ብስራት– ታሕሳስ 2014 –መጽሔት ጸጋን ሓቅን
ነፍስ ኣድሓኒ ትፈልጥ ዲኻ፧
ኣቦሓጎይ ብሕማም ካንሰር ታሕሳስ 21, 2013 ዓ.ም. ዓሪፉ። ብህይወቱ ምሉእ፣ ኣብ ዓራት ሕክምናኡ እናደቀሰ እውን እንተኾነ፣ ንዝረኸቦ ሰብ ኩሉ ሓደ ሕቶ ይሓትት ነበረ፦ “ነፍስ ኣድሓኒ ትፈልጥ ዲኻ፧” ብዙሓት ሰባት ብዛዕባ ጐይታ የሱስ ከም ዝፈልጡ መለሱ፣ ግናኸ ሕቶ ኣቦሓጎይ ፍሉይ ነበረ፦ “ነፍስ ኣድሓኒ ትፈልጥ ዲኻ።” ኣቦሓጎይ ክሳዕ ዓራት ሞቱ እውን እንተኾነ፣ ንፍቕሪ ጐይታኡን ኣድሓኒኡን የሱስ ክርስቶስ ምስ ዝሰምዕዎ ኩሎም ክካፈል ኣትሪሩ ጸኒዑ።
ሎሚ ንፍቕሪ ኣድሓኒ ኣቦሓጎይ ምሳኻ ክካፈል እደሊ። ኣብ ሮሜ 3:23 “ኩሎም ሓጢኦም ክብሪ ኣምላኽ ከኣ ጐዲልዎም እዩ” (NKJV) ተባሂልና ኣሎና፣ ኣብ ሮሜ 6:23 ከኣ ከምዚ ንብብ፦ “ደሞዝ ሓጢኣት ሞት እዩ እሞ፣ ህያብ ኣምላኽ ግና ኣብ ክርስቶስ የሱስ ጐይታና ዘለኣለማዊ ህይወት እዩ።” ኩሎም ሰባት ሓጢኦም እዮም፣ እዚ ኸኣ ናብ ገሃነም መገዲ የብጽሓና። ኣምላኽ ናብ ገሃነም ኣይሰደናን፣ ሓጢኣት ግና ይሰድ። ንሱ ሓጢኣት ኣብ ሰማይ ክህልዎ ኣይክእልን። ይኹን እምበር፣ ብሰንኪ ዓባይ ፍቕሩ ንኣና ንወዱ ሞት ለኣኸ፣ ምእንቲ ንሕና ክንነብር። ዮሃንስ 3:16 ከምዚ ይብል፦ “ኣምላኽ ንዓለም ክሳዕ ክንድዚ ስለ ዝፈተዋ፣ በቲ ሓደ ወዱ ዝኣመነ ኩሉ ናይ ዘለኣለም ህይወት ምእንቲ ክረክብ እምበር፣ ከይጠፍእሲ፣ ንእኡ ሃበ።” ሕጂ ምርጫና ክንገብር እዩ። ዮሃንስ 3:36 ከምዚ ይብል፦ “በቲ ወዲ ዝኣመነ ናይ ዘለኣለም ህይወት ኣላቶ፣ በቲ ወዲ ዘይኣመነ ግና ህይወት ኣይርእን፣ ቊጥዓ ኣምላኽ ግና ኣብኡ ይነብር።”
ናብ ሰማይ ሓንቲ ጥራይ መገዲ ኣላ።ነዚ ህያብ ዘለኣለማዊ ህይወት ንምርካብ ሓንቲ ጥራይ መገዲ ኣላ። ኣብ ዮሃንስ 14:6 የሱስ ከምዚ ይብለና፦ “ኣነ መገዲን ሓቅን ህይወትን እየ። ብዘይ ብኣይ ሓደ እኳ ናብ ኣቦ ዚመጽእ የልቦን።” የሱስ ምእንቲ ሓጢኣትካ ከም ዝሞተ ምእማን ናብ ሰማይ ንምብጻሕ ሓንቲ ጥራይ መገዲ እያ። እዚ ሓሳብ እዚ ቀሊል እኳ እንተኾነ፣ ግናኸ ግሩም ዓስቢ ኣለዎ። እዚ ምእማን ማለት ንስኻ ውሉድ ኣምላኽ ኢኻ ማለት እዩ፣ ሕጂ ኸኣ ንዘለኣለም ኣብ ሰማይ ንምሕላፍ መሰል ኣሎካ! ዮሃንስ 1:12 ከምዚ ይብል፦ “ግናኸ ንዝተቐበልዎ ዅሎም፣ በስሙ ንዚኣምኑ፣ ውሉድ ኣምላኽ ኪዀኑ መሰል ሃቦም።”
ትምኒት ኣቦሓጎይ ነበረ፣ ሕጂ ኸኣ ናተይ እዩ፣ ንስኻ ነፍስ ኣድሓኒ ክትፈልጥ። እዚ ኣዝዩ ኣገዳሲ ውሳነ እዩ፣ ንህይወትካ ኸኣ ክቕይራ እዩ።ነፍስ ኣድሓኒ ትፈልጥ ዲኻ፧ከመይ ጌርና ከም እትፈልጥ ክንነግረካ ንኽእል ኢና።
