ሰላም ኣበይ ክንረክብ ኢና፧

ብስራት– ታሕሳስ 2011 –መጽሔት ጸጋን ሓቅን

ሰላም ኣበይ ክንረክብ ኢና፧

ሓንቲ ኣብ ኤኖሪ፣ ደቡብ ካሮላይና እትርከብ ቤተ ክርስትያን መዘምራን ይለማመዱ ኣብ ዝነበሩሉ እዋን፡ ሓደ ህጻን ክበኪ ጀመረ። እታ ኣመሓዳሪት መዘምራን፡ ኣደ ዓባይ እቲ ህጻን ዝነበረት፡ ወሲዳ ከተጸናንዖ ፈተነት፡ ግና ኣይከኣለትን። እቲ ህጻን ኣይተረጋግእን። ካልእ ሰበይቲ ድማ፡ “ንዓይ ሃብኒ” በለት። ንእተወሰነ እዋን ሒዛቶ ጸንሐት፡ ግና ክበኪ ቀጸለ።

ሳልሰይቲ ሰበይቲ ሒዛቶ ጸንሐት፡ ግና ሕጂ’ውን በኸየ። ኣብ መወዳእታ፡ ኣቦኡ ቀሪቡ ሒዝዎ። ንወዱ ከም ዝሓዘቶ ድማ፡ ምብካይ ኣቋረጸ፡ ድሕሪ ቁሩብ ድማ ደቀሰ። “ክንደይ ዘገርም” በለት ኣደ ዓባዩ። “ኣብ ቅልጽም ኣቦኡ ሰላም ረኸበ።”

እዚ ንእሽቶ ፍጻመ እዚ፡ ብዛዕባ ሰማያዊ ኣቦና ቅዱስ ኣውግስጢኖስ ዝበሎ ፍሉጥ ቃል ኣዘኻኺሩኒ፡ “ንዓኻ ኢኻ ዝፈጠርካና፡ ልብና ድማ ኣብ ቅድሜኻ ክሳዕ ዝዕረፍ ሰላም ኣይረክብን እዩ።” ክንደይ ሓቂ።

ኣብ ህይወት ብዙሕ ግዜ ሰባት ብዙሕ ነገራት ይገብሩ ሰላም ንምርካብ። ብዙሓት ናብ ሓሽሽን ኣልኮልን ይምለሱ፡ ካልኦት ድማ ናብ ገንዘብን ዓወት ይምለሱ። ገሊኦም ኣብ ናይ ሓድሽ ዘመን ልምምዳት ይሳተፉ፡ ገሊኦም ድማ ዝተፈላለዩ ሃይማኖታት ይፍትኑ፡ ወይ ድማ ዘይስነ-ምግባራዊ ኣነባብራ ይነብሩ። ብዝተኻእሎም መጠን እንተፈተኑ እኳ፡ ሕጂ’ውን ይጎድሎም እሞ ባዶ ይኾኑ። ኣብ ህይወቶም ብነገራት እዛ ዓለም እዚኣ ክምላእ ዘይከኣል ክፍቲ ቦታ ወይ ባዶነት ኣሎ። ብሓቂ፡ እዚ ክፍቲ ቦታ እዚ ኣምላኽ ጥራይ ክመልኦ ዝኽእል እዩ።

መጽሓፍ ቅዱስ፡ ናይ ሓቂ ሰላምን ዘላቒ ምልኣትን ብኢየሱስ ክርስቶስ፡ ወዲ ኣምላኽ ጥራይ ከም ዝመጽእ ይነግረና። “እምበኣርከስ ብእምነት ስለ ዝጸደቕና፡ ብጐይታና ኢየሱስ ክርስቶስ ምስ ኣምላኽ ሰላም ኣሎና” (ሮሜ 5:1 NASB)።

ኢየሱስ ናብ ዓለም መጺኡ ንሓጢኣትና ሞተ።ካብ መቓብር ተንሲኡ፡ ሰላም፡ ምሕረት ሓጢኣትን ዘለኣለማዊ ህይወትን ንምሃብ ህያው እዩ። እዚ በረኸታት እዚ ብነጻ ህያብ ይቕርበልና፡ ምኽንያቱ ንኣና ዘለዎ ፍቕሪ። “ኣምላኽ ግና፡ ገና ሓጥኣን ከሎና፡ ክርስቶስ ምእንታና ብምማቱ፡ ንኣና ዘለዎ ፍቕሪ ኣርኣየ” (ሮሜ 5:8)።

እዚ ብስራት ኣይኮነንዶ፧ ኣምላኽ፡ ፈጣሪ ዩኒቨርስ፡ ካብ ሓጢኣትናን ገበንናን ንምድሓን ወዱ ናብ ዓለም ክሰድድ ክሳዕ ክንድዚ ይፈትወና። ካብ ፍርዲ ሓጢኣት፡ ማለት ካብኡ ዘለኣለማዊ ምፍልላይ፡ ንምድሓን’ውን መጸ። “ኣምላኽ ንወዱ ናብ ዓለም ዝሰደዶ፡ ንዓለም ኪፈርድ ኣይኮነን፡ ዓለም ብእኡ ኺድሕን እዩ እምበር። እቲ ብእኡ ዚኣምን ኣይፍረድን እዩ፡ እቲ ዘይኣምን ግና፡ ብስም እቲ ሓደ ወዲ ኣምላኽ ስለ ዘይኣመነ፡ ኣቐዲሙ ተፈሪዱ እዩ” (ዮሃ 3:17-18)።

ኢየሱስ ናብኡ ክትመጽእ ይዕድመካ፡“ኣቱም ኵልኹም ዝጽዕርኩምን ጾር ዝኸበደኩምን፡ ናባይ ምጹ፡ ኣነ ኸኣ ከዕርፈኩም እየ” (ማቴ 11:28)። ዕረፍቲ የድልየካ ድዩ፧ ሰላም ክትደሊ ጸኒሕካ ድዩ፧ ምሕረት ሓጢኣትካ የድልየካ ድዩ፧ እንተኾነ፡ ሎሚ ናብ ኢየሱስ ምጻእ። ምሕረትን ነጻ ህያብ ዘለኣለማዊ ህይወትን ሕተቶ። ናብኡ ዝመጹ ኵሎም ከም ዝቕበሉ ተስፋ ሂቡ እዩ። “እቲ ናባይ ዚመጽእ ከቶ ኣየውጽኦን እየ” ይብል (ዮሃ 6:37)።

ከም ዘለኻዮ ምጻእ። ከምቲ ኣብ ቅልጽም ኣቦኡ ሰላም ዝረኸበ ህጻን፡ እንተ ኣሚንካ፡ ኣብ ቅልጽም ሰማያዊ ኣቦኻ ሰላም ክትረክብ ኢኻ።ዝያዳ ክንነግረካ ንኽእል ኢና።

ሮስኮ ባርነስ ሳልሳይ