ትርጉም ግዜ ጥራት
እታ ኣደ «ንኣነ ንንእሽቶ ጓለይ ኩሉ መዓልቲ ግዜ ጥራት ከመይ ገይረ ክረክብ ይኽእል?» ኢላ ሓተተት። ሓንቲ ኣደ: ንሳ ድማ ሰራሕተኛ ዝነበረት: ከምዚ ኢላ መኸረት: «ኩሉ መዓልቲ ገለ ግላዊ ዘይተኸፋፈለ ኣቓልቦ ከም እትህባ ኣረጋግጺ። ግን ብዛዕባ ክንደይ ግዜ ወይ መዓስ ኣይትጨነቒ። ዘክር: ንሳ ሕጂ’ውን ግዜ ክትነግር ኣይትኽእልን እያ።»
ካልእ ኣደ: ንሳ ድማ ምሉእ ግዜ ኣብ ገዛ ዝነበረት: ከምዚ በለት: «ንደቀይ ዝበዝሐ ግዜ ክርከብ ከለኹ: እቲ ዝበዝሐ ቁጽሪ ናይ ግዜ ጥራት ይረክብ። ከምኡ’ውን እቲ ጥራት ናይቶም ግዜያት እቲ ህጻን ክመርጾም ከሎ ይበዝሕ። ንኣነ ንምቹእነት ዝኸውን እንተ ኣቐሚጠዮም: እቶም ደቅን ይሳተፉ ግን እቲ ጥራት የለን። ኣብ መደበይ እንተ ኾይኑ: እዚ ርእሰ-ወዳድነት ኣይኮነንዶ?»
ኣብዛ ስራሕ ዝበዝሓ ዓለምና ብዙሕ ግዜ ንዝበለጹ ዝምድናታትና ናብ ገለ ምቹኣት ግዜያት ነገድዶም። ድሕሪኡ ድማ ንኣኦም «ግዜ ጥራት» ብምባል ጽቡቕ ክስምዓና ንፍትን። እዚ ንሕና ጥራይ እንተ ተሳቲፍና ጽቡቕ ክኸውን ይኽእል እዩ። ግን ኣብ ዝምድና – ብፍላይ ምስ ህጻን: ሰብኣይ/ሰበይቲ: ዓርኪ: ወይ ሓጋዚ – እቲ ቅኑዕ ግዜ ብኽልቲኡ ክጥዓም ይግባእ።
ጐይታ ምስቶም ክልተ ኣብ መገዲ ኤማሁስ: ወይ ምስ እታ ሰበይቲ ኣብ ዒላ: ናብ ነጥቢ እናተሃወኸ ክትሓስብ ትኽእልዶ? እቲ ጥራት ናይ ዝምድናኡ ምስ ማርያም: ማርታን ኣልኣዛርን ኣብቲ ዝሃቦም ግዜ ዝምርኮስ ኣይነበረንዶ? ዝምድናኡ ምስ ደቀመዝሙሩ ኣብ እዋን ጸገሞም ኩሉ ግዜ ስለ ዝነበረሎም ኣይተማዕበለንዶ?
ማቴዎስ 28:20 ንትርጉም ጐይታ ናይ ግዜ ጥራት ይነግረና: «እወ: ኣነ ኩሉ ግዜ ምሳኻትኩም እየ።» ንሱ ናይ ቤት ጽሕፈት ሰዓታት ኣይሕዝን። ኣብ መወዳእታ መዓልቲ ጥራይ ኣይርከብን። ንሱ ፈጺሙ ንኣና ግዜ የብለይን ኣይብልን። ብርግጽ: ንሱ ኩሉ ግዜ ንኣና ኣሎ። ናብኡ ክንመጽእ ከለና ድማ: ክንደይ ግዜ ከም እንደሊ ይህበና። ንሓድሽ ትርጉም ግዜ ጥራትካ ምስቶም ዘድልዮም ክትትግብሮ ቃል ኣይትኣትውንዶ?
