ኣምላኽ ንዓለም ብማይ ኣይሂ ድሕሪ ምፍራዱ፡ ምስ ኖህን ስድራቤቱን ሓድሽ ምጅማር ገበረ። ግን እንደገና፡ እቶም ሰባት ፈሸሉ። ፈጣሪኦም ምእዛዝን ንሱ ጥራይ ዝበለጸ ከም ዝደልየሎም ምእማንን ፈንዮም፡ ኣብ ግምቢ ባቤል ብገዛእ ጻዕሮም ናብ ሰማይ ክበጽሑ ፈተኑ። ትዕቢቶም ክሳዕ ክንድዚ ኣብጽሖም፡ ንገዛእ ርእሶም ስም ክገብሩን ንህዝቢ ምድሪ ካብ ኣምላኽ ብዘይ ምድላይ ክቆጻጸሩን ደለዩ (ዘፍጥረት 11 ርአ)።
እዚ ንዘመና እውን ባህርያዊ ኣይኮነን ድዩ? ሰባት ንገዛእ ርእሶም ምቁጽጻር ንምሓዝ ይጽዕሩ እምበር ናብ ኣምላኽ ኣይህብዎን። እዚ ኣብ ህይወትካ ብኸመይ ይመስል?
ኣብ ምድሪ ክነብር ከሎ ኣመለኻኽታ የሱስ እንታይ ነበረ? ኣብ ማእከል ደቀ መዛሙርቱ፡ ኣእጋሮም ዝሓጸበ ኣገልጋሊ ነበረ (ሉቃስ 22:27፤ ዮሃንስ 13 ርአ)። ኣብዚ ንገዛእ ርእሱ ክብሪ ኣይደለየን፡ ግን ክብሪ እቲ ዝለኣኾ ደለየ (ዮሃንስ 7:18፤ ዮሃንስ 8:50 ርአ)። ኩሉ ንገዛእ ርእሱ ምቁጽጻር ምድላይ ፈንዩ፡ መሪሕነት ህይወቱ ንመንፈስ ኣምላኽ ሃበ፡ ከምኡ'ውን ኣቦኡ ንዕኡ ዘመሓላልፎ ዝነበረ ነገር ተሰማሚዑ። ኣምላኽ መሪሕነት ከም ዝሕዝ ብምፍላጥ ዕረፍቲ ረኺቡ፡ ንጲላጦስ ከምዚ በሎ፦
«ካብ ላዕሊ እንተ ዘይተዋህበካስ፡ ኣብ ልዕለይ ገለ ስልጣን ኣይምሃለወካን» (ዮሃንስ 19:11)።
ሕቶታት
ኣብ የትኖም መዳያት ህይወትካ ትሕትና ምዃን ይኸብደካ?
መሪሕነት ህይወትካ ካብ ኢድካ ብፍላጥ/ብንቕሓት ለቒቕካዮ ዲኻ፡ እግዚኣብሔርካ መሪሕነት ምእንቲ ክወስድ፡ ወይስ ካብዚ ዝዓግተካ ነገር ኣሎ? ብምሉእ እምነት ኣብኡ - ንላዕሊ ንምልቃቕ ድሉው/ተዳልዩ/ፍቓደኛ ዲኻ?
