ኣምላኽ ካብ መጽሓፉ—መጽሓፍ ቅዱስ—ብቐጥታ ይዛረበካ። ንሱ ከም ዚፈትወካ ይብል። ኣምላኽ ስምካ፡ ስድራቤትካ፡ ኣበይ ከም እትነብር ይፈልጥ። ብሓቂ፡ ኣምላኽ ብዛዕባኻ ኵሉ ይፈልጥ። ንኣኻን ንኵሉ ኻልእ ኣብ ዓለም ዘሎን እውን ንሱ እዩ ዝፈጠረ።
“ኣምላኽ ንዓለም ከምዚ ገይሩ ፈተዋ …” እዚ ማለት ንኵሉ ወድን ጓልን ኣብ ምሉእ ዓለም ይፈቱ ማለት እዩ።
ወዱ ኽትከውን ይደልየካ። ኣምላኽ ኣዝዩ ስለ ዝፈተወካ፡ ወዱ ኽትከውን ምእንቲ ኽትከውን ዝዓበየ ህያቡ ሃበ።
“ንእንኮ ወዱ ድማ ሃበ …” ወዲ ኣምላኽ ጐይታ የሱስ ክርስቶስ እዩ። ንሱ ህያብ ኣምላኽ ንኣና እዩ። ኣምላኽ ንየሱስ ካብ ሰማይ ናብ ምድሪ፡ ኣብኣ ንነብር፡ ለኣኾ። የሱስ ከም ሕጻን ተወሊዱ፤ ከም ካልኦት ደቂ ተባዕትዮን ኣዋልድን ዓብዩን ተጻዊቱን፤ ግናኸ የሱስ ምስ ዓበየ፡ ምእንቲ ሓጢኣትና ኣብ መስቀል ሞተ። መጽሓፍ ቅዱስ ከምዚ ይነግረና፡
ክርስቶስ ምእንቲ ሓጢኣትና ሞተ (1 ቈረንቶስ 15:3)።
ኣምላኽ እቲ ንገብሮ እከይ ነገር ሓጢኣት ይብሎ። ንሱ ከምዚ ይብል፡
ኵሉ በዲሉ … ደሞዝ ሓጢኣት ድማ ሞት እዩ (ሮሜ 3:23፤ 6:23)። ሓደ እኳ ሓጢኣትካ ኺሓድገልካ ኣይኽእልን እዩ እንተ ዘይኮነስ ኣምላኽ፡ ምኽንያቱ የሱስ ንሓጢኣትካ ብምስቓሉን ብሞቱ ምቕጻዕ ተሰኪሙ እዩ።
ድሕሪኡ ኣብ ሳልሰይቲ መዓልቲ ኣምላኽ ንየሱስ ካብ ምዉታት ኣተንስኦ። የሱስ ሕጂ ኣብ ሰማይ ምስ ኣምላኽ ህያው እዩ። ግናኸ ኽትጽልዮ ኸለኻ ኺሰምዓካ ይኽእል እዩ!
ኣምላኽ “ንእኡ ዚኣምን ኵሉ” (የሱስ ክርስቶስ) ሕድገት ሓጢኣትን ኣብ ሰማይ ገዛን ኪረክብ ይኽእል እዩ ይብል። እዚ እዩ እቲ ኽትገብሮ ዘሎካ፡
- ንኣምላኽ ሓጥእ ምዃንካን ብሓጢኣትካ ድማ ከም እትሓዝንን ተናዘዝ።
ብሓጢኣተይ ክሓዝን እየ (መዝሙር 38:18)።
- የሱስ ክርስቶስ ምእንቲ ሓጢኣትካ ኸም ዝሞተ እመን።
ብጐይታ የሱስ ክርስቶስ እመን፡ ክትድሕን ድማ ኢኻ (ግብሪ ሃዋርያት 16:31)።
- ንጐይታ የሱስ ክርስቶስ ከም መድሓኒትካ ተቐበል።
ንእኡ ዝተቐበልዎ ኵሎም፡ ደቂ ኣምላኽ ኪኾኑ መሰል ሃቦም፡ ነቶም ብስሙ ዚኣምኑ (ዮሃንስ 1:12)።
“ኣይትጥፋእ፡ የግዳስ ዘለኣለማዊ ህይወት ክትረክብ ኢኻ።” ንኣምላኽ ንሓጢኣትካ ስለ ዝሓደገልካን ወዱ ስለ ዝገበረካን ኣመስግኖ። ሕጂ ናብ ሰማይ ኣብ መገዲኻ ኢኻ!
ንኻልኦት ደቂ ተባዕትዮን ኣዋልድን ዓበይትን የሱስ ከም ዚፈትዎም እውን ክትነግሮም ትኽእል ኢኻ። ንሓጢኣቶም ኪሓድገሎም ንኣምላኽ ኪሓትቱ ንገሮም። የሱስ ኵሉ ሰብ ናብ ሰማይ ኪኸይድ ይደሊ።
ወዲ ኣምላኽ ስለ ዝኾንካ፡ ሓደ መዓልቲ ጐይታ የሱስ ክርስቶስ ኪመጽእ እዩ፡ ናብ ገዝኡ ኣብ ሰማይ ድማ ኪወስደካ እዩ፡ ኣብኡ ድማ ምስኡን ምስ ኣምላኽን ንዘለኣለም ክትነብር ኢኻ።
ኣምላኽ ንዓለም ከምዚ ገይሩ ፈተዋ፡ ንእንኮ ወዱ ድማ ሃበ፡ ንእኡ ዚኣምን ኵሉ ኸይጠፍእ፡ የግዳስ ዘለኣለማዊ ህይወት ኪረክብ። (ዮሃንስ 3:16)
