ሕቶ፦ ሕጊ ብጸጋ ብየሱስ ክርስቶስ ተሰሪዙ ድዩ፧
መልሲ፦ ጳውሎስ ንሮሜ ምስ ጸሓፈ፡ ሕጊ ከም እተሰረዘ ገይሩ ኣይጸሓፈን። ግናኸ ንኣመንቲ ምስ ሕጊ ዘለዎም ርክብ ብፍጹም ከም እተለወጠ ይነግረና።
ካብ ሮሜ 5:12 ጀሚርና፡ ሓጢኣት ካብቲ ቀዳሞት ወለድና ኣብ ገነት ዝሓጥኡሉ እዋን ጀሚሩ ኣብ ዓለም ከም ዝነበረ ንርኢ። ሰባት ብሰንኪ ሓጢኣት ሞይቶም። ሞት ኩሉ ግዜ ደሞዝ ሓጢኣት እዩ ነይሩ። ኣምላኽ ንእስራኤል ኣብ ደብረ ሲና ሕጊ ምስ ሃቦም፡ ንሕጊ ምጥሓስ ሓጢኣት ጥራይ ዘይኮነስ፡ ግብረ ሕጊ እውን ነበረ። ሕጊ ዝኣተወ፡ በደል ምእንቲ ኺበዝሕ እዩ። ግናኸ «ሓጢኣት ኣብ ዝበዝሓሉ፡ ጸጋ ኣዝዩ በዝሐ» (ጥቕሲ 20 NKJV)። ንኣምላኽ የመስግን!
ሮሜ 7 ሕጊ ኣብ ልዕሊ ሰብ ክሳዕ ዝነብር ስልጣን ከም ዘለዎ ይነግረና። ሕጊ ኣይተሰረዘን፡ ኣይሞተን፡ ግናኸ ንሕና ከም ክርስትያናት ንሕጊ ሞይትና ኢና። «ሕጂ ኸኣ ካብቲ እተኣስርናሉ ሕጊ ሞይትና፡ ብሓድሽ መንፈስ ከነገልግል እምበር፡ ብብሉይ ፊደል ከይነገልግል፡ ካብ ሕጊ ሓራ ወጺእና ኢና» (ጥቕሲ 6)። እቶም ዝቕጽሉ ጥቕስታት ብዛዕባ ዕላማ ሕጊ ይዛረቡ። «ሕጊ ቅዱስ እዩ፡ ትእዛዝ ድማ ቅዱስን ጻድቕን ጽቡቕን እዩ» (ጥቕሲ 12)። ጥቕሲ 14 ይውስኽ፡ «ሕጊ መንፈሳዊ ምዃኑ ንፈልጥ ኢና፡ ኣነ ግና ስጋዊ እየ፡ ትሕቲ ሓጢኣት እተሸጥኩ።» እቲ ምዕራፍ ብናይ ምድሓን ጭርሖ ይዛዘም — ከምኡ’ውን ብመልሲ ኣምላኽ፦ የሱስ ክርስቶስ ጐይታና!
ሕጊ ኺሕግዘና ኣይከኣለን። ኪዅንነና ጥራይ እዩ ዚኽእል። ብሕጊ ዝተጋገየ ነገር ኣይነበረን፤ እቲ ጸገም ምሳና፡ ምስ ስጋ እዩ ነይሩ። ግናኸ ኣምላኽ «ንወዱ ብምስሊ ስጋ ሓጢኣት፡ ብሰንኪ ሓጢኣት ለኣኾ፡ ንሓጢኣት ድማ ኣብ ስጋ ዅነኖ፡ እቲ ጽድቂ ሕጊ ኣብ ኣባና ምእንቲ ኺፍጸም፡ ንሕና ብስጋ ዘይንመላለስ፡ ብመንፈስ ግና እንመላለስ» (8:3-4)። ከም ክርስትያናት ብመንፈስ ንመላለስ ኢና — ከም ሕጊ መንፈስ ህይወት ኣብ ክርስቶስ የሱስ እውን። እዚ ኸኣ ካብ «ሕጊ ሓጢኣትን ሞትን» ሓራ ገይሩና። ብመንፈስ ኣምላኽ ንምራሕ ኢና፡ ደቂ ኣምላኽን ወረስቲ ኣምላኽን ኢና፤ ከምኡ’ውን «ኣባ፡ ኣቦ» ኽንብል ንኽእል ኢና።
መንፈስ ቅዱስ ኣብ ውሽጥና ይነብር፡ ኣብ ድኻምና ድማ ይሕግዘና — እዚ ኸኣ ሕጊ ኽገብሮ ፈጺሙ ዘይከኣለ ነገር እዩ። ኣብ ጐይታና የሱስ ክርስቶስ ዘለና በረኸት ክንደይ ዓብዪ እዩ!
