መጽሓፍ ቅዱስ ዝኾነ ይኹን መጽሓፍ ኣይኮነን። ድንቂ መጽሓፍ እዩ—እቲ ዝበለጸ ድንቂ መጽሓፍ። ዛንታ የሱስ ይነግር። ዛንታ የሱስ እቲ ዝበለጸ ዛንታ ፍቕሪ እዩ፡ ምኽንያቱ የሱስ ምእንቲ ሓጢኣትና ኣብ መስቀል ሞተ። እዚ ድማ ብሓቂ ፍቕሪ እዩ!
መጽሓፍ ቅዱስ ብዛዕባ የሱስ ጥራይ ዘይኮነስ፡ ብዛዕባ ካልኦት ሰባት እውን ይነግር—ጽቡቓት ሰባትን ሕማቓት ሰባትን። ብዙሓት ጽቡቓት ዛንታታት ኣብ መጽሓፍ ቅዱስ ኣለዉ። ገለ መጽሓፍቲ መጽሓፍ ቅዱስ እውን ብስም ሰባት ተሰይሞም እዮም—ከም ማቴዎስ፡ ዮሃንስ፡ ሩት፡ ዳንኤልን ዮናስን። ግናኸ መጽሓፍ ቅዱስ ብዛዕባ እዞም ሰባት ጥራይ ኣይኮነን። ብዛዕባ የሱስ እዩ ዝበዝሕ፡ ምኽንያቱ ኣምላኽ ንምሉእ መጽሓፍ ቅዱስ ብዛዕባኡ ኺነግረና ሃበና።
ገለ ሰባት ንመጽሓፍ ቅዱስ ይፈትውዎ። ክርስትያናት ይበሃሉ። ካልኦት ሰባት ንመጽሓፍ ቅዱስ ኣይፈትውዎን። ንኣታቶም ክንሓዝነሎም ይግባእ። ብዙሓት ሰባት ብዛዕባ መጽሓፍ ቅዱስ ወይ ፍቕሪ የሱስ ንኣታቶም ኣይፈልጡን። ምእንታቶም ክንጽልን ክንነግሮምን ይግባእ። ንመጽሓፍ ቅዱስ ትፈትዎ ዲኻ? ተስፋ እገብር ትፈትዎ። ኣነ እፈትዎ።
ብዙሓት ጽቡቓት ፍቕድታትን ዛንታታትን ኣብ መጽሓፍ ቅዱስ ኣለዉ። እቲ ዝበለጸ ፍቕደይ ዮሃንስ 3:16 እዩ። ከምዚ ይብል፡
ኣምላኽ ንዓለም ከምዚ ገይሩ ፈተዋ፡ ንእንኮ ወዱ ድማ ሃበ፡ ንእኡ ዚኣምን ኵሉ ኸይጠፍእ፡ የግዳስ ዘለኣለማዊ ህይወት ኪረክብ። (ዮሃንስ 3:16 NKJV)
ነዚ ፍቕዲ እዚ ዝበለጸ እፈትዎ ምኽንያቱ ኣምላኽ ብሓቂ ኣዝዩ ከም ዚፈትወኒ ይብል፡ የሱስ ድማ እንኮ ናብ ሰማይ ዚወስድ መገዲ እዩ። እዚ ጽቡቕ ፍቕዲ ኣይኮነን ድዩ? ብዙሓት ካልኦት ከምኡ ኣብ መጽሓፍ ቅዱስ ኣለዉ። መጽሓፍ ቅዱስ ኵሉ መዓልቲ ኸንብብ እፈቱ፡ ምኽንያቱ ድንቂ መጽሓፍ እዩ።
ስለምንታይ ንስኻ ኵሉ መዓልቲ መጽሓፍ ቅዱስ ዘይተንብብ? ንየሱስ ዝያዳ ኽትፈልጦ ኢኻ፡ ንሱ ድማ ኣብ ምሉእ ዓለም እቲ ዝበለጸ ፈታዊ እዩ። ኣብዚ ብዛዕባ የሱስ ዝገበርክዎ ግጥሚ ኣሎ። ምስኻ ኽካፈሎ እደሊ።
ንየሱስ እፈቱ ንሓጢኣተይ ኣርሓቐለይ።
ንየሱስ እፈቱ፡ ኣብ ውሽጠይ ሰላም ሃበኒ።
ንየሱስ እፈቱ፡ ንሱ ጽቡቕ ፈታዊ እዩ።
ንየሱስ እፈቱ፡ ንሱ መጀመርታን መወዳእታን እዩ።
ፈታዊትካ፡ ሚሼል (11)
