ንሓደ ጉጅለ ተማሃሮ ኮለጅ ብዛዕባ ጐይታ የሱስ ድሕሪ ምዝራብ፣ ሓደ ተማሃራይ ነቲ ተዛራቢ ከምዚ በሎ
“ስብከትካ ኣይፈቱን። ብመስቀል ኣይግደስን። ኣብ ክንዲ ሞት ክርስቶስ ምሰብካ፣ ንየሱስ፣ መምህርን ኣብነትን ምሰብካ ዝሓሸ ይመስለኒ።”
“*ንክርስቶስ፣ ኣብነት እንተሰቢኸዮ፣ ክትስዕቦ ድሉው ዲኻ?*” እቲ ሰባኺ መለሰ “እወ፣ ንስጉምታቱ ክስዕብ እየ።”
“ሽዑ” በለ እቲ ሰባኺ፣ “ንመጀመርታ ስጉምቲ ንስጉም። ‘ክርስቶስ . . . ሓጢኣት ዘይገበረ።’ ነዚ ስጉምቲ ክትስጉሞ ትኽእል ዲኻ?”
እቲ ተማሃራይ ተደናጊሩ ረኣየ። “ኣይፋልን” በለ፤ “ሓጢኣት እገብር እየ፣ እቕበሎ’ውን እየ።”
“እምበኣርከስ” በለ እቲ ተዛራቢ፣ “*ናይ ክርስቶስ መጀመርታ ዘድልየካ ከም ኣብነት ዘይኮነስ፣ ከም መድሓኒ እዩ።*” እዚ ድማ ናይ ኩሉ ሰብ ድሌት እዩ።
ምኽንያቱ ኣብ መስቀል፣ ቦታ ሓጥእ ክወስድ ዝኽእል እንኮ ዝነበረ ንርኢ። ንሱ ባዕሉ ብዘይ ሓጢኣት ስለ ዝነበረ፣ ሓጢኣት ሓጥእ ጾረ፣ ስለኦም ተሰቐለ፣ ስለ ሓጢኣትና ሞተ፣ ተቐብረ፣ ኣብ ሳልሰይቲ መዓልቲ ተንሲኡ ናብ ላዕለዋይ ሰማይ ዓረገ። ኩሉ ብእኡ ከም ጐይታን መድሓኒን ዝኣምን ብኣምላኽ ኣይፍረድን፣ የግዳስ ምሕረት ሓጢኣትን ህይወት ዘለኣለምን ክረክብ እዩ።
ብዘይካኡ ክትገብር ኣይትኽእልን፤ ካልእ መገዲ የለን፣ ካልእ ምኽንያት የለን፣ ከምኡ’ውን ክትድሕን ትኽእለሉ ተስፋ የለን።
መጽሓፍ ቅዱስ፣ ቃል ኣምላኽ ከምዚ ይእውጅ፦
…ኩሉ ሓጢኣት ገይሩ ክብሪ ኣምላኽ’ውን ስኢኑ እዩ (ሮሜ 3:23)
…ምኽንያቱ ደሞዝ ሓጢኣት ሞት እዩ፣ ህያብ ኣምላኽ ግና ብጐይታና የሱስ ክርስቶስ ህይወት ዘለኣለም እዩ (ሮሜ 6:23)
…ግን ኣምላኽ ፍቕሩ ኣባና ኣርኣየ፣ ገና ሓጥኣን ከለና ክርስቶስ ምእንታና ሞተ (ሮሜ 5:8)
…እንታይ ክገብር ኣሎኒ ምእንቲ ክድሕን? በሉ ድማ ብጐይታ የሱስ ክርስቶስ እመን፣ ንስኻን ቤትካን ክትድሕኑ ኢኹም (ግብሪ ሃዋርያት 16:30, 31)
