ሕጂ ሰላም!
«ሰላም እንተ ዝህልወኒ ምተመነኹ!» እዚ ናይ ምሉእ ምድርን ናይ ነፍሲ ወከፍ ልብን ዓለማዊ ጭርሖ እዩ። ሰላም ኣበይ ይርከብ? ገሊኦም ውሽጣዊ ሰላም ኣለዎም፡ ግናኸ ከመይ? ሓደ ኣገዳሲ ፍጻሜ ኣብ ታሪኽ እስራኤል ንርአ እሞ ገለ ምምስሳላት ንግበር።
ትእዛዝ ኣምላኽ – ምርጫ ፈርኦን
«ንህዝበይ ልቐቖም» (ዘጸኣት 8:1 NKJV)። እዚ መልእኽቲ እዚ ብኣምላኽ ብሙሴ ኣቢሉ ንፈርኦን፡ ንእስራኤል ዝገዝአ፡ ተነግረ። ፈርኦን ኣበየን ንኣምላኽ «ኣይፋል» በለ። ምርጫኡ ገበረ። በዚ ድማ፡ ፍርዲ ኣብ ልዕሊ ምሉእ ምድሪ ተነግረ። «ሙሴ ኸኣ፡ እግዚኣብሄር ከምዚ ይብል፡ «ፍርቂ ለይቲ ኣብ ማእከል ግብጺ ኽወጽእ እየ፡ ኣብ ምድሪ ግብጺ ዘሎ ዅሉ በዅሪ ኸኣ ኪመውት እዩ» በለ» (ዘጸኣት 11:4-5)።
ትእዛዝ ኣምላኽ – ምርጫ እስራኤል
እስራኤል ኣብ ኣዒንቲ ኣምላኽ ክቡርን ፍቑርን ነበረ። ንሳቶም ዕላማን ትልምን ነበሮም። ኣምላኽ ንሙሴን ኣሮንን ተዛረቦም፡ ብዛዕባ እቲ ሓደ ጥራይ ዝኾነ መገዲ ናይ ምህዳም ንህዝቢ እስራኤል ካብዚ ፍርዲ ሞት በዅሪ፡ እዚ ኣብ ልዕሊ ምሉእ ምድሪ ግብጺ ዝነበረ።
መምርሒ፡
ነፍሲ ወከፍ ስድራቤት ሓደ ገንሸል፡ ፍጹም ገንሸል፡ ክወስዱ ነበሮም፡ «ንፋስጋ ኸኣ ሕረዱ» (ዘጸኣት 12:21)። እቲ ገንሸል ፋስጋ ነበረ። ደም እቲ ገንሸል ኣብ ልዕሊን ኣብ ክልተ ሸነኻት መሳኹዒ ደገ ነፍሲ ወከፍ ገዛ ክቕባእ ነበሮ፡ «ሓደ እኳ ኻባኻትኩም ኸኣ ኽሳዕ ንግሆ ኻብ ኣፍ ደገ ቤቱ ኣይውጻእ» (ዘጸኣት 12:22)።
- ተስፋ፡ ምቕባል መገዲ ኣምላኽ ሰላም ኣምጸአ! «እቲ ደም ከኣ ኣብተን እትነብሩለን ኣባይቲ ምልክት ኪኸውን እዩ። ኣነ ኸኣ ነቲ ደም ምስ ረኣኹ፡ ክሓልፈኩም እየ፡ እቲ መዓት ከኣ ንምድሪ ግብጺ ኽወቅዓ ከሎኹ፡ ንኣኻትኩም ንምጥፋእ ኣይኪመጸኩምን እዩ» (ዘጸኣት 12:13)። እቲ ኣብ ደገ ዝነበረ ደም፡ ብርእሲ እቲ ገዛ እተቐብአ፡ ንስድራቤትን ንበዅሪን ሰላምን ምትእምማንን ኣምጸአ፡ ከም ዝተሓለዉ ድማ።
