ንጽብሪ ንምውሳድ ፍጹም መዓልቲ ነይራ። ንካሜራ ብዙሓት ጽቡቓትን ኣገደስትን ነገራት ነይሮም፡ ግናኸ ኩሉ ሰብ ብሓንቲ ጽብቕቲ ኣረግቲ ኦም፡ ብሓጺን ኣጥር ዝተኸበበትን ብነሓስ ጽሕፍቲ ዝተመልክተትን ተዋፊሩ ነይሩ። ሓደ መንእሰይ ደው ኢሉ፡ “እዛ ኦም እዚኣ እንታይ እያ ኣገዳሲት?” ኢሉ ሓተተ።
ሓደ ሰብኣይ ድማ፡ “እቲ ጽሕፍቲ እዛ ኦም እዚኣ ማእከል እንግሊዝ ከም እተመልክት ይብል ኣሎ። ቱሪስቶች ካብ ኩሉ ቦታ ንማእከል እንግሊዝ ጽብሪ ንምውሳድ ይመጹ” ኢሉ መለሰ።
ማእከል ዓለም
እቲ መንእሰይ ብፍላጥ ነቲ ኣብታ ጽሕፍቲ ዘሎ ጽሑፍ ኣንበበ። ገጹ ብሳሕቂ በረቐ፡ ናብቲ ሰብኣይ ድማ ተመልሰ። “እዚ ኣገዳሲ እዩ” ኢሉ ኣወጀ፡ “ንዛ ኦም እዚኣ ሓደ እኳ ሰሚዐ ኣይፈልጥን። ግናኸ ንኻልእ ኦም እያ እተዘኻኽረኒ፡ እዚኣ ድማ ንኣይ ዓብዪ ትርጉም ኣለዋ፡ እኳ ደኣ ርእየያ ኣይፈልጥን።” ካልኦት ድማ ንምስማዕ ቀረቡ። “እታ ዝዛረበላ ዘለኹ ኦም ን ማእከል ዓለምተመልክት” ኢሉ ቀጸለ።
እቶም ሰማዕቲ ብምግራምን ብዘይምእማንን መለሱ፡ “ማእከል ዓለም! ዘይከኣል! እንታይ ማለትካ እዩ?”
“ኩሎም ኣብ ሓደ ሸነኽ እታ ኦም ዘለዉ ድሒኖም ናብ ሰማይ ይኸዱ ኣለዉ። ኩሎም ኣብቲ ኻልእ ሸነኽ ዘለዉ ድማ ጠፊኦም ናብ ዘለኣለማዊ ጸልማትን መቕጻዕትን ኣብ ሲኦል ይኸዱ ኣለዉ።” ገሊኦም ተደናጊሮም ረኣዩ፤ ካልኦት ድማ ኣላገጹን ከዱን። “እዛ ዝዛረበላ ዘለኹ ኦም ብጴጥሮስ ተጠቒሳ ኣላ፡ ብዛዕባኣ ምስ ኣንበብኩን ምስ ኣመንኩን ድማ ንኣይ ሓጐስ ዝመልኣ መዓልቲ ነይራ። ንቓላቱ ስምዑ፡
ክርስቶስ…ንሱ ባዕሉ ሓጢኣትና ብገዛእ ስጋኡ ኣብ ኦም ጾረ (1 ጴጥሮስ 2:24)።
እታ ኦም መስቀል ጐይታና የሱስ ክርስቶስ እያ፡ ሓጢኣቶም ብኽቡር ደሙ ዝተሓጽበ ናብ ክብሪ ዝኸይድ ዝደሓነ ሓጥእ ኣብ ሸነኾም ደው ከም ዝብል ንኣምላኽ የመስግኖ።
ናይ ገዛእ ርእስኻ ደውታ
ኣንባቢ፡ ብዙሓት ኣገደስቲ ሓወልትታት ኣለዉ፡ ግናኸ መስቀል ጐይታና የሱስ ክርስቶስ ንዓለም ይፈላልያ። ኣብ ሓደ ሸነኽ ወይ ኣብቲ ኻልእ ሸነኽ እዛ ዓባይ ኦም - እቲ ሓቀኛ “ማእከል ዓለም” - ደው ኢልካ ኣሎኻ። ቤትካን ዕዮኻን ሓሳባትካ ይሕዙ፡ ከምኡ እውን ፍጻሜታት ዓለም። ናብ ዘለኣለማዊ ህይወት ክትኣቱ ከሎኻ ቤትካን ዕዮኻን፡ እዛ ዓለም እዚኣ እውን፡ ክትገድፋ ከም ዘሎካ ሓሲብካዶ ትፈልጥ?
ሽዑ እቲ ብሓቂ ኣገዳሲ ዝዀነ ሕቶ፡ “ኣብ ኣየናይ ሸነኽ መስቀል ጐይታና የሱስ ክርስቶስ ኢኻ ደው ኢልካ ዘሎኻ?” ምናልባት ነዚ ሕቶ እዚ ብምባል ትነጽጎ ትኸውን፡ ኣረማዊ ዘይኰንካስ ጽቡቕ ዜጋን ዝኸበርካ ኣባል ቤተ-ክርስትያንን ኢኻ። ግናኸ ሓጢኣትካ ብደሙ ዝተሓጽበ እንተዘይኰይኑ፡ እዚ ኩሉ እንታይ ማለት እዩ?
ሕጂ ነቲ ኣዝዩ ኣገዳሲ ሕቶ ናይ ግዜን ዘለኣለማዊ ህይወትን ገጽካ። ንፍቑር ወዲ ኣምላኽ ተንበርኪብካዶ፡ ንገዛእ ርእስኻ ድኻ ሓጥእ ምዃንካ ኣሚንካዶ? ካብ ሓጢኣትካ ብኽቡር ዝፈሰሰ ደሙ ተሓጺብካዶ? ምስቶም ካልእ መሰረት ድሕነት ዘይብሎም “መሰረት ምድሓን” ደው ኢልካዶ? ኦም ጎልጎታ ንማእከል ዓለም ተመልክት።
ኣብ ኣየናይ ሸነኽ ንስኻ ደው ኢልካ ኣሎኻ?
ኣድማዒነት ውሳነ
ክሳዕ መዓስ ኢኹም ኣብ መንጎ ክልተ ሓሳባት እትደናገሩ? (1 ነገስት 18:21)።
እቲ ብወዲ ዝኣምን ዘለኣለማዊ ህይወት ኣለዎ፤ እቲ ብወዲ ዘይኣምን ግና ህይወት ኣይርእን እዩ፤ ግናኸ ቍጥዓ ኣምላኽ ኣብኡ ይነብር (ዮሃንስ 3:36)።
ከምዚ ዝዓበየ ምድሓን እንተዘየገድስና ከመይ ኢና ኽንሃድም? (እብራውያን 2:3)።
