ቁልፊ ህይወት ትደሊ ዲኻ?
«እዚኣ እያ ህይወት ዘለኣለም፡ ንስኻ፡ ሓደ ሓቀኛ ኣምላኽ፡ ከምኡ’ውን ንዝለኣኽካዮ የሱስ ክርስቶስ ምፍላጥ።» ዮሃንስ 17:3 NIV
እቶም ጥንታዊ ፈርኦናት ግብጺ ብህይወት ድሕሪ ሞት ኣዝዮም ይፈልጡ ነበሩ። ህይወቶም ንቁልፊ ህይወት (ኣንኽ) እናሰርሑ ኣሕለፍዋ። ናብ መሕደሪ እቶም ብሩኻት መእተዊ ኸም ዚህቦም ይኣምኑ ነበሩ።
ምብጻሕና ናብ ጥንታዊ ቅርጻ ቅርጽታት ግብጺ ኣዝዩ መሃሪ ነበረ። ሓደ መራሒ ናብ ምዕራባዊ ሸነኽ ኒል መርሓና፡ ብነዊሕ መተሓላለፊታት ድማ ናብ ትሕቲ ምድሪ ዝተቖፍሩ መቓብር ኣውረደና። ናብ ቅርጻ ቅርጽታት፡ ስራሕ ቅርጻ ቅርጽን ብዙሓት ዓበይቲ ሓወልት ዓምድታትን ኣመልከተ። ስእልታት ናይ ፈርኦናት ተግባራትን ዓወታትን፡ ከምኡ’ውን ናይ ዝተፈላለዩ ኣማልኽቲ ስርዓታቶም ኪፍጽሙ ከለዉ ነበሩ።
ኩሉ እቲ ዝተረፈ ቦታ ኣብቲ ግድግዳ ብሂሮግሊፊክስ ተመሊኡ ነበረ። እቲ መራሒ ብፍላይ ናብ ሓደ ምልክት ኣመልከተ። «እዚ ቁልፊ ህይወት እዩ» በለ። ብዝያዳ ምስ ጠመትኩ፡ ኣብቲ ጽሑፍ ደጋጊመ ረኣኽዎ፡ ከም ቁልፊ ድማ ኣብ ኣእዳው ፈርኦናት ሒዞምዎ ረኣኽዎ።
ክመይ ዝበለ ፍልልይ! ፍርስራሽ ቤተ መቕደሳት፡ ዝወደቑ ሓወልትታት፡ ዝተዘምዘሙ መቓብር ረኣና። ኣብ ኩሉ ገጽ ምልክታት ሞትን ዕንወትን ብቁልፊ ህይወት ተሰሪሑ ነበረ። ግብጻውያን ተግባራቶም ብሚዛን ኪምዘኑ ከም ዝኾኑ ይኣምኑ ነበሩ። ጽቡቕ ንኽፉእ እንተሰዓሮ፡ ሽዑ ቁልፊ ህይወት ኪረኽቡ እዮም።
ኣብ ሂሮግሊፊክስ ቁልፊ ህይወት ካብ ምስሊ ሓደ ሰብኣይ ብዝተዘርግሑ ኣእዳዉ ዝመጸ እዩ። ከም መስቀል የሱስ ክርስቶስ ይመስል ነበረ፡ እቲ መስቀል ድማ መድሓኒና ንደቂ ሰብ ህይወት ዘለኣለም ኪህብ ዝሞተሉ እዩ። ድሕሪ ኩሉ እዚ ዓመታት እዚ፡ እቲ ዓብዪ ድሌት ህይወት ድሕሪ ሞት ንምርካብ ኣብ ልቢ ሰብ ይቕጽል ኣሎ።
ቁልፊ ህይወት ትደሊ ዲኻ? ሎሚ ብጐይታ የሱስ ክርስቶስ ይቐርበልካ ኣሎ። ሓጢኣትካ እንተተናዘዝካን ብእምነት ከም ገዛእ መድሓኒኻ እንተተቐበልካዮ፡ ህይወት ዘለኣለም ብኹሉ ክብራን ምልኣታን ናትካ ኽትከውን እያ። ዝያዳ ኽንነግረካ ንኽእል ኢና።