- ውልቃዊ ምርጫ፡ እቲ ህዝቢ ቃል ኣምላኽ ንሙሴ ከም ዝተዋህበ ሰምዑ። ምርጫኦም ምእዛዝ ወይ ዘይምእዛዝ፡ ደም እቲ ገንሸል ምቕባእ ወይ ዘይምቕባእ ነበረ። ኣብ ፋስጋ ንነፍሲ ወከፍ ስድራቤት ገንሸል እንተ ነበረ እኳ፡ ደም እቲ ገንሸል ኣብ ደገ እንተ ነበረ እኳ፡ ግናኸ ነፍሲ ወከፍ ኣባል ስድራቤት ምርጫ ክገብር ነበሮ። ነፍሲ ወከፍ ናይ ኣምላኽ ናይ ምክልኻልን ምቕባልን መሰናድኦ ምቕባል ወይ ምእባይ ሓላፍነት ነበሮ።
- ኩሎም ኣብ ትሕቲ ጽላል እቲ ኣብ ደገ ዝነበረ ደም ድሑናት ነበሩ። ግናኸ ገለ ኣባል ስድራቤት ንትእዛዝ ኣምላኽ እንተ ኣበየ፡ ንገዛእ ርእሱ ምክልኻል ደም መስዋእቲ ከም ዘየድልዮ እንተ ሓሰበ፡ ካብ ገዛ እንተ ወጸ ድማ፡ እቲ ሓደ ንመገዲ ድሕነት ኣምላኽ ይነጽግ ነበረ። ነፍሲ ወከፍ ናይ ኣምላኽ ምክልኻል ምቕባል ወይ ምእባይ ምርጫኡ ክገብር ሓላፍነት ነበሮ።
ነቲ ደም ምቕባእ ካብ ሞት ናብ ህይወት ምሕላፍ ነበረ (ዮሃንስ 5:24) ብኣካላዊ መገዲ፡ ምኽንያቱ እቲ ናይ ሞት ድንጋጌ ኣብ ልዕሊ ምሉእ ምድርን ኣብ ልዕሊ ኩሉ ገዛ ደም ዘይተቐብአን፡ ኣብ ልዕሊ ዝኾነ ሰብ ዘይተኣዘዘን ኣብ ትሕቲ ጽላል እቲ ደም ዘይተረፈን ነበረ። እቲ ዝተቐብአ ደም ኣካላዊ ህይወት ኣምጸአ ኣብ ክንዲ ሞት።
መሰናድኦ ኣምላኽ
ሕጂ እዚ ምስቲ ድሕሪኡ ኣብ ታሪኽ እስራኤል ዝመጸ ንነጻጸር።
ነብዪ ኢሳይያስ ትንቢት ተነበየ፡ «ብሰብ እተጸልኤን እተነጽገን እዩ ... ተጨውየን ተሰቒሉን ነበረ ... ከም ገንሸል ናብ መሕረዲ ተመርሐ» (ኢሳይያስ 53:3,7)። ነብዪ ዮሃንስ መጥምቕ ኣወጀ፡ «እንሆ፡ ንሓጢኣት ዓለም ዜርሕቕ ገንሸል ኣምላኽ!» (ዮሃንስ 1:29)። ካልእ ከምዚ ጽሒፉ፡ «ክርስቶስ ፋስጋና ምእንታና ተሰዊኡ እዩ እሞ» (1 ቆሮንቶስ 5:7)። እቲ ፍጹም ገንሸል ኣምላኽ ከም መስዋእቲ ፋስጋናተዋህበ። መስዋእቱ ንምሉእ ዓለም በቒዑ!
