«‘እቲ ኻብ ምድሪ ግብጺ ዘውጸኣና፡ ብበረኻ ዝመርሓና ጐይታ ኣበይ እዩ?’ ኢሎም ምሕታት ኣቋረጹ።» (ኤርምያስ 2:6)
ክርስትና ምስ ስብእና የሱስ ክርስቶስ ዘሎ ናይ ቀረባን እናዓበየ ዚኸይድን ርክብ እዩ። ዚእመኑሉ ስርዓታት፡ ዚተግበሩ ልምድታት፡ ወይ ዚወገዱ ሓጢኣታት ኣይኮነን። ኣምላኽ ዚእዝዞ ዘበለ ኩሉ ንፍቕሪ ርክቡ ምስ ህዝቡ ንምዕባይ እዩ።
ኣምላኽ ንኣምልኾ ዝነደፎ ንሕና ንዕኡ ብኽብሩ ኽንርእዮን ብግቡእ ክንምልስን እዩ፤ ንብዙሓት ግን ናብ «ሃይማኖት»፡ ማለት ካብ ልምዲ ዚግበር ካልእ ኣኼባ፡ ወሪዱ እዩ። ኣምላኽ ስርዓት መስዋእቲ ዝመሰረተ ንሕና፡ ህዝቡ፡ ፍቕርና ንዕኡ ኽንገልጽ ምእንቲ እዩ፤ ንሕና ግን ብዙሕ ግዜ ህያባትና ንጐይታና ንዕኡ ንምምላእ ዘይጠቅም ፈተነን ንሕሊናና ንምህዳእን ንገብሮ። ኣምላኽ ጸሎት ዝሃበና ምስኡ ኽንዘራረብ ምእንቲ እዩ፡ ንሕና ግን ነዚ ብ«ጸሎት ምድጋም»ን ንኣብ ልቢ ኣቦና ዘሎ ነገር ከይሰማዕና ብምፍጣንን ነዛብሎ። ኣምላኽ ትእዛዛቱ ከም መከላኸሊ ንዝፈትዎም ሰባት መስረተ፡ ግን እቲ ትእዛዛት ናብ ሕጋውነት ኪኸውን ይኽእል እዩ እምበር፡ ምስ ኣቦና ርክብ ንምግባርን ንሱ ኻብ ጉድኣት ኪከላኸለናን ኣይኮነን።
ሃይማኖታዊ ንጥፈታት ካብ ምስ ኣምላኽ ዘሎ ርክብ ወጻኢ ባዶ ስርዓት እዩ።ህዝቢ ዘመን ኤርምያስ ብዘይ ግሉጽ ምህላው ኣምላኽ ብስርዓት ተዓጊቦም ነበሩ። ብ«ሃይማኖቶም» ክሳዕ ክንድዚ ስለ ዝተመችኦም፡ ምህላው ኣምላኽ እኳ ኣየስተብሃሉን። ምጽላይ፡ ኣገልግሎት ኣምልኾ ምእታው፡ ወይ መስዋእቲ ምሃብ ግን ምህላው ኣምላኽ ዘይምርኣይ ይከኣል ድዩ? ብርግጽ ይከኣል እዩ! እዚ ድማ ንብዙሓት ክርስትያናዊ ተመክሮታት ዘሕዝን ርእይቶ እዩ። ምስ የሱስ ክርስቶስ ዘይተኣሳሰር ህይወት ሃይማኖት ኣይትቕበል። ኣምላኽ ምስ ዚህሉ፡ እቲ ፍልልይ ግሉጽ ኪኸውን እዩ።
