ሳልሳይ ዮሃንስ ብዛዕባ ሓቅን ፍቕርን ብዙሕ ዚብሎ ኣለዎ፣ ግናኸ ፍቕሪ ንሓቂ ኣድላዪ ምዃና የጕልሕ። ካልእ ዓይነት ክፉእ ተላዒሉ ነይሩ: ኣብ ማሕበር ሓደ ሰብ ንሓቂ ኸም ዚዓዪ ዚዛረብ ኰይኑ ንኻልኦት ዜባርር፣ ንሃዋርያ ዮሃንስ እውን ኪቕበሎ ዝኣበየ። ንቕዱሳን ኣምላኽ ዘለና ፍቕሪ በዚ መገዲ እዚ እንተ ተዘንጊዑ፣ ሽዑ ዝዀነ ይኹን «ሓቂ» ዚብል መዛረቢ ኺቐውም ኣይክእልን። ሓቅን ፍቕርን ከም መተሓላለፍቲ ሓድሕድ ኰይኖም ብሓንሳእ ኪቐውሙ ኣለዎም፣ ከመይሲ ኣብዚ እዩ ባህርይ ኣምላኽ ዘሎ።
ዮሃንስ ዝጸሓፈሉ ጋይዮስ: ነፍሱ ስለ ዝሰልሰለት ተወሲሑ፣ ዮሃንስ ከኣ ብጥዕና እውን ከምኡ ኺሰልስል ተመንየሉ። ንሱ ንብዙሕ ክርክር ዚኸውን ኣካላዊ ሓይሊ ኣይነበሮን ይኸውን፣ ግናኸ ብሓቂ ምምልላሱን ንእቶም ብዕዮ ጐይታ ዝኸዱ እሙን ክንክንን ፍቕርን ምሃቡ ኣዝዩ ተወሲሑ።
እቶም ኣብ ፍቕዲ 5 ተጠቒሶም ዘለዉ «ኣጋይሽ» ካብቶም ኣብ 2 ዮሃንስ ዘለዉ «መታለልቲ» ኣዝዮም ፍልያት እዮም። እዞም ኣጋይሽ ንጋይዮስ ዘይፈልጦም ኣሕዋት እዮም ነይሮም፣ ግናኸ ንዕዮ ክርስቶስ ብዘይራስነት ርእሶም ዚህቡ ነይሮም፣ ካብ ኣህዛብ—እቶም ዘይድሓኑ—ሓንቲ እኳ ኣይወስዱን ነይሮም። መታለልቲ ብምሉኡ ኺነጽጉ ከም ዝነበሮም፣ ከምኡ ድማ እሙናት ኣገልገልቲ ክርስቶስ ብምሉኡ ኺቕበሉ ነይሮም።
ነዚ ኣምላኻዊ ፍቕሪ ብግቡእ ሚዛን ሓቂ ብምዕያይ ነገልግሎት እዛ መልእኽቲ እዚኣ ንግደስ። ከም እንደገና እቲ ሃዋርያ ብቕሩብ ከም ዚመጽእ ኰይኑ ጸሓፈ።