ቅዱሳት ጽሑፋት ብሰንኪ ሓጢኣት ሓደ እኳ ምስ ኣምላኽ ሰላም ከም ዘይብሉ ይምህር። «ኩሎም ሓሊፎም፡ ኩሎም ብሓንሳእ በላሽዮም፡ ጽቡቕ ዝገብር የልቦን፡ ሓደ እኳ የልቦን» (መዝሙር 14:3)። ኩሎም ኣብዚ ተኻቲቶም ኣለዉ፡ ኣይሁድን ኣህዛብን፡ «ኩሎም ሓጢኦም እዮም እሞ» (ሮሜ 3:23)። ግናኸ ዝደለየ ኩሉ ንሓጢኣት ንምጽራይ ናብ የሱስ ክርስቶስ ክመጽእ ይኽእል፡ ይቕረታን ሰላምን ድማ ይረክብ። እግዚኣብሄር የሱስ ክርስቶስ ከምዚ በለ፡ «ነቲ ቓለይ ዝሰምዕን ነቲ ዝለኣኸኒ ዝኣምንን፡ ናይ ዘለኣለም ህይወት ኣላቶ፡ ናብ ፍርዲ ኸኣ ኣይመጽእን፡ ግናኸ ካብ ሞት ናብ ህይወት ሓሊፉ እዩ» (ዮሃንስ 5:24)። ብእምነት ካብ መንፈሳዊ ሞት (ካብ ኣምላኽ ምፍልላይ) ናብ መንፈሳዊ ህይወት፡ ማለት ዘለኣለማዊ ህይወት ምስ ኣምላኽ ንዘለኣለም ንሰጋገር!
ምርጫ ሰብ
ነፍሲ ወከፍ ሰብ ምርጫ ኣለዎ፡ ደም ምትዕራቕ ብምቕባል እግዚኣብሄር የሱስ፡ ገንሸል ኣምላኽ፡ ናብ ልቡን ህይወቱን፡ በዚ ድማ ካብ መንፈሳዊ ሞት ናብ መንፈሳዊ ህይወት ምሕላፍ፡ ወይስ ንደም ወዲ ኣምላኽ የሱስ ክርስቶስ ምሕላፍ፡ መንፈሳዊ ሞት ኮይኑ ምምላእ፡ ናብ ዘለኣለማዊ ምፍልላይ ካብ ኣምላኽ ምምራሕ።
ብዙሓት ገና ኣይሰምዑን፡ መገዲ ሰላም ድማ ኣይፈልጡን። ገሊኦም ሰሚዖም እዮም፡ ግናኸ ኣይተገንዘቡን፡ የግዳስ ናይ ገዛእ ርእሶም መገዲ ይኸዱ ኣለዉ። «ንሕና ዅላትና ኸም ኣባጊዕ ጠፊእና፡ ነፍሲ ወከፍ ናብ መገዱ ገጹ ገጹ ኸደ» (ኢሳይያስ 53:6)።
ሕጂ እቲ ናይ ኣምላኽ መገዲ ሰላም ከም ዝተገልጸልካ ግሩም ዕድል ረኺብካ ኣሎኻ። የሱስ ክርስቶስ ምእንቲ ይቕረታ ሓጢኣትካ ደሙ ኣፍሰሰ። እንተ ኣሚንካ፡ ውልቃዊ ሰላም ኣቲኻ፡ ሓጢኣትካ ብእምነትካ ብሞትን ትንሳኤን የሱስ ከም ዝተሰረየልካ ክትተኣማመን ትኽእል ኢኻ። ዓብዪ ሓጎስን ዘለኣለማዊ ገዛ ኣብ ሰማይ ናትካ እዩ። «ልብኹም ኣይተጨነቕ፡ ብኣምላኽ እመኑ፡ ብኣነውን እመኑ። ኣብ ቤት ኣቦይ ብዙሕ ማሕደራት ኣለዋ፡ ... ኪድ እሞ ቦታ ኸዳልወልኩም እየ» (ዮሃንስ 14:1-2)።
ብእምነት ህያብ ሰላም ብምትእምማን ይቕረታ ሓጢኣት ተቐቢልካ ኣሎኻ። የሱስ ከምዚ በለ፡ «ሰላም እገድፈልኩም ኣሎኹ፡ ሰላመይ እህበኩም ኣሎኹ፡ ዓለም ከም ዝህብ ኣይኮንኩን ዝህበኩም ዘሎኹ። ልብኹም ኣይተጨነቕ፡ ኣይትፍራህ ድማ» (ዮሃንስ 14:27)።
