ቅዱሳት ጽሑፋት ንይስሃቅ ከም ዓይነት ክርስቶስ የቕርብዎ። ኣምላኽ ንኣብርሃም ከምዚ በሎ፡ “ሕጂ ንወድኻ፡ ንሓደ ወድኻ ይስሃቅ፡ ንዝፈቐርካዮ … ኣብኡ ኸኣ ከም መስዋእቲ ምሕራር ኣቕርቦ” (22:2)። ኣብርሃም ናብቲ ዝተመደበ ደብሪ ወሰዶ፡ መሰውኢ ሰርሐ፡ ዕንጨይቲ ኸኣ ኣከበ፡ ንወዱ ይስሃቅ ከኣ ኣሰረ፡ ኣብቲ መሰውኢ ኸኣ ኣንበሮ። ኣብዚ ኩሉ፡ ኣምላኽ ንሓደ ወዱ፡ ወዲ ፍቕሩ፡ ኣብ ደብሪ ቀራንዮ ኣብ ዝሃበሉ ግዜ ድሕሪ ክልተ ሽሕ ዓመታት ዝተፈጸመ ነገር ቅድመ-ርእየት ኣሎና። ወዲ ኣምላኽ ብገመድ ዘይኮነስ፡ ብሚስማር ኣብ ኣእዳዉን ኣእጋሩን ናብ ዕንጨይቲ መስቀል ተኣስረ። ከምቲ ይስሃቅ ኣብቲ መሰውኢ ዘይተረፈ፡ ክርስቶስ እውን ኣብ መስቀል ወይ ኣብ መቓብር ኣይተረፈን፡ ግናኸ ብኽብሪ ኣቦ ተንስአ። ኣብርሃም ንወዱ ይስሃቅ ካብ ምዉታት “ብምሳሌያዊ ትርጉም” ተቐበሎ (እብ. 11:19)። ክርስቶስ ብሓቂ ሞተን ተቐብረን፡ እንደገና ተንስአን፡ ናብ ሰማይ ከኣ ዓረገ።
ግናኸ ታሪኽ ይስሃቅ ንዓና ካልእ ትምህርቲ ኣለዎ፡ ኣብዚ ዘመን እዚ ኣዝዩ ዘድሊ ትምህርቲ። ይስሃቅ መርዓት ተዋህበቶ፡ ርብቃ። እባ ኣብቲ ምስኣ ዝነበሮ ርክብ ቅደም ተኸተል ኣስተብህል። ንሳ ሰበይቱ ኮነት። ንሱ ኸኣ ፈተዋ። ኣብ ብዙሓት ሕብረተሰባት ብዛዕባ ምስቲ ክትምርዖ ዝደለኻዮ ሰብ “ፍቕሪ ምውዳቕ” ዓብዪ ትኹረት ኣሎ። ነቲ ዝፈቐርካዮ ሰብ ምምርዓው ጽቡቕ እዩ፡ ግናኸ ነቲ ዝመርዓኻዮ ሰብ ምፍቃር ግዴታዊ እዩ። ነቲ ዝፈቐርካዮ ሰብ ክትምርዖ ዘገድድ ትእዛዝ የልቦን፡ ግናኸ ነቲ ዝመርዓኻዮ ሰብ ክትፈቱ ኣምላኻዊ ትእዛዝ ኣሎ። ብኻልእ ኣዘራርባ፡ ስለ ዝመርዓኻያ ክትፈትዋ ኣሎካ። ኤፌሶን 5:25 ሓሳብ ዘይኮነስ ትእዛዝ እዩ፡ “ኣቱም ሰብኡት፡ ክርስቶስ ንቤተ ክርስቲያን ከም ዝፈተዋ፡ ንኣንስቲኹም ፍተዉ።”
ሎሚ ብዙሓት ፍቕሪ ዝነበሮም፡ ዝተመርዓዉ፡ ድሕሪኡ ኸኣ ንሓድሕዶም ስለ ዘይፈቐሩ ዝፋትሑ ንሰምዕ። ከመይ ዝበለ ሓዘን! ንኣምላኽ ከመይ ዝበለ ዘይምኽባር! ብዛዕባ መርዓ ዘሎ ትምህርትታት ኣምላኽ ከመይ ዝበለ ክቡር እዩ!
