ምስ ክርስቶስ ምሕዝነት
ጐይታ ናብ ቤት ጴጥሮስ ይኣቱ ኣብ ኣዝዩ ግቡእ ግዜ (ማርቆስ 1:29-31)። ካብቲ ርኹስ መንፈስ ካብ ሰብ ዘውጽኣሉ ምኩራብ ወጺኡ፣ ብኡብኡ (ሓደ ባህርያዊ ቃል ወንጌል ማርቆስ፣ ማለት ብቕጽበት ወይ ብዘይ ምድንጓይ) ናብ ቤት ጴጥሮስ ይኸይድ። «ኣደ ሰበይቲ ስምኦን ብንዳድ ተሓሚማ ነበረት» እሞ ብዛዕባኣ ይነግርዎ። ብዛዕባ እታ ሕሙም ሰበይቲ ንጐይታ ምሕባሮም ኣዝዩ ባህርያዊ ነይሩ፣ ንሱ ኸኣ ብሓንቲ ቃል ይፈውሳ።
ሕጂ ሓደ ሰብ ንጐይታ ምሉእ ብምሉእ ኪስዕብ እንተደኣ ኮይኑ ኸይተመርዓወ ኺተርፍ ከም ዘለዎ ብዙሕ ግዜ ተምሂሩ እዩ፤ ግናኸ ኣብዚ ስምኦን ዝተመርዓወ ሰብ ከም ዝነበረ ንመሃር፣ ንሱ ኸኣ ንኣደ ሰበይቱ፣ ንልቡ ጥራይ ዘይኮነስ ናብ ቤቱ እውን ዜእትዋ ዓቢ ፍቕሪ ዝነበሮ ሰብ እዩ። ኣብዚ ግዜ እዚ ኣዴታት ሰበይቲ ብዙሕ ግዜ ይርስዓ ወይ ብንዕቀት ይርኣያ። ግናኸ ኣብዚ ኸምኡ ኣይኮነን—ኣምላኽ ከኣ እዚ ኣብ ገጻት ቃሉ ብኸንቱ ኣይጸሓፎን!
ሰበይቲ ጴጥሮስ በታ መዓልቲ እቲኣ ኣዝያ ሓዚና ከም ዝነበረት ኣይጠራጠርን እየ። ኣደኣ፣ ምናልባት (ምኽንያቱ ብዛዕባ ቘልዑ ኣይንበብን ኢና) ኣብ ዓለም ካብ ሰብኣያ ንላዕሊ እትፈትዎ ዝነበረት፣ ብንዳድ ተሓሚማ ነበረት። ሉቃስ 4:38 (KJV) ከም ዝብሎ፣ «ብዓቢ ንዳድ ተታሒዛ ነበረት።» ግናኸ የሱስ «ኣብ ልዕሊኣ ደው ኢሉ ንንዳድ ገሰጾ፣ ንሱ ኸኣ ሓደጋ፤» ንሳ ኸኣ «ብኢዳ ሒዝዋ ኣልዓላ፣» ንሳ ኸኣ «ኣገልገለቶም» (ቁ.39፣ ማርቆስ 1:31)፣ ኣብ ክንዲ እትግልገል። ጠቓሚት ኾነት፣ ንኻልኦት እተገልግል ኣደ ሰበይቲ።
ጐይታ በታ መዓልቲ እቲኣ ናብኡ ዝኸደ ብኣጋጣሚ ይመስለኩም ድዩ? ኣይመስለንን። ናብ ቅድሚት ገለ መዓልታት ኣብ ታሪኽ ጴጥሮስ እንተ ተመለስና፣ ንሱ ንጐይታ ኺስዕብ ኵሉ ነገር ከም ዝሓደገ ንዝክር። ምድራዊ ዕዮኡ ሓዲጉ ኸምኡ ኺገብር ከሎ፣ ሰበይቱ ብዛዕባ ኣገባብን መንገዲን ገለ ጭንቀት ተሰሚዕዋ ኪኸውን ይኽእል እዩ፣ ከምኡ’ውን እንተ ዘይበለት እኳ፣ «ሕጂ ከመይ ጌርና ኽንክንከንን ክንድገፍን ኢና?» ኢላ ሓሲባ ኪትከውን ትኽእል እያ። ጐይታ ናብ ቤታ—ናብ ገዛኣ ይኣቱ፤ ንኣደኣ ብኢዳ ሒዝዋ፣ ብሓንቲ ቃል ይፈውሳ። እታ ፍቕርቲ ጓል ንኣደኣ ተፈዊሳን