ብክርስቲያናዊ ቅንዕና ምንባር፡ ከም የሱስ ምኻድ

ክርስቲያናዊ ቅንዕና ማለት፡ ብዝለዓለ ስርዓታት ክርስቲያናዊ ባህርይ ንምንባር ኩሉ ግዜ ብዝተኻእለና መጠን ክንጽዕር ኢና ማለት እዩ። ሓደ ኻብቶም ናይ የሱስ ዝቐረቡ ደቀ መዛሙርቲ፡ ነቶም ንክርስቶስ ኪስዕቡ ዝደለዩ ሰባት፡ «ኣብኡ ኸም ዝነብር ዝብል ዘበለ፡ ከምቲ ንሱ ዝኸደ ኺኸይድ ይግባኦ» (1 ዮሃንስ 2:6 NIV) ኢሉ ጸሓፈ። ብጽቡቕ ግብሪ ድሕነትና ኽንረክብ ኣይንኽእል እኳ እንተኾና፡ ኩሉ ግዜ ድሒንና ምህላውና ዜርኢ መርትዖ ኽንህብ ይግባኣና። እዚ መርትዖ እዚ ድማ ንዓለም ክርስቲያን ምዃንና ዜርኢ መረጋገጺ እዩ።

ኣብነት ፍረ

ኣብቲ ኣብ ካርቱም፡ ሱዳን፡ ኣብ ጥቓ ገዛይ ዝነበረ ኣታኽልቲ፡ ውሑድ ፍረ ምብቋል የሐጕሰኒ ነበረ። ዘርኢ ባምያ ተኺለ፡ እዚ ድማ ወይኒ ዀይኑ ጥዑም ባምያ ኣፍረየ። ቈራሪጽ ኣራር ተኺለ፡ እዚ ድማ ዝጥዕም ጫፍጫፍ ዝበለ ጻዕዳ ፍረ ኣፍረየ። ሓምላይ ሎሚ ተኺለ፡ ካብቲ ሓምላይን ክብን ፍረኡ ድማ ብዙሕ ብቪታሚን ሲ ዝሃብተመ ጭማቕ እሰቲ ነበርኩ።

እዚ ንምባል ግልጺ ኪመስል ይኽእል እዩ፡ ግናኸ እቲ ባምያ ኣብ ኣትክልቲ ባምያ ጥራይ እዩ ዝበቍል፡ እቲ ኣራር ኣብ ኣትክልቲ ኣራር ጥራይ እዩ ዝበቍል፡ እቲ ሎሚ ድማ ኣብ ኣትክልቲ ሎሚ ጥራይ እዩ ዝበቍል። ኣምላኽ ነዚ ኻብ መጀመርታ ኹሉ ነገር ከምዚ ኪኸውን መደቦ፦

ምድሪ ድማ ሳዕሪ፡ ዘርኢ ዚህብ ኣሕምልቲ ኸከም ዓይነቱ፡ ዘርኢ ዘለዎ ፍረ ዚህብ ኦም ድማ ኸከም ዓይነቱ ኣበቘለት። ኣምላኽ ድማ ጽቡቕ ምዃኑ ረኣየ (ዘፍጥረት 1:12)።

ከም ክርስቲያን መጠን፡ ጽቡቕ ፍረ ጥራይ ክንፈሪ ይግባኣና። ሕማቕ ፍረ፡ ንዕላማ ኣምላኽ ዝጻረር እዩ (ዮሃንስ 15:5)።

ህይወት ክርስቲያን ብዛዕባ የሱስ ክርስቶስ ብዘይ ቃላት እውን ብኣወንታ ኽትምስክር ይግባኣ። ክርስቲያናዊ ቅንዕና ማለት፡ ብኣነባብራና ከም ክርስቶስ ክንከውን ኢና ማለት እዩ። ልማድና፡ ኣረኣእያና፡ ክብርታትናን ስርዓታትናን ንክርስቲያንነት ነቶም ኣብ ዙርያና ዘለዉ ሰባት ኪምክርዎ እዩ። ሰባት ነቲ ፍልልይ ኪርእዩ እዮም፡ ነቲ ዝርእይዎን ዝሰምዕዎን ድማ ኪፈትውዎ እዮም። ንየሱስ ድማ ብ«ከም የሱስ ምኻድ» ክነፍልጦም ኢና።

እንታይ እዩ ኸምዚ ዝገብረና ኢሎም ኪሓቱና ኸለዉ፡ ንሕና ድማ ንህያው ጐይታና ኸነፍልጦም ዕድል ኣሎና። ኣምላኽ ነዚ ኸም ጽቡቕ ባህርይ ይርእዮ።

ኣብ ልብኹም ንክርስቶስ ከም ጐይታ ቕዱስ ግበርዎ። ነፍሲ ወከፍ ነቲ ዘሎኩም ተስፋ ምኽንያት ኪህብኩም ንዝሓተኩም ዘበለ ኹሉ መልሲ ንምሃብ ኩሉ ግዜ ድሉዋት ኩኑ። ግናኸ ነዚ ብለውሃትን ብኽብረትን ግበርዎ (1 ጴጥሮስ 3:15)።

ኣብነት ቈልዑ

ቈልዑ ብዙሕ ግዜ ከም ወለዶም ይረኣዩን ይሰምዑን። ኣብ ገዛ ሓደ ኻርቱም ፓስተር ከሎኹ፡ ንወዱ ኣብ መርበቡ ኮይኑ ብኮምፕዩተሩ ኺጽሕፍ ከሎ ኣስተብሂለ። ልክዕ ከምቲ ኣቦኡ ኾይኑ ዝርኣኽዎ ቦታ ተቐሚጡ ነበረ። ኣዲኡ፡ «ራኒ፡ ናብ ድቃስ እዋኑ እዩ» ኢላ ምስ ጸውዓቶ፡ እቲ ወዲ ኸምቲ ኣቦኡ ብዙሕ ግዜ ዝጥቀመሉ ዝነበረ ድምጺ፡ «ሓንቲ ደቒቕ፡ ፍቑረይ፡ እዚ ምስ ወዳእኩ ኽመጽእ እየ» በለ። ክስሕቕ ከይተረፍኩ ኣይተረፍኩን።

