ብዙሓት ንመጽሓፍ ራእይ ከም ምስጢር፡ ማለት ከም ዘተሓላለኸን ንምግንዛብ ከም ዝኸብድን ነገር ገይሮም ይርእይዎ፡ ግናኸ እቲ መፍትሕ ኣብቶም ናይ ፍቕድና ቐዳሞት ክልተ ቓላት፡ ራእይ፡ ይርከብ። እቲ ናይ “ራእይ” ግሪኻዊ ቃል “ምግላጽ” ማለት እዩ። ኣብ ሓድሽ ኪዳን ዓሰርተ ሾሞንተ ግዜ ይርከብ፡ ኩሉ ሳዕ ድማ ብዛዕባ ሰብ ኪጥቀስ ከሎ፡ ናይ ምግላጽ ሓሳብ ኣለዎ።
መጽሓፍ ራእይ ብዛዕባ ትንቢት ብዙሕ ኣይኰነን፡ እኳ ደኣ ትንቢት ይሓዝ እዩ። እቲ ቴማ ናይዚ መጽሓፍ እዚ ብዛዕባ ምግላጽ ጐይታ የሱስ እዩ። ጐይታ የሱስ ንኣቦ ኺገልጽ (ማቴ. 11:27) ከምኡ እውን ኪእውጆ (ዮሃ. 1:18) መጺኡ። ግናኸ ሕጂ ኣቦ ንጐይታ የሱስ ብሰንኪ መን ምዃኑን ብሰንኪ ዝፈጸሞን ኬዕብዮ ይደሊ። እዚ መጽሓፍ እዚ ብዛዕባኡ እዩ!
መጽሓፍ ራእይ ክንበብ ከለና ብዙሕ ክንመሃሮ እንኽእል ነገራት ኣሎ። ኣብ ምዕራፋት 1 ክሳዕ 3 ንቤተ ክርስቲያን ዝቐረበ መጠንቀቕታን ንቕድስና ዘሎ ኣድላይነትን ንርኢ። ኣብ ክርስቶስ ዚርከብ ሓይሊ፡ ንኣማኒ ንሰይጣን ንምስዓር ኬበርትዖ ኸም ዚኽእል ንምብብ። ኣብ ምዕራፋት 4ን 5ን፡ ብዛዕባ እቲ ኣብ ከባቢ ዝፋን ዘሎ ኣምልኾ ንምብብ። እዚ ዘገርም መጽሓፍ እዚ መወዳእታ ናይ ሰብኣዊ ታሪኽ ሎሚ ኸም እንፈልጦ ይገልጽ፡ ከመይ ከም ዚኸውን ድማ የጕልሕ። ከምኡ እውን እቲ ዚመጽእ ግርማ ጐይታ የሱስ ኣብ ምድራዊ ግዝኣቱ ከም ንጉስ ነገስታትን ጐይታ ጐይቶትን ይገልጽ። ክርስቶስ ዘይብሎም ኣብ ፍርዲ ዓብዪ ጻዕዳ ዝፋን ንእኡ ኺምልሱ ከም ዘለዎም የዘኻኽረና፡ ከምኡ እውን ዘለኣለማዊ ኩነታት ከመይ ከም ዚኸውን ሒደት ይገልጽ። ግናኸ እቲ ብምሉኡ እዚ መጽሓፍ እዚ ዝተኣሳሰረሉ ቴማ ግርማን ክብርን ጐይታ የሱስ ክርስቶስ እዩ። ነቲ መቕድም ናይ መጽሓፍ ራእይ (1:1–8) ኣንብብ እሞ ንእኡ ኺግለጸልና ዚመጽእ ዘሎ ሒደት ርኣይ!
