ምሳሌ ሳሙና
ሓደ ወናኒ ፋብሪካ ሳሙና ምስ ሓደ ክርስትያን ይዛረብ ነበረ።
እቲ ሰራሒ ሳሙና፡ “እቲ እትሰብክዎ ወንጌል ብዙሕ ጽቡቕ ኣይገበረን፡ ከመይሲ ገና ብዙሕ ክፍኣትን ክፉኣት ሰባትን ኣለዉ” በለ። እቲ ክርስትያን ብቕጽበት መልሲ ኣይሃበን፡ ግናኸ ቕድሚ ብዙሕ ከይጸንሑ ሓደ ቈልዓ ጭቃ ኺሰርሕ ከሎ ሓለፉ። እቲ ቈልዓ ኣዝዩ ርኹስ ስለ ዝነበረ፡ እቲ ሰራሒ ሳሙና ኻብኡ ርሑቕ ኪኸውን ነገሮ።
ሽዑ እቲ ክርስትያን ተመልሰ እሞ፡
“ሳሙና ኣብ ዓለም ብዙሕ ጽቡቕ ኣይገበረን፡ ከመይሲ ገና ብዙሕ ርኽሰትን ርኹሳት ሰባትን ኣለዉ” በለ። “ኦ፡ እምበኣር”፡ እቲ ሰራሒ መለሰ፡ “ሳሙና ዚጠቅም ኪጥቀመሉ ኸሎ ጥራይ እዩ። እዚ ቈልዓ ናባይ ኪመጽእ፡ ነጻ ሳሙና ኺረክብ፡ ኵሉ ኺጸርይ ይኽእል እዩ።” “ልክዕ እዩ”፡ እቲ ክርስትያን መለሰ። “እቲ እንሰብኮ ወንጌል እውን ከምኡ እዩ።”
ወንጌል ናብ ዕረፍቲ ዚጽውዕ
ጐይታ የሱስ ክርስቶስ በለ፡
“ኣቱም ኵልኹም እትጽዕሩን ጾር ዝኸበደኩምን፡ ናባይ ምጹ፡ ኣነ ኸኣ ከዕርፈኩም” (ማቴዎስ 11:28)።
ሕጂ እዩ እቲ ንሰብ እተዋህበ ግዜ፡ ክርስቶስ ብደሙ ዝረኸበልና ዘለኣለማዊ ምድሓን ኪረክብ። ኣብ መላእ ዓለም ዘሎ ሓደ እኳ ነዚ ጾር ሓጢኣት እዚ ኻብ ጐይታ የሱስ ወጻኢ ኺወስዶ ኣይክእልን። እቲ ጾር ዝኸበዶ ሰብኣይ ባዕሉ ኺገብሮ ዚኽእል ወይ ብኻልእ ሰብ ወይ ሰባት ዚግበር ሓደ እኳ ኺጠቅም ኣይክእልን። እቲ ጐይታ የሱስ ኣብ መስቀል ንሓጢኣት ምእንቲ ኺስዋእ ዝገበሮ ጥራይ ኪትግበር ኣለዎ።
ኵሉ ሰብ፡ ጾሩ ኺውገድን ሓጢኣቱ ኺሕጸብን ዚደሊ፡ ናብ ጐይታ የሱስ ጥራይ ኪመጽእ ኣለዎ። ኵሉ ድማ ንእኡ ዚህቦ፡ ብቕጽበት ዕረፍቲ ነፍሲ ይወሃቦ። ከመይሲ፡
“ደም የሱስ ክርስቶስ ወዱ ኻብ ኵሉ ሓጢኣት የንጽሓና” (1 ዮሃንስ 1:7)።
እቶም ኣብዛ ህይወት እዚኣ ብሓጢኣት ኪሕጐሱ ዚመርጹ፡ ከምኡ’ውን ሕልናኦም ከይረብሾም ዚዓብሱ፡ እዋን ፍርዲ ምስ መጸ፡ ንክርስቶስ ከም ዳኛ ኺገጥምዎ ኣለዎም። ሽዑ ድማ ኺነግሮም እዩ፡
“ኣቱም ርጉማት፡ ናብቲ ንዲያብሎስን ንመላእኽቱን እተዳለወ ዘለኣለማዊ ሓዊ ኻባይ ኪዱ” (ማቴዎስ 25:41)።
ኦ ኣንባቢ፡ ንዓኻ ኣየናይ ኪኸውን እዩ?
ሕጂ “ምጻእ” እሞ ድሓን፡ ሓጢኣትካ ሕጸብ፡ ነቲ ዜፍርህ “ኻባይ ኪዱ” ድማ ኣወግድ።
