«ብሓቂ ኣቕድሶም፡ ቃልካ ሓቂ እዩ። ከምቲ ንስኻ ናብ ዓለም ዝለኣኽካኒ፡ ኣነ’ውን ናብ ዓለም ለኣኽኩዎም» (ዮሃንስ 17:17-18) ኣምላኽ ቅድሚ ምልኣኹም ኩሉ ሳዕ ኪቕድሰኩም እዩ። ኣቦ ነቶም ዓሰርተው ክልተ ደቀ መዛሙርቲ ብሓቂ፡ ብወዱ፡ ፈሊዩ ኣቕደሶም። ምስ የሱስ፡ እቲ ሓቂ (ዮሃንስ 14:6)፡ ብዝተኣሳሰሩ መጠን፡ እቶም ደቀ መዛሙርቲ በቲ ሓቂ ተጸሪዮም ንወንጌል ኪሰብኩ ተዳለዉ። የሱስ ንትምኒቶም ተቓወሞም (ሉቃስ 9:46-48)፡ ንዘይምእማኖም ገሰጾም (ማቴዎስ 17:19-20)፡ ንጽልዋ ሰይጣን ኣፍረሰ (ማቴዎስ 16:23)፡ ንትዕቢቶም ድማ ኮነኖም (ማቴዎስ 26:33-35)። የሱስ ምድላዎም ምስ ወድአ፡ እቶም ደቀ መዛሙርቲ ብኸምዚ ዝበለ ሓይሊ ተላእኩ እሞ ዓለሞም ከቶ ከምቲ ዝነበሮ ኣይነበረን።
ሰይጣን ሓጢኣትካ ንኣምላኽ ዘይጠቅም ከም ዝገብረካ ኬእምነካ ኺፍትን እዩ። እዚ ኻብቲ ደራሲን ኣቦን ናይ ሓሶት ዝመጸ ሓሶት እዩ። ሓጢኣት ብዝገበርካሉ ቅጽበት፡ እቲ ኣታላሊ፡ «ንስኻ ፈሺልካ! ሕጂ ንኣምላኽ ኣይትጠቅምን ኢኻ» ኢሉ ይሹሹካ። እዚ ንክርስትያን ዓሚቕ ስምዒት ስዕረትን ተስፋ ምቑራጽን ኬምጽእ ይኽእል እዩ። ይኹን እምበር፡ ምስቲ ብጸጋ ኣምላኽ ዝተፈትሐት ነፍሲ ዚወዳደር ሓርነት የልቦን። ህዝቢ ኣምላኽ ሓቂ ኣምላኽ ንኣምላኻዊ ፍቓድን ኣምላኻዊ ደረጃን ኬሰምሮም ምስ ፈቐዱ፡ ሽዑ ሓይሊ ኣምላኽ ከምቲ ብመጀመርታ ደቀ መዛሙርቲ ዝነበረ፡ ብኣታቶም ኪወጽእ እዩ።
እቲ ሓቂ ሓራ ኣውጺኡካ። እቲ ሓቂ እዚ እዩ፦
ሓጢኣትና እንተ ተናዘዝና፡ ንሱ እሙንን ጻድቕን እዩ፡ ሓጢኣትና ኺቕድሰልናን ካብ ኵሉ ዓመጻ ኼንጽሃናን (1 ዮሃንስ 1:9)፡
ንኣምላኽ ንጥቕሚ ድማ ንምለስ።
