ነታ ኦም ውጻእ!
ሓደ ካብቶም ንቱሪስትታት ኣዝዩ ዘሐጉስ ነገር ኣብ ምድሪ እስራኤል ክበጽሑ ከለዉ ናብ ኤሪኮ ከይዶም ነተን ጥንታዊት ሾላታት ምርኣይ እዩ። እቶም ነቲ ዛንታ ዝፈልጡ ድማ ዛኬዎስ ንየሱስ ክደሊ ዝወጸላ ኦም ኣየነይቲ ምዃና ክሓቱ ይግደዱ። ዛንትኡ ኣብ ወንጌል ሉቃስ (19:1-6) ተመዝጊቡ ኣሎ። ሕጂ ነንብቦ:
«ሽዑ የሱስ ናብ ኤሪኮ ኣተወን ሓለፈን። እንሆ ድማ፣ ዛኬዎስ ዝስሙ ሰብኣይ ነበረ፣ ንሱ ሓለቓ ቀራጻትን ሃብታምን ነበረ። ንሱ ድማ ንየሱስ መን ምዃኑ ክርኢ ደለየ፣ ግን ብምኽንያት እቲ ህዝቢ ኣይከኣለን፣ ከመይሲ ሓጺር ቁመት ነበረ። ስለዚ ንሱ ቅድሚኦም ሃንደፍደፍ ኢሉ ናብ ሓንቲ ሾላ ወጺኡ ንዕኡ ክርኢ፣ ከመይሲ ብኡ ክሓልፍ ነይሩ። የሱስ ናብቲ ቦታ ምስ መጸ፣ ናብ ላዕሊ ጠሚቱ ረኣዮ፣ ንዕኡ ድማ በሎ፣ ‘ዛኬዎስ፣ ቀልጢፍካ ውረድ፣ ከመይሲ ሎሚ ኣብ ቤትካ ክጸንሕ ኣሎኒ።’ ንሱ ድማ ቀልጢፉ ወረደን ብሓጎስ ተቐበሎን።»
ንብዙሓት ሰባት ኣብ ኤሪኮ፣ ዛኬዎስ ብሰንኪ ስራሑ ኣዝዩ ዘይፍቀር ነበረ። ኣይሁዳውያን ቀራጻት ከም ከዳዓት፣ ንሮሜ ብምስራሕን ንኣዝማዶም ብምብዝባዝን ገንዘብ ዝሰርሑ ሰባት ተራእዮም። ዝኾነ ሰብ ምስኦም ዝገብሮ ነገር ኣይደልን ነበረ።
ዝኾነ ሰብ፣ ማለት፣ የሱስ እንተዘይኮይኑ። እቲ ዝተኣከበ ህዝቢ ንዛኬዎስ ገምገም ደፊእዎ። ስለዚ ንሱ ንየሱስ ክደሊ ናብታ ኦም ወጺኡ። ንሱ ኸኣ ክሓልፍ ከሎ፣ ንቲ በይኑ ዝነበረ ንእሽቶ ሰብኣይ ብምድናቕ፣ የሱስ ደው ኢሉ ናብ ላዕሊ ጠሚቱ «ዛኬዎስ!» በለ። ኣብቲ እዋን እቲ «ስመይ ይፈልጥ እዩ!» ኢሉ ክሓስብ ኣለዎ። ብዛዕባ መድሓኒና እዚ ዘደንቕ ኣይኮነን ድዩ? ንዓኻን ንዓይን ይፈልጠና። ቁጽሪ ጸጉሪ ርእስና እውን ይፈልጥ (ሉቃስ 12:7)።
መን ምዃንካ ወይ እንታይ ከም ዝገበርካ ይኹን፣ እቲ ዝበለጸ ዓርኪ ክህልወካ ዝኽእል የሱስ እዩ። ንሱ «ዓርኪ ቀራጻትን ሓጥኣንን» እዩ (ማቴዎስ 11:19)። ንሱ ንዓኻ ኣዝዩ ይፈትወካ እሞ ብፍቓዱ ኣብ መስቀል ምእንታኻ ሞተ። ካልኦት ክነጽጉኻ ከለዉ፣ የሱስ ድሮ ይፈልጠካን ይቕበለካን እዩ። ስለዚ ሎሚ ንዕኡ ፍለጦ። ንዘለኣለም ክትሕጎስ ኢኻ! ንሕና ድማ ዝያዳ ክንነግረካ ንኽእል ኢና።
