እዚ ዘደንቕ ዛንታ ኣይኮነን? ኣምላኽ ባዕሉ መስዋእቲ ከም ዘምጸአ፡ ካብኡ ድማ ክዳውንቲ ቈርበት ከም ዘዳለወ የረድእ። ድሕሪኡ ድማ ንኣዳምን ሄዋንን በቲ ክዳውንቲ ኸደኖም። ንኣምላኽ ነቲ መስዋእቲ ኸም ዘዳለወን ከም ዘምጸአን ተዓዚቦም ክኾኑ ኣለዎም። ከምኡ ዝበለ ነገር ርእዮም ኣይፈልጡን፡ እቲ ምሉእ መስርሕ ድማ ብዓሚቕ ክጸልዎም ነይሩዎ።
ኣብ ትሕቲ ስርዓት ሌዋውያን፡ እቲ ዘገልግል ካህን፡ ንሓደ እስራኤላዊ ወኪሉ ንኣምላኽ ዝሓረረ መስዋእቲ ድሕሪ ምቕራቡ፡ በዚ ዝኣመሰለ ክዳውንቲ ኽኽደን መሰል ነበሮ። ከምዚ ዝኣመሰለ መስዋእቲ ብምሉኡ ንኣምላኽ ነበረ፡ ቈርበቱ ጥራይ ግን ነቲ ዘገልግል ካህን ተሓዚኡ ነበረ (ዘሌዋውያን 7:8)። ብኻልእ ኣዘራርባ፡ እቲ ብምሉኡ ንኣምላኽ ዝነበረ ዝሓረረ መስዋእቲ፡ ሓደ ክፋል፡ ማለት ቈርበቱ፡ ነቲ ዘገልግል ካህን ንውልቃዊ ኣገልግሎቱ ይወሃብ ነበረ። እዚ ድማ "ክዳውንቲ ቈርበት" ዝብል ሓሳብ ይህበና። ኣብዚ ኣምላኽ ንኣና ዝሓሰቦ ነገር ምሳሌ ክንርኢ ንኽእል ኢና። ከም ካህናዊ ደቅንስትዮ፡ ንመስዋእቲ ክርስቶስ ንኣምላኽ ከነቕርብ ንኽእል ኢና፡ እዚ ድማ ንሓጐሱ እዩ። ብሓቂ ድማ፡ ብኸምዚ ዝኣመሰለ መገዲ ዝተኸድኑ ብዙሓት ደቅንስትዮ ኺህልዉዎ ሓጐሱ እዩ። እዚ ድማ ን"ወዲ ጠፋኢ" የዘኻኽረና፡ ኣቡኡ ድማ ነቲ ዝተመልሰ ወዱ ኺኸድኖ ዝበለጸ ክዳውንቲ ኸምጽኡ ሓቲቱ ነበረ (ሉቃስ 15:22)።
ኣምላኽ "ብፍቑር" (ኤፌሶን 1:6) ተቐቢሉናን ብእኡ ኸዲኑናን እዩ። ኣምላኽ ንኣና ኺርእየና ኸሎ፡ ንፍቑር ወዱ እዩ ዚርኢ፡ ምኽንያቱ "ኣብኡ" ኢና ዘለና—ዘደንቕ መሰል! ኣቦ ብእኡ ብኹሉ መንፈሳዊ በረኸት ባሪኹና እዩ (ኤፌሶን 1:3)። እዚ ድማ ፈጺሙ ኣይቅየርን እዩ። ስለዚ፡ ከም ካህናዊ ደቅንስትዮ፡ ንኣቦ ንፍቑሩ ኸነቕርብ ንኽእል ኢና፡ ንሱ፡ መስዋእቱ፡ ብዛዕባኡ ዚዛረብን ንኣቦ ኽቡር ዝኾነን ኹሉ፡ ሕጂ ድማ ንኣና እውን። ሉቃስ 15 ንጸጋ ኣምላኽን ንሓጐስ ኣቦን ንኽንርድእ ይሕግዘና። ኹሉ ምስጋና ንኣቦን ንወድን ይኹን!