ከም ክርስቲያን መጠን፡ ንሕና ደቅና ናይ ኣቦና ኣምላኽ ኢና፦

ኣቦ ንሕና ደቅና ናይ ኣምላኽ ክንብሃል፡ ክንደይ ዓብዪ ፍቕሪ እዩ ዝሃበና! እዚ ድማ ንሕና ኢና! እቲ ዓለም ዘይትፈልጠና ምኽንያት፡ ንእኡ ስለ ዘይፈለጥቶ እዩ (1 ዮሃንስ 3:1)።

ኣብ መዓልታዊ ህይወትና፡ ነቲ ኣብ ሰማይ ዘሎ ኣቦና ኸም እንውክል እናዘከርና ኽንነብር ይግባኣና። ሰባት ነቲ ኣብ ባህርይና ዘሎ ኣምላኻዊ ባህርያት ኪርእዩ እዮም፡ እኳ እንተ ዘይፈለጥናዮ። የሱስ ንደቀ መዛሙርቱ በሎም፦

ብርሃንኩም ኣብ ቅድሚ ሰባት ይብራህ፡ ንሳቶም ድማ ጽቡቕ ግብርኹም ርእዮም፡ ነቲ ኣብ ሰማይ ዘሎ ኣቦኹም ኬመስግንዎ (ማቴዎስ 5:16)።

ኣብነት ምሉእነት

ካልእ ገጽ ናይ ቅንዕና፡ «ምሉእነት» እዩ። ምሉእ ዝኾነ ነገር፡ ንምሉእነት ዘድሊ ኹሉ ነገር ኣለዎ። ጥዑይ ሰብ ምሉእ ሰብ እዩ። ጥዑይ ክርስቲያን፡ ኣብ ህይወቱ ብምሉኡ ቅንዕና ዝፍጽም እዩ። ክርስቲያን ኢና ዝብሉ፡ ግናኸ ዘየርእዩ ሰባት፡ ብሓቂ ክርስቲያን እንተኾይኖም፡ ጥዑያት ክርስቲያን ኣይኮኑን።

ንሓንቲ ደቒቕ ናብቲ ኣብ ኣታኽልተይ ዝነበረ ፍረ ሕሰብ። ኣትክልቲ ኣራር ክትዛረብ ትኽእል ነበረት ንበል፡ «ኣነ ኣትክልቲ ኣራር እየ! ኣነ ኣትክልቲ ኣራር እየ! ኣነ ኣትክልቲ ኣራር እየ!» እናበለት ትዛረብ ነበረት። ድምጻ እሰምዕ ነበርኩ፡ ግናኸ ንኣራር ክደሊ ኸሎኹ፡ ኣብኡ ኣይነበረን። ከመይ ምተሰምዓኒ? ምናልባት (ንኣትክልቲ ኣራር ድማ ሓደ እኳ ዘይርእየኒ ኸሎ ምናልባት ምተዛረብኩ) «ስምዒ ኣትክልቲ! ምዝራብ ደው ኣበሊ እሞ ፍረ ምፍራይ ጀምሪ! ጽቡቕ ኣትክልቲ ኣራር ምዃንኪ ንኽፈልጥ ዝበለጸ መገዲ፡ ብዙሕ ጻዕዳ፡ ወርሒ ዝመስል ፍረ ንኽጥቀመሉ ምፍራይኪ እዩ። ሓንቲ ቃል እኳ ኣይትበሊ። ብፍሬኺ እንታይ ምዃንኪ ኣርእይኒ!»

ኣብ መዓልታዊ ህይወትና፡ ከም ክርስቲያን መጠን ምርጫታት እንገጥመሉ ብዙሕ ግብራዊ ኩነታት ክንረክብ ኢና። ወይ ከምቲ ኣብ ዙርያና ዘለዉ ብዙሓት ሰባት ዝገብርዎ ኽንገብር ንኽእል፡ ወይ ድማ መገዲ ክርስቲያናዊ ቅንዕና መሪጽና፡ የሱስ ዝገብሮ ኽንገብር ንኽእል ኢና። ምርጫ ክርስቲያናዊ ቅንዕና ህይወትና ዝኸበደ ኽገብሮ ይኽእል፡ ከምኡውን ንክርስቲያናዊ ኣነባብራና ዋጋ ኽንከፍል የገድደና ይኸውን። ግናኸ፡ ነቲ ኣብ ሰማይ ዘሎ ኣቦና ባህ ዜብል እንኮ መገዲ እዩ።

ነፍሲ ወከፍ መዓልቲ ኽንጅምር ከሎና፡ ነዚ ጸሎት እዚ ንጸሊ፦ «ኣቦ ኣምላኽ፡ ቅኑዕ ኣነባብራ እንታይ ምዃኑ ኽመሃር ሓግዘኒ፡ ከምኡውን ኩሉ ግዜ በዚ መገዲ እዚ ኽነብር ሓግዘኒ። ንምሕጋዝካ ስለ ዝተስፋኻኒ የቐንየለይ። ኣብዚ ሓቢርና ኢና! ብርሃንካ ብኣባይ ገይሩ ኣብ ጸልማት ይብራህ። ብስም የሱስ፡ ኣሜን።»