ሕቶ፡ ኣብቲ ጽሑፍ ዘሎ ሓረግ ‘ብርሃን ህይወት’ እንታይ ትርጉም ኣለዎ፧
«ኣነ ብርሃን ዓለም እየ። ዚስዕበኒ ኣብ ጸልማት ኣይከይድን እዩ፡ ብርሃን ህይወት ግና ክህልዎ እዩ» (ዮሃንስ 8፡12)። እቲ ንእስራኤል ብሓደጋታት በረኻ ኣሕሊፉ ናብ ምድሪ ተስፋ ዝመርሖ ዝነበረ ደምሰስ ደበናን ሓውን፡ ነዚ ዓብዪ ቃል እዚ ንምግላጽ ተጠቒሙሉ እዩ። ብሓቂ ድማ ብሓደ መለክዒ የገልግል እዩ፡ ግናኸ ካብኡ ንላዕሊ ኣሎ። ንዝኾነ ሰብ ብርሃን የልቦን፡ ብዘይካ ብየሱስ ጥራይ፡ ሕጂ ኣብ ምድሪ ዘይኮነስ፡ ኣብ የማን ኣቦ ኣብ ሰማይ። ካልእ ኩሉ ጸልማት እዩ። ጸሓይ ንኹሉ ትበርቕ እያ፡ ከምኡ ድማ ብርሃን ኣብ ገጽ የሱስ ንኹሉ እዩ፡ ግናኸ እቶም ዚስዕብዎ ጥራይ እዮም፡ ስለዚ ድማ «ኣብ ብርሃን ዚኸዱ» ብእኡ ዚባረኹ። ምኽታል ኣብ ወንጌል ዮሃንስ ዓብዪ ቦታ ኣለዎ። እቶም ንጐይታኦም ዝሰዓብዎ፡ መን ምዃኑ ፈለጥዎ፡ እቲ ብኣምላኽ እተላእከ ምዃኑ፡ ምስኡ ድማ ተተሓሓዙ። ጴጥሮስ ንኹሎም ወኪሉ፡
«ጐይታይ፡ ናብ መን ክንከይድ ኢና፧ ንዘለኣለማዊ ህይወት ቃላት ኣሎካ።» እቲ ብርሃን ኣብ ፍቑር ወዱ ዘሎ ምግላጽ ኣምላኽ እዩ፡ ንሰብ ድማ ካብቲ ብርሃን ወጻኢ ሓቀኛ ህይወት የልቦን።
እዚኣ ድማ እታ ንሓደ እቲ ሓቀኛ ኣምላኽን ንየሱስ ክርስቶስን፡ ንዕኡ ዝለኣኽካዮ ምፍላጥ ዘለኣለማዊት ህይወት እያ (ዮሃንስ 17፡3)።
እቲ ብርሃን ንህይወት የፍሪ፡ እታ ህይወት ድማ ንብርሃን የድልያ። ጐይታ የሱስ ብርሃንን ህይወትን እዩ። ኣብ ልቢ እቶም ብርሃን ዝበርቀሎም ሰባት ኣዝዩ ኣድላዪ ይኸውን። ንዕኡ ይፈትውዎን ይምርኮስሉን እዮም፡ ብዘይካኡ ገለ እኳ ኺገብሩ ኣይክእሉን እዮም፡ ንሱ ህይወቶም እዩ፡ ንሱ ድማ ብርሃን ህይወቶም እዩ። እዚ ኩሉ ንዕኡ ምኽታል የጠቓልል።
ቅድም ብርሃን፡ ድሕሪኡ ህይወት፡ ከምቲ ኣብ ቀዳማይ ፍጥረት ዝነበረ። ድሕሪኡ እታ ህይወት ብብርሃን ትምራሕን ትድገፍን። እግሪ ኣብቲ ናብ ሰማያዊ ውርሻ ዚወስድ መገዲ ብዝበርቕ ብርሃን ይምራሕ። ኣብ ልዕሊ እቲ ዚስዕብ፡ ግናኸ ሕልናን ኣእምሮን ልብን ይበርሁ፡ ከመይሲ እቲ ብርሃን ይበርቕ። ኣብ ውሽጢ ከምኡ ድማ ኣብ ልዕሊ።
እቲ ኻብ ጸልማት ብርሃን ይብራቕ ዝበለ ኣምላኽ፡ ብርሃን ፍልጠት ክብሪ ኣምላኽ ኣብ ገጽ የሱስ ክርስቶስ ንምሃብ፡ ኣብ ልብና ኣብርሀ (2 ቈረንቶስ 4፡6)።
እቲ ብርሃን ንሓዝኡ ምስ ከባቢኡ ቅኑዕ ርክብ የሕድር፡ ነገራት ብሓቀኛ መለክዒኦም ኪርኢ የኽእሎ፡ ንሓሶት የቃልዕ፡ ንሓቂ ድማ ይገልጽ። ንነፍሲ ናብቲ ኻብኡ ዚበርቕ ቦታ ይስሕባ፡ እዚ ድማ ዕላማ ኩሎም እቶም ኣብ ወዲ ኣምላኽ ህይወት ዘለዎም እዩ።
እታ ህይወት ብዘይ ብርሃን ዘይከኣለት ምኾነት። ንብርሃንን ህይወትን ዝኾነ ወዲ ስለ ዘሎና ንሕጐስ።
«ኣብኡ ህይወት ነበረት፡ እታ ህይወት ድማ ብርሃን ሰብ ነበረት»፡ ንዕኡ ብምስዓብ ድማ ኣብ ጸልማት ኣይንኸድን ኢና፡ ከመይሲ ንሱ ብርሃን እታ ንዓና ዝሃበና ህይወት እዩ።
