ክቡር ኣንባቢ,
ቕድስና ስዓቡ: ብዘይኡ ሓደ እኳ ንእግዚኣብሔር ኣይርእዮን እዩ (ዕብራውያን 12:14)።
ተኻፈልቲ ቕድስናኡ ምዃን እንታይ ማለት እዩ? (ዕብራውያን 11:10)።
ቕድስና ንጽቡቕን ክፉእን ቅኑዕ ምፍላይ እዩ። ብተወሳኺ: ንጽቡቕ ዝሕጎስን ንክፉእ ዝጸልእን ባህሪ እዩ። ንኣምላኽ ዝምልከት ባህሪ እዩ: ንቕዱስ ዕላማ ምፍላይ ዝብል ሓሳብ እውን የሰንዮ። ቕድስና ከም ክርስቶስ ዝኣመሰለ ባህሪ እዩ። ናብ ቅድስተ ቅዱሳን ምእታው (ዕብራውያን 10:19) ኣብ ቕድስና ዝምልከቶ ተግባራዊ ምምልላስ የጠቓልል።
እዚ ምእንቲ ኺፍጠር: እሞ ፍቕሪ ኻብዛ ዓለም እዚኣ ምእንቲ ኺፍለ: ኣምላኽ ንደቁ ብብዙሕ ምምልላስ የሕልፎም እሞ ንጥቕሞም ይቐጽዖም። እዚ ኣገዳሲ እዩ: ከመይሲ ብዘይካ እዚ ነፍሲ ኣብቲ ካብ ዕላማ ኣምላኽ ዝጎድል ነገራት ዕረፍታ ኽትደሊ እያ። ተግባራዊ ቕድስና እዩ ስነ-ምግባራዊ ብቕዓት ዝህብ። ስለዚ: ተኻፈልቲ ቕድስና ኣምላኽ ምዃን ብሓቂ ዓብዪ መሰልን ዓብዪ ክብሪን እዩ: ከመይሲ ሽዑ ኣብ ሓጎሱ ንካፈል: ንውበቱ ንርኢ: ንሓሳቡ ኸኣ ንመሃር።
ኣምላኽ ንሓቀኛ ሓጎስ ደቁ ኩሉ ግዜ ይደሊ: ሓጎስን ቕድስናን ከኣ ብሓንሳብ ይኸዱ።ክቡራት ኣንበብቲ: ምእንቲ ጸሎትኩምን ማስታወሻታት ምትብባዕኩምን ፍሉይ ምስጋና ይብጻሕኩም። ካባኹም ኩሉ ምስማዕ ንፈቱ።
