዮሃ. 14:1-3)። “ኣብ ቅድሜኻ ምልኣት ሓጐስ ኣሎ፤ ኣብ የማነኻ ንዘለኣለም ባህታ ኣሎ” (መዝ. 16:11)።

የሱስ ኣብ ምድሪ ከሎ፡ “ኣቱም ኵልኹም እትጽዕሩን ጾር ዝኸበደኩምን፣ ናባይ ምጹ፣ ኣነ ኸኣ ከዕርፈኩም እየ” (ማቴ. 11:28) በለ። “እቲ ናባይ ዚመጽእ ከቶ ኣይድርብዮን እየ” (ዮሃ. 6:37)። የሱስ፣ እቲ ዝተንስአ መድሓኒ፣ ሎሚ ሓጥኣን ብኹሉ ሓጢኣቶምን ድሌቶምን ናብኡ ክመጹ ብሃንቀውታ ይጽበ ኣሎ፣ ልክዕ ከምቲ ኣብ ምድሪ ከሎ ዝነበረ።

ንስኻ ከም ሓጥእ፣ናብ የሱስ እንተ መጺእካን ከም መድሓኒኻ እንተ ኣሚንካዮን፣ ቃል ኣምላኽ ሓጢኣትካ ከም ዝሕደገልካ የረጋግጽ። “እቲ ብእኡ ዚኣምን ዘበለ ምሕረት [ይቕረታ] ሓጢኣት ኪቕበል እዩ” (ግብ. 10:43) – ናብ ሰማይ እውን ክትከይድ ኢኻ።ናብ ሰማይ እትወስድ መንገዲ የሱስ እዩ፤ ካልእ የልቦን! ዝያዳ ክንነግረካ ንኽእል ኢና።

“ኣምላኽ ንዓለም ክሳዕ ክንድዚ ስለ ዝፈተዋ፣ ንሓደ ወዱ በጃ ሃበ፣ እቲ ዚኣምን ዘበለ ዅሉ ኸይጠፍእ፣ ህይወት ዘለኣለም የሕልፍ እምበር” (ዮሃ. 3:16)።

እዛ ጽሕፍቲ እዚኣ ከም ወንጌላዊት ብራና ካብ ጸጋን ሓቅን ትርከብ።