መጋረጃ ተቐዲዱ
“መንፈስ ቅዱስ እዚ ኺሕብር ከሎ፡ ናብ ቅድስተ ቅዱሳን ዚወስድ መገዲ ገና ኣይተገልጸን ነበረ” (እብራውያን 9:8)።
“መጋረጃ ቤተ መቕደስ ድማ ካብ ላዕሊ ኽሳዕ ታሕቲ ኽልተ ዀይኑ ተቐደደ” (ማርቆስ 15:38)።
“ስለዚ፡ ኣሕዋት፡ ብደም የሱስ ናብ ቅድስተ ቅዱሳን ኽንኣቱ ትብዓት ስለ ዘሎና፡ ብሓድሽትን ህያውትን መገዲ፡ እዚ ኸኣ ብመጋረጃኡ፡ ማለት ብስጋኡ፡ ንኣና ዝቐደሰልና እዩ” (እብራውያን 10:19-20)።
ሊቀ ኻህናት ጥራይ ናብ ቅድስተ ቅዱሳን ኪኣቱ ይኽእል ነበረ። ኣብ ዓመት ሓንሳብ ጥራይ ይኣቱ ነበረ፡ ብዘይ ደም መስዋእቲ ድማ ኣይኣቱን ነበረ። ናብ ኣምላኽ ዚወስድ መገዲ ንሓደ ሰብ ጥራይ እዩ ተኸፊቱ ነይሩ፡ እዚ ኸኣ ህይወቱ ብዝጸውሮ ደም ዝተመሓሓረ እዩ።
ክርስቶስ ዕዮኡ ኣብ መስቀል ምስ ወድአ፡ እቲ ናብቲ ቦታ ዚወስድ መጋረጃ፡ እዚ ኸኣ ብሓቂ ጽኑዕ መጋረጃ ነበረ፡ ካብ ላዕሊ ጀሚሩ ኽልተ ዀይኑ ተቐደደ፡ በዚ ድማ ናብ ኣምላኽ ዚወስድ መገዲ ሕጂ ከም ዝተኸፍተ ኣመላኸተ።
ግናኸ መን እዩ ኺኣቱ ዚደፍር? ክርስቶስ ምእንታና ኸም ዝሞተ ብሓቂ ንኣምንዶ? ሽዑ ኽንኣቱ ኽንደፍር ጥራይ ዘይኰነስ፡ ብደም የሱስ ብትብዓት ኽንኣቱ እውን ንኽእል ኢና። እቲ ሓድሽትን ህያውትን ናብ ቅድስተ ቅዱሳን ኣብ ሰማይ ዚወስድ መገዲ ብመጋረጃ ስጋኡ እዩ ነይሩ።
ናብ ኣምላኽ ዚወስድ መገዲ ሕጂ ተኸፊቱ ኣሎ፡ ኩሎም ንንስሑን ብእኡ ንምእማንን ድሉዋት ዝዀኑ ድማ ኺኣትዉ ብደሓን መጹ።
መጋረጃ ተቐዲዱ፡ እንሆ! የሱስ ኣብ ቅድሚ ዝፋን ጸጋ ደው ኢሉ ኣሎ። ደመና ዕጣን ድማ ካብ ኣእዳዉ ነቲ ኹሉ ግርማዊ ቦታ ይመልኦ። ክቡር ደሙ ኣብኡ፡ ቅድሚ ዝፋንን ኣብ ዝፋንን ተረሲሱ ኣሎ። ቁስሉ ድማ ኣብ ሰማይ ነቲ ዜድሕን ዕዮ ከም ዝተወድአ ይገልጽ።ብጀምስ ጂ. ደክ (1807-1884)
