ቀለልቲ ሕቶታት ጐይታ ብዙሕ ግዜ ናብ ዓበይቲ በረኸታት ህይወት ዚወስዱ ደረጃታት እዮም። ስምኦን ጴጥሮስ ንኽልተ ንእሽቶ ሕቶታት ጐይታ የሱስ «እወ» ምስ በለ፡ ኵሉ ዕላማኡ ኻብ «ሓዳጊ ዓሳ» ናብ «ሓዳጊ ሰብ» ተለወጠ። ሓደ ዘይፍርያዊ ናይ ለይቲ ስራሕ ንጴጥሮስ ደኺሙዎ ኸም ዝነበረ ኣየጠራጥርን እዩ፡ ግናኸ ንየሱስ ብፍቓዱ ናብ ጃልባኡ ኣእተዎ፡ ድሕሪኡ ኸኣ ቃላት መምህር ናብ ህዝቢ ምእንቲ ኺበጽሕ፡ ጃልባኡ ኻብ ገምገም ኣውጽኦ።
ጐይታ ምዝራብ ምስ ወድአ፡ ነቲ ልምድ ዘለዎ ሓዳጊ ዓሳ ናብ ዓሚቕ ማይ ኪኸይድ ነገሮ። ጴጥሮስ ንጽቡቕ ዓሳ ግዜኡ ጌጋ ምዃኑ ይፈልጥ ነበረ፡ ግናኸ ታኣዘዘ፡ ብሓደ ዘይኮነስ፡ ብኽልተ ጃልባታት ዓሳ ተባረኸ!
በረኸታት ብዙሕ ግዜ ኻብቲ ንንእሽቶ ዚመስሉ ሕቶታትና ምእዛዝና ይፍልፍሉ። እኳ ደኣ ጐይታ ዓበይቲ ዕማማት ኪገብር፡ ንብዙሓት ህዝቢ ዜጽልዉ፡ ኪሓትተና እንተ ንመርጽ፡ ኣብ ንእሽቶ ነገራት ምእዛዝና መርኣያና እዩ። ጴጥሮስ ንየሱስ ጃልባኡ ኺህቦ ወይ ኣብ ፍርቂ መዓልቲ ዓሳ ንምሓዝ ሓደጋ ኺወስድ እንተ ዝኣብየ ነይሩ፡ ነቲ ናይ ዓብዪ ዓሳ ቀጥታዊ በረኸት ከምኡ’ውን ምናልባት ነቲ ንምድሓን ነፍሳት ኣብ ኣገልግሎቱ ኺጥቀመሉ ዝኽእል ዝዓበየ ዕድል ምሰኣነ ነይሩ።
ኣብ ንእሽቶ ነገራት እሙናት ዘይንኸውን እንተኾይና እንታይ ኢና እንስእን?
«ድሕሪኡ ናብ ሓንቲ ኻብተን ጃልባታት፡ ናይ ስምኦን ዝነበረት፡ ኣተወ፡ ንእኡ ኸኣ ኻብ ምድሪ ሒደት ርሑቕ ኬውጽኣ ሓተቶ። ተቐሚጡ ኸኣ ንብዙሓት ህዝቢ ኻብ ጃልባኡ ምሃሮም። ምዝራብ ምስ ወድአ፡ ንስምኦን፡ ‘ናብ ዓሚቕ ኣውጽእ፡ መርበብካ ኸኣ ንዓሳ ኣውርድ’ በሎ።» —ሉቃስ 5:3-4 NKJV
