እግዚኣብሔር ንጸሓፍትን ፈሪሳውያንን ኣብ ሰንበት ጽቡቕ ወይ ሕማቕ ምግባር፡ ህይወት ምድሓን ወይ ምጥፋእ ሕጋዊ ድዩ ኢሉ ተገዳዲርዎም ነይሩ። ንሳቶም ኣይመለሱሉን፡ ንሱ ድማ ነቲ ዝነቐጸ ኢድ ዘለዎ ሰብኣይ ኣሕዊዩ። ግናኸ ጸሓፍትን ፈሪሳውያንን ሓፍረት ኣይፈልጡን ነበሩ፡ ብዕብዳን ተደሪኾም ድማ ኬጥፍእዎ ተማኸሩ። ንጽልኦምን ንምቕታል ዝገበርዎ ምትእምማርን ካብቲ ንሰብኣይ ዝገበሮ ምሕረት ዝበለጸ ሕጋዊ ከም ዝኾነ ብሓቂ ይሓስቡ ነይሮም ድዮም?
ጐይታ የሱስ ብጽልኢ ተቓውሞ ኣይተዋሕጠወን። ጸላኢ ብቐሊሉ ካብ ሓደ ስልቲ ናብ ካልእ ኪቕይር ይኽእል ነይሩ፡ ግናኸ ካብቲ ናይ ኣቦኡ ፍቓድ ምእዛዝ ዝብል መገዲ ኬርሕቖ ዝኽእል ዝኾነ ነገር ኣይነበረን። ስለዚ፡ እቲ ናይ ጸላኢ ዝተወሰነ ተቓውሞ ብምሉእ ለይቲ ናብ ኣምላኽ ብምጽላይ ይምለስ። ኣብዚ ግዜ እዚ እቲ ጾር ጸሎቱ እንታይ ከም ዝነበረ መን ኪጠራጠር ይኽእል? ንሱ ኣይክምለስን እዩ። ብዝኾነ መገዲ ንጸላኢ ኣይኪህብን እዩ። ዕዮ ኣምላኽ ኪቕጽል ኣለዎ። ስለዚ ንሱ ነታ ለይቲ ብጸሎት የሕልፋ፡ ንጽባሒቱ ድማ ዓሰርተው ክልተ ሃዋርያት ምስኡ ኪኾኑ ይሾም። የሱስ ኣብ ዝተሰጎነሉ እዋን፡ ናብ ሰባት ወይ ናብ መንግስቲ ሰብ ኣይተማሕጸነን፡ ግናኸ ናብ ኣምላኽ፡ እቲ ዕዮ ድማ ካብ ምጥፋእ ንላዕሊ ወሰኸ። ብሓቂ ብሩኽ፡ እሙን ኣገልጋሊ!
ንሕና እውን ንዕዮ ኣምላኽ ብዘየቋርጽ ጸሎት ብጽንዓት ንምቕጻል፡ እቲ ዕንቅፋት ክሳዕ ክንደይ ዓብዪ እኳ እንተኾነ፡ ነቲ ሓደ ዕላማ ልቢ ኽንካፈል ንማሃር። ንምቕጻል ጸጋን ሓይልን ለምን፡ ምሉእ ለይቲ እኳ እንተ ወሰደ። «ስለዚ፡ ኣቱም ፍቑራት ኣሕዋተይ፡ ጽኑዓት ኩኑ፡ ዘይትናወጹ፡ ኣብ ዕዮ ጐይታ ዂሉ ሳዕ ትበዝሑ፡ ጻዕርኹም ኣብ ጐይታ ኸንቱ ኸም ዘይኰነ እናፈለጥኩም» (1 ቈረ. 15:58)።
