ዮሃንስ ነቲ መእተዊ ናይ መጽሓፍ ራእይ ኪዛዝም ምስ ጀመረ፡ ናብቲ ቀንዲ ሓሳብ ናይቲ ብምሉኡ መጽሓፍ ይሰጋገር፡ ንሱ ድማ ምምጻእ ጐይታ የሱስ ክርስቶስ እዩ! እዚ ምምጻእ እዚ ንናቱ ኣይኮነን፡ ከምቲ ኣብ ዮሃንስ 14:1–3 ተስፋ ዝተዋህበ፡ ከምኡ’ውን ኣብ 1 ቈረንቶስ 15:50–58ን 1 ተሰሎንቄ 4:13–18ን ዝተዘርዘረ። እዚ ግርማዊ ምምጻኡ እዩ፡ ምስ ናቱ ኪገዝእን ኪነግስን ከሎ። እዚ ኣብ ዳንኤል 7:13–14ን ኣብ ብዙሓት ካልኦት ቦታታት ኣብ ቃል ኣምላኽን ተነጊሩ እዩ።
ዮሃንስ ናብዛ ግሩም ሓቂ እዚኣ ኣቓልቦና ኺስሕብ ይደሊ፡ «ይመጽእ ኣሎ!» ብቓል፡ «እንሆ» ይጅምር፡ እዚ ድማ ናብ ኣቓልቦ ዚጽውዕ፡ ብዕምቈት ኪጥምት ዚገብር እዩ። ኣብ ወንጌሉ ንጐይታ የሱስ ክርስቶስ ክንጥምትን ክንሓስብን ንምግባር ብዙሕ ግዜ ዝጥቀመሉ ቓል እዩ (ዮሃ. 1:29, 36፤ 19:4, 5, 14)። ንሱ ምእንታና ኸም ዚመጽእ ሓቂ ምዃኑ ንርድእ፡ ግናኸ ምምጻኡ ብግርማ’ውን ርግጽ ዝኾነ ሓቂ እዩ፡ ኪኸውን እዩ!
ጐይታ ናብ ምድሪ ምስ ተመልሰ፡ ምስ ደበና ኪመጽእ እዩ። ደበናታት ኣብ ቅዱሳት ጽሑፋት መብዛሕትኡ ግዜ ንምህላውን ግርማን ኣምላኽ የርእዩ (ዘጸ. 13:21–22፤ 16:10፤ ዘሁ. 10:34)። እዚ ምትእስሳር እዚ ምስ ደበናታት ኣብ ድንኳንን ኣብ ቤተ መቕደስን ንርእዮ (ዘጸ. 40:34–38፤ 1 ነገ. 8:10–12)።
ኣብ ዕርገት ጐይታ፡ «እዚ ምስ ተዛረበ፡ ንሳቶም እናረኣይዎ፡ ተወስደ፡ ደበና ድማ ካብ ኣዒንቶም ወሰደቶ» (ግብ. 1:9) ምባል ዘገርም እዩ። ኣብ ካልኣይ ምምጻኡ ደበናታት እንደገና ኪጥቀሙ እዮም፡ ግናኸ እዚ ግዜ እዚ ንዕኡ ንምግላጽ እዩ። እቲ ሓደ ግዜ ዝተነጽገ ክርስቶስ ኣብቲ ግዜ እቲ ንዘይኣምን ዓለም ከምቲ ዝተገብረ ክርስቶስ ኪግለጽ እዩ፤ እቶም ዝወግእዎ እኳ እንተኾኑ፡ ንሱ መን ምዃኑ ኺርእይዎ እዮም!
ንብሩኽ መድሓኒና፡ ብግርማኡ ኪግለጽ ከሎ፡ ክንደይ ዝኸውን መዓልቲ እያ!
