መጽሓፍ ቅዱስ

ብስራት– ጥሪ 2023 –መጽሔት ጸጋን ሓቅን

መጽሓፍ ቅዱስ

እዚ መጽሓፍ እዚ ሓሳብ ኣምላኽ፡ ኩነታት ሰብ፡ መገዲ ምድሓን፡ ፍርዲ ሓጥኣን፡ ከምኡ’ውን ሓጎስ ምእመናን ሒዙ ኣሎ። ንኣኻ ኺመርሓካ ብርሃን፡ ኪድግፈካ ምግቢ፡ ከምኡ’ውን ኬበራትዓካ ምጽንናዕ ሒዙ ኣሎ።

ካርታ ተጓዓዛይ፡በትሪ ሓጃጂ፡ ኮምፓስ ነፋሪት፡ ሰይፊ ወተሃደር፡ ከምኡ’ውን ቻርተር ክርስትያን እዩ። መዓድን ሃብቲ፡ ገነት ክብሪ፡ ከምኡ’ውን ፈለግ ሓጎስ እዩ።

ትምህርትታቱ ቅዱሳት፡ትእዛዛቱ ግዴታታት፡ ታሪኻቱ ሓቀኛታት፡ ከምኡ’ውን ውሳነታቱ ዘይተለዋወጡ ወይ ዘይተቐየሩ እዮም። ኣብዚ፡ ገነት ተመሊሳ፡ ሰማይ ተኸፊቱ፡ ደጌታት ሲኦል’ውን ተገሊጾም። ክርስቶስ ዓብዪ ዛዕባኡ፡ ሰናይና ዕላማኡ፡ ክብሪ ኣምላኽ ድማ መወዳእታኡ እዩ።

ኣብ ህይወትካ ተዋሂብካ፡ኣብ ፍርዲ ኺኽፈት እዩ፡ ንዘለኣለም’ውን ኪዝከር እዩ። ንዝኽሪ ኺመልኦ፡ ንልቢ ኺገዝኦ፡ ንኣእጋር’ውን ኪመርሖ ይግባእ። ዝለዓለ ሓላፍነት የጠቓልል፡ ዝዓበየ ዕዮ ኺፈድይ እዩ፡ ንኹሎም ነቲ ቅዱስ ትሕዝቶኡ ዘቃልሉ ድማ ይኹንን።

ጥበበኛ ንምዃን ኣንብቦ፡ድሑን ንምዃን እመንዎ፡ ቅዱስ ንምዃን ድማ ተግብርዎ። ብቐስ ብቐስ፡ ብተደጋጋሚ፡ ብጸሎት’ውን ኣንብብዎ። እዚ መጽሓፍ እዚ – መጽሓፍ መጽሓፍቲ፡ መጽሓፍ ኣምላኽ፡ መጽሓፍ ቅዱስ – ንሰብ ዝተዋህበ ራእይ ኣምላኽ እዩ!

እዚ መጽሓፍ እዚ ይእውጅ

• “ኵሎም ሓጢኦም ክብሪ ኣምላኽ’ውን ስኢኖም እዮም” (ሮሜ 3:23 NKJV).

• “ሓደ እኳ ኻብ ሓድሽ እንተ ዘይተወልደ፡ መንግስቲ ኣምላኽ ኪርኢ ኣይከኣልን እዩ” (ዮሃንስ 3:3)።

• “ክርስቶስ ከምቲ ጽሑፋት ንሓጢኣትና ሞተ፡ ከምኡ’ውን ተቐብረ፡ ከምኡ’ውን ብሳልሰይቲ መዓልቲ ኸምቲ ጽሑፋት ካብ ምዉታት ተንስአ” (1 ቈረንቶስ 15:3-4)።

• “ኣምላኽ ንዓለም ክሳዕ ክንድዚ ስለ ዝፈተዋ፡ ንበይናዊ ወዱ ሃበ፡ ምእንቲ ዚኣምነሉ ዅሉ ኺጠፍእ ኣይፋሉን፡ ናይ ዘለኣለም ህይወት ግና ኪረክብ” (ዮሃንስ 3:16)።

• “ሰብ ብእንጀራ ጥራይ ኣይነብርን፡ ብዅሉ ኻብ ኣፍ ኣምላኽ ዚወጽእ ቃል ግና ይነብር” (ማቴዎስ 4:4)።

• “ሰማይን ምድርን ኪሓልፉ እዮም፡ ቃለይ ግና ብፍጹም ኣይሓልፍን እዩ” (ማቴዎስ 24:35)።

• “ቃልካ ኣብ ልበይ ሓቢኤዮ ኣሎኹ፡ ምእንቲ ኸይብድለካ” (መዝሙር 119:11)።

እዚ ጽሑፍ እዚ ኸም ወንጌል ትራክት ካብ ጸጋን ሓቅን ይርከብ።