«ቃል እግዚኣብሔር ድማ በቲ ዘመን እቲ ክቡር ነበረ።» (1 ሳሙኤል 3:1)
ሕጂ ኣብ ገዛኹም ክንደይ መጽሓፍ ቅዱስ ኣሎ? ክንደይ ካብኣቶም እዮም መዓልታዊ ወይ እውን ብግዜኡ ዝንበቡ? ገለ ግዜ ቅድሚ ሕጂ ብዛዕባ ሓደ ዩሪ ዝተባህለ ሩስያዊ ሰብ ኣንቢበ ነይረ፡ ንሱ ንብዙሕ ኣዋርሕ ካብ ስራሕ ናብ ገዛኡ ይመጽእ ነይሩ፡ ነቲ ኣድካሚ ግን ኣገዳሲ ዕማም ናይ መጽሓፍ ቅዱስ ናይ ሓደ ዓርኩ ብኢዱ ምቕዳሕ—ብጥንቃቐ፡ ፊደል ብፊደል፡ ፍቕዲ ብፍቕዲ፡ ሰዓት ብሰዓት። እቲ ስራሕ ቀስ ዝበለ ነይሩ፡ ግን ዩሪ፡ ንሱ ቕድሚ ሕጂ ዝድሓነ፡ እዚ እንኮ መጽሓፍ ቅዱስ ክህልዎ ከም ዝኽእል ይፈልጥ ነይሩ።
ኣብ ሰሜን ኮርያን ኣብ ካልኦት ሃገራት ዓለምን ሚልዮናት ሰባት ናይ ገዛእ ርእሶም መጽሓፍ ቅዱስ ክህልዎም ይደልዩ። ብዙሓት መጽሓፍ ቅዱሳት ብሚስዮናውያንን ካልኦት ክርስትያናትን ናብዚኣተን ሃገራት ብሕቡእ ይእትዉ። ይኹን እምበር፡ ሓደ ኣብ ከምዚ ዝኣመሰለ ስራሕ ዝተዋፈረ ሰብ ከም ዝበሎ፡ «ኣብ ዝሓለፉ ዓመታት ኣሽሓት መጽሓፍ ቅዱሳት ብሕቡእ ኣትዮም … ግን ንኣሽሓት ኣፍ ከም ፍርፋር እዩ።» መብዛሕትኦም ኣንበብቲ ናተይ መጽሓፍ ቅዱስ ኣብ ኢዶም ኣለዎም። ክንደይ ክንምስግን ይግባእ! — ኣንብብዎ — ኣኽብርዎ — ፍትውዎ
