«እንሆ፡ ኢደይ ናብ ዝፋን እግዚኣብሔር ተልዒላ ኣላ። እግዚኣብሔር ምስ ኣማሌቅ ካብ ወለዶ ናብ ወለዶ ኪዋጋእ እዩ።» (ዘጸኣት 17:16)
ኣማሌቃውያን ንእስራኤላውያን ዘይተሓለልቲ ጸላእቲ ነበሩ። እስራኤላውያን ናብ ምድሪ ተስፋ ኺኣትዉ ምስ ደለዩ፡ ኣማሌቃውያን ኣብ መገዶም ደው በሉ (ዘጸኣት 17:8-16)። እስራኤላውያን ናብ ምድሪ ተስፋ ምስ ኣተዉን ኣምላኽ ዝሃቦም ኪጥቀሙ ምስ ደለዩን፡ ኣማሌቃውያን ምስ ሚድያናውያን ተሓቢሮም ኣብ ዘመን ጌዴዎን ንእብራውያን ኣሰቃይዎም (መሳፍንቲ 6:3)። ንጉስ ሳኦል ኪወድቕ ዝገበረ ሓደ ኣማሌቃዊ እዩ ነይሩ (1 ሳሙኤል 15:9,28)። ኣማሌቃውያን ንምዕባለ ህዝቢ ኣምላኽ ኵሉ ሳዕ ኬዐንቅፉን ካብ በረኸት ኣምላኽ ኬሰርቕዎን ይደልዩ ነበሩ። ስለዚ ኣምላኽ ንዘለኣለም ጸላእነቱ ኣብ ልዕሊኦም መሓለ።
ኣብ መንፈሳዊ ጉዕዞኻ ምስ ጐይታ እናገፋሕካ ኽትከይድ ከለኻ፡ ንዓኻ ኬዐንቅፉኻን ኬስዕሩኻን ዚደልዩ «ኣማሌቃውያን» ኪህልዉ እዮም። ኣምላኽ ካብኡ ብምሉኡ ኸይትጥቀም ዚዓግተካ ዝኾነ ይኹን ነገር ንምእላይ ቈሪጹ እዩ። ንስራሕካ ዘለካ ምትእምማን ካብ ምእዛዝ ንኣምላኽ ዚዓግተካ እንተኾይኑ፡ ኣምላኽ ኣብ ልዕሊኡ ውግእ ኬውጅእ እዩ። ሓደ ዝምድና፡ ንዋይነት፡ ወይ ኣዕናዊ ተግባር ካብ ምእዛዝ ንፍቓድ ኣምላኽ ዚዓግተካ እንተኾይኑ፡ ንሱ ዘይተሓለለ ውግእ ኬካይድ እዩ። ንህይወትካ ካብ ፍቓድ ኣምላኽ ዚዓግተካ እንተኾይኑ፡ ንዓኻ ክቡር ዝኾነ ነገር የልቦን ኣምላኽ ጸላኢኡ ዘይከውን። ንጉስ ሳኦል ምስ ኣማሌቃውያን ኪሓብር ከሎ፡ ሕጂ እውን ፍቓድ እግዚኣብሔር ኪፍጽም ከም ዚኽእል ብጌጋ ሓሰበ (1 ሳሙኤል 15:8-9)። ንስኻ እውን ንምእዛዝካ ንኣምላኽ ዜበላሽየካ ነገር ንምርሓቕ ትሰሓሓር ትኸውን። ከም ንጉስ ሳኦል ሓደ ጌጋ ኣይትግበር። ንኣማሌቃውያን ብቑዕ ኣይረኣዮምን፡ እዚ ኸኣ ብኸቢድ ከም ዚኸፍል ገበሮ።