ተመሊሳን ምስ ረኣየታ፣ ብዛዕባ እቲ ሰብኣያ ንጐይታ ምሉእ ብምሉእ ኣብ ምኽታል ዝገበሮ ተግባር ኣዝያ ርግጸኛ ኾይና ኪትከውን ኣለዋ። ጴጥሮስ ንጐይታኡ ኣብ ዕዮኡ ኺሰንብት እንደገና ቕድሚ ምኻዱ፣ ካብ ሰበይቱ ከምዚ ዝኣመሰለ ቃል ከም ዝረኸበ ኣይጠራጠርን እየ፣ «ንስኻ ንእኡ ምሉእ ብምሉእ ስዓቦ፣ ስምኦን፤ ኣብ ቅኑዕ መገዲ ከም ዘለኻ ጽቡቕ ጌረ እርኢ ኣለኹ፤ ንሱ ንኹሉ ነገርና ኺከናኸነና ልብን ሓይልን ኣለዎ።»
እዚ ትርኢት እዚ ንጐይታ ኣዝዩ ይመስል። ንሱ ንኣገልገልቱ ኣብ ገዛኦም ኬዕርፉ፣ ከምኡ’ውን ኪስዕብዎ ሓራ ኺገብሮም ይፈቱ። እቲ ሰብኣይ ኣብ ህዝባዊ ዕዮ ኺዓዪ ተጸዊዑ ብዙሕ ግዜን ብግድነትን ርሑቕ ኪኸውን ከሎ፣ ንሳቶም ኣብ ገዛኦም ብሓሳባቶምን ጾሮምን ንበይኖም ንዝኾኑ ሰበይቲ ጐይታ ከም ዚሓስበለን ምሕሳብ ጥዑም እዩ። ንበይንኹም ከም ዝኾንኩም ዚስምዓኩም፣ ጐይታ ብዛዕባኹም ከመይ ከም ዚሓስብ ኣስተብህሉ!
ሕጂ ናብ ሳልሳይ ምዕራፍ ማርቆስ ክንሓልፍ ከለና፣ ጴጥሮስ ካብ ጐይታ ዝረኸቦ ፍሉይ ጻውዒት ንረክብ። ድሕሪ ሓንቲ ለይቲ ብጸሎት ምሕላፉ (ሉቃስ 6:12 ተመልከት)፣ ጐይታ ኣብዚ ኣብ መገዲ ስደቱ ምስኡ ዚኾኑ ሰባት መረጸ። «ዓሰርተው ክልተ ሰባት ሾመ፣ ምእንቲ ምስኡ ኺኾኑ» (ማርቆስ 3:14)። ካብኡ ዝበለጸ ብሩኽ ነገር ኣይፈልጥን እየ!
ሰባት ምድሓን ግሩም ነገር ከም ዝኾነ ይሓስቡ፣ ካብ ሲኦል ምድሓን—ናብ ሰማይ ምኻድ ግሩም ነገር እዩ፤ ከምኡ’ውን እዩ። ግናኸ ናብ ሰማይ ምኻድ ኣብ ቅዱሳት ጽሑፋት ኵሉ ሳዕ ምስ ሓደ ሰብ ምዃን እዩ። «ካብ ስጋ ምፍላይ፣ ምስ ጐይታ ምዃን» (2 ቈረንቶስ 5:8) ከምኡ’ውን «ምፍላይን ምስ ክርስቶስ ምዃንን፤ እዚ ኸኣ ኣዝዩ ይበልጽ» (ፊልጲ 1:23) ቋንቋ ቅዱሳት ጽሑፋት እዩ።
ምስኡ ምዃን፣ ምስ ጐይታ የሱስ ክርስቶስ ምሕዝነት ምሕጓስ እዩ ኣምላኽ ዚጽውዓና፤ ኣብዚ ኸኣ እዞም ሰባት እዚኦም ብፍሉይ ኣገባብ ምስኡ ኺኾኑ ተጸዊዖም ነበሩ። ንስኻ፣ ኣንባቢየይ፣ ምስኡ ኽትከውን ተጸዊዕካ ዲኻ? ከምዞም ሰባት እዚኦም ሃዋርያ ኽትከውን ኣይተጸዋዕካን ኢኻ፣ ግናኸ ዘለኣለማዊ ህይወት ክርስትያን ምስ የሱስ
ብደብሊው. ቲ. ፒ. ዎልስተን (ካብ «ስምኦን ጴጥሮስ – ህይወቱን ደብዳቤታቱን» ዝተወስደ)
