ናይ መዓልቲ ብርሃን — 15 ጥሪ: ዕለታዊ ብርሃን, 15 ጥሪ: ነፍሰይ ናብ ምድሪ ተፀግዐት፤ ከም ቃልካ ህያው ግበረኒ

ነፍሰይ ናብ ምድሪ ተፀግዐት፤ ከም ቃልካ ህያው ግበረኒ።

ዳዊት 119:25

እምበኣር ምስ ክርስቶስ፥ ካብ ሞት ተሲእኹም እንተ ደኣ ዄንኹም፥ ኣብቲ ክርስቶስ ኣብ የማን እግዚኣብሄር ተቐሚጥዎ ዘሎ፥ ነቲ ኣብ ላዕሊ ዘሎ ድለዩ። ኣእምሮኹም፥ ናብቲ ኣብ ምድሪ ዘሎ ዘይኮነስ፥ ናብቲ ኣብ ሰማይ ዘሎ የቕልብ። ... ህይወትኩምውን ምስ ክርስቶስ፥ ኣብ እግዚኣብሄር ተሰዊሩ ኣሎሞ።

ቈላስይስ 3:1–3

ንሕና ግና፥ ሃገርና ኣብ ሰማይ እዩ፤ ካብኡ ንዝመፅእ፥ መድሓኒናን ጐይታናን ኢየሱስ ክርስቶስ ንፅበ ኣለና። ንሱ በቲ ንዅሉ ኽመልከሉ ዝከኣሎ ሓይሊ፥ ነዝ ዝተዋረደ ሰብነትና ለዊጡ፥ ነቲ ኽቡር ሰብነቱ ኸምስሎ እዩ።

ፊልጵስዩስ 3:20–21

ትምኒት ስጋ፥ ምስ መንፈስ መፃርርቲ እዩ፤ መንፈስ ከዓ፥ ምስ ድልየት ስጋ መፃርርቲ እዩ። ስለዙይ ነቲ እትደልይዎ ምእንቲ ኸይትገብሩ፥ ክልቲኦም መፃርርቲ እዮም።

ገላትያ 5:17

እምበኣርከስ ኣሕዋተይ፥ ዕዳ ኣለና፤ ግና ኸም ፍቓድ ስጋ ኽንነብር፥ ንስጋስ ኣይኮንናን። ከም ፍቓድ ስጋ እንተ ነበርኩም፥ ክትሞቱ ኢኹም። ነቲ ተግባራት ስጋ፥ ብመንፈስ እንተ ቐቲልኩምዎ ግና፥ ብህይወት ክትነብሩ ኢኹም።

ሮሜ 8:12–13

ኣቱም ፍቑራተይ፥ ኣጋይሽን ስደተኛታትን ስለ ዝኾንኩም፥ ካብቲ ምስ ነፍሲ ዝዋጋእ፥ ስጋዊ ፍትወት ረሓቑ እናበልኩ፥ እልምነኩም ኣለኹ።

1ይ ጴጥሮስ 2:11

ብዝተውሃበኒ ፀጋ እምዕዶ ኣለኹ።

ሮሜ 12:3

ነቲ ብእምነቱ ዘይጠንከረ ሰብ ተቐበልዎ።

ሮሜ 14:1

በቲ እግዚኣብሄር ዝሃቦ ተስፋስ ኣይተጠራጠረን።

ሮሜ 4:20

ስለ ምንታይከ ተጠራጠርካ? በሎ።

ማቴዎስ 14:31

እምነትኪ ዓብዪ እዩ፤ ከም ዝደለኺዮ ይኹነልኪ! በላ።

ማቴዎስ 15:28

እዙይ ክገብር ከም ዝኽእልዶ ተኣምኑ ኢኹም?” በሎም። ንሳቶም ከዓ “እወ፥ ጐይታ” በልዎ። ንሱ ድማ “ከም እምነትኩም ይኹነልኩም እናበለ ኣዒንቶም ዳህሰሶም።

ማቴዎስ 9:28–29

ሃዋርያት ድማ ንጐይታ “እምነት ወስኸና” በልዎ።

ሉቃስ 17:5

ንስኻትኩም ግና፥ በታ ልዕሊ ዅሉ ዝተቐደሰት እምነትኩም፥ ንርእስኹም እናሃነፅኩም።

ይሁዳ 1:20

ኣብኡ ተመስሪትኩምን ተሃኒፅኩምን።

ቈላስይስ 2:7

እቲ ንኣና ምሳኻትኩም ብክርስቶስ ዘፅንዐናን።

2ይ ቆሮንቶስ 1:21

ናብ ዘለኣለም ክብሩ ... ቁሩብ ጊዜ መከራ ምስ ተቐበልኩም፥ ንሱ ኽፍፅመልኩም፥ ከፅንዐኩም፥ ከበርትዐኩም፥ ክምስርተኩምውን እዩ።

1ይ ጴጥሮስ 5:10

ንሕና ብእምነት ዝፀናዕና፥ ነቶም ብእምነት ዘይፀንዑ ኣሕዋትና፥ ክንድግፎም ደኣ እምበር፥ ንባዕልትና ጥራሕ ክነሐጕስ፥ ኣይግብአናን እዩ።

ሮሜ 15:1

ስለዙይ ኣብ ንስንሳትና፥ ደጊም ኣይንፍረድ። የግዳስ፥ ሓደ ንሓዉ መዐንቀፊ ወይ መሐንኰሊ ኸይገብረሉ፥ ይጠንቀቕ።

ሮሜ 14:13