ሓዳር መጠንቀቕታ
ሓደጋ! ሓደ ዕውር ሰብ ናብ ገደል ቐጥታ ኺኸይድ እንተሪኢኻዮ፣ ግና ኽትነግሮ ኣዚኻ እንተሓፈርካ? ንስጋኡ ኣብ ታሕቲ ገደል ተሰባቢሩን ህይወት ኣልቦ ኮይኑ ምስ ረኣኻዮ፣ ሕማቕ ስምዒት ኪስምዓካ ድዩ? እዚ ንዓኻ ኽነግረካ ዝፈልጦ ዝበለጸ መገዲ እዩ፣ የሱስ ክርስቶስ መድሓኒኻ እንተዘይኮይኑ፣ ካብ ገደል ምውዳቕ ዝኸፍአ ነገር ይጽበየካ ኣሎ! ነፍሲ ወከፍ መዓልቲ ናብ ኣምላኽ ሓንቲ ስጉምቲ የቕርበካ ኣሎ፣ እዚ ድማ ከተወግዶ ኣይትኽእልን ኢኻ፡
ንሰብ ሓንሳብ ኪመውት ተመዲቡሉ ኣሎ፣ ድሕሪኡ ግና ፍርዲ (እብራውያን 9:27)።
ስምዓኒ!
ከምቲ ናብ ገደል ዝቐርብ ዘሎ ዕውር ሰብ፣ ንሓደጋኻ እኳ ከይተረድአካ ይኸውን። እግዚኣብሔር የሱስ፣ መድሓኒኻ ኪኸውን ዝደሊ፣ ከምዚ በለ፡
ኣነ ንሱ ምዃነይ እንተዘይኣመንኩም፣ ብሓጢኣትኩም ክትሞቱ ኢኹም (ዮሃንስ 8:24)።
በጃኻ ስምዓዮ! ሓጢኣት ካብ ኣምላኽ ይፈልየካ፡
ዓመጻትኩም ካብ ኣምላኽኩም ፈሊያትኩም ኣላ፤ ሓጢኣትኩም ድማ ገጹ ካባኻትኩም ሓቢኡዎ ኣሎ (ኢሳይያስ 59:2)።
ሓጢኣትካ ከይተነስሕካ እንተሞትካ፣ ካብ ኣምላኽ ክትፍለ፣ ንዘለኣለም ድማ ትሕቲ ቍጥዓኡ ክትከውን ኢኻ። መጽሓፍ ቅዱስ ብዛዕባ እዚ ኣዝዩ ግሉጽ እዩ፡
ብወዲ ዝኣምን ናይ ዘለኣለም ህይወት ኣለዎ፤ ብወዲ ዘይኣምን ግና ህይወት ኣይርእን፣ ቍጥዓ ኣምላኽ ግና ኣብኡ ይነብር (ዮሃንስ 3:36)።
ለውጢ!
ምናልባት ሰይጣን ገሃነም ከምዘየለ ሓሲብካ ኸተታልለካ ፈቒድካ ትኸውን። መጽሓፍ ቅዱስ ሰይጣን “ሓሳዊ” ከምዝኾነ ይብል (ዮሃንስ 8:44)። የሱስ ሓቂ ይነግር፡ ገሃነም ቦታ እዩ
ንዲያብሎስን መላእኽቱን ዝተዳለወ ዘለኣለማዊ ሓዊ (ማቴዎስ 25:41)።
ንመን ክትኣምን ኢኻ? ንየሱስ ከም መድሓኒኻ እመን እሞ ናይ ምድሓንካ ሰላምን ሓጎስን ትረክብ። ንየሱስ እንተኣመንካ ኣብ ህይወትካ ገለ ለውጥታት ክትገብር ከምዝግባእ ትፈርህ ድዩ? እዚ ሓቂ ኪኸውን ይኽእል እዩ፣ ግና ንሱ እዞም ለውጥታት እዚኦም ምግባር ካብቲ ዝሓይሽ እዩ ይብል
ኩሉ ስጋኻ ናብ ገሃነም ምድርባይ (ማቴዎስ 5:29-30)።
ንኣብነት፣ ብዛዕባ ሓደ ዘይኣምላኻዊ ሃብታም ሰብኣይ ሞይቱ ይነግረና። ስጋኡ እንተተቐብረ እኳ፣ ኣብ ገሃነም መንፈሱ ገና ኺርኢ፣ ኺዛረብ፣ ኺዝክር፣ ኺሳቐ፣ ከምኡ’ውን ንምልሓሱ ኺበርድ ጸሓይ ንእሽቶ ማይ ኺልምን ይኽእል ነበረ፣ ምኽንያቱ “ኣብዚ ሓዊ እዚ ይሳቐ” ነበረ (ሉቃስ 16:19-31)።
እመን!
ብዛዕባ ገሃነም ክትከራኸር እንተደሊኻ፣ ክርክርካ ምስ ኣምላኽ እዩ፣ ምስ ኣነ ኣይኮነን። ብዛዕባ ገሃነም ሕጂ ዝኾነ ትሓስቦ ነገር ይኹን፣ ኣብቲ ትመውተሉን ኣብቲ ሓዋዊ ዝኾነ ስቓዩ እትነቕሓሉን እዋን ክትእመን ኢኻ። ግና ሽዑ ድሮ ሓሊፉ ኪኸውን እዩ! የሱስ ኣብ መስቀል ቀራንዮ ንሓጢኣትካ ሞተ – ካብ ዘለኣለማዊ ጥፍኣት ኬድሕነካ። ሓጢኣትካ እንተተናዘዝካን ሕጂ መድሓኒኻ ኪኸውን እንተሓተትካዮን፣ ንሱ ቓሉ ሂቡካ ኣሎ
ብእኡ ዝኣምን ዘበለ ኸይጠፍእ ናይ ዘለኣለም ህይወት ኪረክብ እዩ (ዮሃንስ 3:16)።
—ኤፍ. ዉርስት (ዝተኣርመ)
