እቲ ቀንዲ ነጥቢ መልእኽቲ ገላትያ፡ ብዕዮ ክርስቶስ ኣብ መስቀል ካብ ሕጊ ከም ዝተሓረርና እዩ። ብሓዘን፡ ብዙሓት ክርስትያናት ነዚ መሰረታዊ ሳዕቤን ምድሓኖም ኣይርድኦምን እዩ። ካብ ባርነት ሓጢኣት ከም ዝተሓረሩን ንሓጢኣት ከም ዝሞቱ ብቕንዕና ይርድኡ፡ ግናኸ ጳውሎስ ብዛዕባ ሕጊ ዝበሎ ኺእመኑ ይሓስሩ፡ “ኣነ ብሕጊ ገይረ ንሕጊ ሞትኩ፡ ምእንቲ ንኣምላኽ ክነብር” (ገላ. 2:19)። ካብ ኹሉ ዝኽእል ባርነት፡ ሕጊ እውን፡ ብክርስቶስን ምእንቲ ክርስቶስን ናብ ምሉእ ሓርነት ተሓሪርና ኣሎና።
ግናኸ ሓደ ኻልእ፡ ኣዝዩ ተመሳሳሊ፡ ነዚ ሕጂ ዘሎና ሓርነት ብቐሊሉ ኺዓግቶ ይኽእል እዩ፡ ስርዓታት ሰባት። ጳውሎስ ንቆሎሴያውያን ከምዚ ዚስዕብ ሕቶ ሓተቶም፡ “ምስ ክርስቶስ ካብ መሰረታዊ ስርዓታት ዓለም እንተ ሞትኩም፡ ስለምንታይ ከም ኣብ ዓለም እትነብሩ ኴንኩም ንርእስኹም ንሕግታት ተገዝኡ—‘ኣይትተንክዩ፡ ኣይትጥዓሙ፡ ኣይትሓዙ።’” ስጋ ንሕግታት ዚፈቱ ይመስል። ጳውሎስ ነጥቡ ብንጹር የርኢ፡ እዚ ነገራት እዚ ብወጻኢ ጽቡቕ ኪመስል ይኽእል እዩ፡ ግናኸ ኣብ መወዳእታ ን“ምዕጋብ ስጋ” ጥራይ እዩ (ቆሎ. 2:20–21, 23)። ንርኹስ ስጋ ጽቡቕ ኪመስልን ኣገዳስነት ኪህቦን ይገብር። እዚ ንሓርነትና ብጽቡቕ ምጥቃም ጥራይ ዘይኮነስ፡ “ከም ዕድል ንስጋ” ምጥቃም እዩ (ገላ. 5:13)።
ናብዚ ሓርነት እዚ ተጸዊዕና ኢና፡ ምእንቲ ንክርስቶስ ብሓርነት ኸነገልግል። ሎሚ ንክርስቶስ ብሓርነት ንምግልጋል ሓራ ድየ? ወይስ ኣብ ህይወተይ ዚዓግተኒ ነገራት ኣሎ? ነዚ ሓርነት እዚ ብክርስቶስ ብጽቡቕ ንጥቀመሉ፡ ብፍቕሪ ኸኣ ንሓድሕድና ነገልግል፡ “ንቕዱሳን ንኣገልግሎት ዕዮ ንምድላው፡ ንምህናጽ ኣካል ክርስቶስ” (ኤፌ. 4:12)።
