ምስጋና ኣብ ቈሎሴ
«ስለዚ ኸምቲ ንክርስቶስ የሱስ ጐይታ ዝተቐበልኩምዎ፡ ከምኡ ኸኣ ብእኡ ተመላለሱ፡ ኣብኡ ስርቲ ሒዝኩም እሞ ተሃንጺኹም፡ ከምቲ እተመሃርኩምዎ ብእምነት ጸኒዕኩም፡ ብምስጋና እናበዛሕኩም» — ቈሎሴ 2:6-7 NKJV
ብዛዕባ ንብረት፡ ኹሎም ሰባት ዜመስግንዎ ነገር ኣለዎም። ግናኸ ኹሉ ንብረትና ምስ ተቘጽረ፡ ክርስትያናት ድሕሪኡ ኸኣ እቶም ንክርስቶስ ዘይፈልጡ ዘይፈልጥዎ፡ ክቡር፡ ዘይቘጻጸር፡ ዘለኣለማዊ በረኸታት ኪቘጽሩ ይኽእሉ እዮም። እቲ ልዕል ዘሎ ጥቕሲ ገለ ኻብኣቶም የዘኻኽረና።
ቅድሚ ኹሉ፡ «ንክርስቶስ ተቐቢልና» ስለ ዝኾና ነመስግን። እቲ ዘለኣለማዊ ወዲ ኣምላኽ ተዋሂቡና (ኢሳይያስ 9:6)፡ ብጸጋ ኸኣ ተቐቢልናዮ (ኤፌሶን 2:8)። ንሱ ምእንቲ ኹሉ ቤዛ ዀይኑ እንተ ተዋህበ እኳ (1 ጢሞቴዎስ 2:6)፡ ገሊኦም ይነጽግዎ። ግናኸ ንሕና ኣይነጸግናዮን፡ ምኽንያቱ ንሱ ኻብ ምፍጣር ዓለም ቅድሚኡ መሪጹና እዩ (ኤፌሶን 1:4)።
ካልኣይ፡ እቲ ዝተቐበልናዮ ኸኣ «የሱስ ጐይታ» እዩ። ንሱ መድሓኒናን ጐይታናን ስለ ዝኾነ ነመስግን። እቲ ኻብ ጕድጓድ ሲኦል ዘድሓነና፡ ነገስታትን ካህናትን ዜጋታት ሰማይን እውን ገይሩና እዩ (ራእይ 1:6፤ ፊልጲ 3:20)። ሳልሳይ፡ «ኣብኡ ስርቲ ሒዝና እሞ ተሃንጺና» ስለ ዝኾና፡ ሓይልናን እቲ ኽንመላለሰሉ ዚግባእ ኣንፈትን ኹሉ ኻብኡ እዩ ዚመጽእ ስለ ዝኾነ ነመስግን።
ኣብ መወዳእታ፡ «ብምስጋና ክንበዝሕ» ንኽእል ኢና፡ ምኽንያቱ ድሕነትና ዘይናወጽ፡ ዘይንቀሳቐስ፡ ዘለኣለማዊ፡ ኣብ ጽኑዕ መሰረት እተሃንጸ ምዃኑ ተረጋጊጹልና እዩ (2 ጢሞቴዎስ 2:19, 1 ቈረንቶስ 3:11)። ምስጋና ኽንህብ ከለና፡ ምስ ኹሎም ሰባት፡ ንንብረትና ጥራይ እናቘጸርና ንርከብዶ፡ ወይስ ምስ ጳውሎስ፡ ምስቲ ብክርስቶስ ዘሎና በረኸታት ምስ እነነጻጽሮ ኹሉ ነገር ከም ክሳራ ቘጺርና ንርከብ (ፊልጲ 3:7-8)?
