ክቡር ኣንባቢ፡
ክርስቶስ እውን ምእንታና መከራ ተሰቕመ፡ ንኣብነት ገዲፉልና፡ ንስጕምትታቱ ኽንስዕብ ይግብኣና እዩ (1 ጴጥሮስ 2:21)። ኣብኡ ኸም ዝነብር ዝብል፡ ንሱ ኸም ዝኸደ፡ ንሱ እውን ከምኡ ኺመላለስ ይግብኦ እዩ (1 ዮሃንስ 2:6)።
ድሕነት ረኺበን ምስ ኣምላኽ ሰላም ምስ ዝረኸብኩ፡ ሕጂ ናብ ክብሪ ኣብ ዝኸይድሉ እዚ ዓለም እዚ ክመላለሰሉ ዝኽእል ኣርኣያ የድልየኒ እዩ፡ እቲ በረኸት ዝመልኦ ሰብ፡ በቲ ምሕረትን ሰላምን ዝረኸብኩሉ፡ ኣርኣያይ ይኸውን።
ስጕምትታቱ ምኽታል
ብዝያዳ ብዝተዋፈርናሉ መጠን፡ ብዝያዳ ንመስሎ። ብዓለም እንተ ተዋፊርና፡ ዓለማውያን ንኸውን፡ ብርእስና እንተ ተዋፊርና፡ ንርእስና ጥራይ ንሓስብ—ግን ብክርስቶስ እንተ ተዋፊርና፡ ክርስቶሳውያን ንኸውን።
ሕጂ ንሕና ክርስትያናት ብዛዕባ ሰብነት ጐይታና ምሕሳብ ኣዝዩ ሒደት ኢና እንፈልጥ። ብዙሕ ግዜና ብዛዕባኡ ብህድኣት ብምሕሳብ እንተ ዝኸውን፡ ኣብ ክንዲ ካብኡ ጥራይ ንነገራት ምሕታት። ንዕኡ ንምፍላጥ ኣብ ክንዲ ንነገራት ጥራይ እንድህስስ፡ እቲ ብቕጽበት ኣብ ናይ ገዛእ ርእስና ጉዳያት ክሕግዘና ዝኽእል ዝመስለና። ብዝያዳ ንክርስቶስ የሱስ እንተ ኣስተንተንናሉ፡ ብዝያዳ ንፈልጦን ብዝያዳ ንርእዮን፡ ብዝያዳ ንመስሎን።
