እዛ መርከብ እዚኣ ትሰጥም ኣላ!
ኣብ ሓንቲ መርከብ ከም ዘለኻ ንበል ኣብ ማእከል ባሕሪ፣ ድንገት እቲ ሓለቓ መርከብ እታ መርከብ ክትሰጥም ከም ዝኾነት ኣወጀ። ቀዳማይ ሓሳባትካ ፍርሂ ሞትን ከመይ ጌርካ ኸም እትወግዶንዶ ምኾነ? ብርግጽ ብዛዕባ ገንዘብ፣ ነገራትን ባህታታትን ኩሉ ምረስካ።
ሕጂ እቲ ሓለቓ መርከብ ናብ ገምገም ባሕሪ ብደሓን ንምብጻሕ መዳሕንቲ ህይወት ከም ዘለዉ ኣወጀ ንበል። ከመይ ጌርካ ምመለስካ? ብኡብኡ ሓደ ምሓዝካ፣ ብቕልጡፍን ብጽኑዕን ምለበስካዮ።
ልክዕ ከምዚ ዛንታ እዚ፣ ሕጂ ኣብ ማእከል ባሕሪ ናይዛ ዓለም እዚኣ ብመርከብ ህይወት ትጓዓዝ ኣለኻ – እሞ ናብ ሲኦል ክትሰጥም እያ። ቃል ኣምላኽ ከምዚ ይብል፦
ኩሉ ሰብ ሓጢኣት ገይሩ (ሮሜ 3:23)
እሞ
ዓስቢ ሓጢኣት ሞት እዩ (ሮሜ 6:23)።
እዚ ምእዋጅ እዚ ምስ ሰማዕካ፣ ብሰንኪ ሓጢኣትካ ትሰጥም ከም ዘለኻ፣ ገለ እንተ ዘይገበርካ ድማ ኣብ ሲኦል ከም እትውድእዶ ይስምዓካ? መጽሓፍ ቅዱስ ኣብ ቅድሚ እቲ ቅዱስ ኣምላኽ ንፍርዲ ከም እትቐውም (ሮሜ 14:12)፣ ስምካ ድማ ኣብ መጽሓፍ ህይወት እንተ ዘይተጻሒፉ፣ ኣብቲ ሓዊ ባሕሪ ከም እትሰጥም (ራእይ 20:15) ይብል።
ትሓስብዶ ኣለኻ ከመይ ጌርካ ኸም እትሃድም? እቲ ሓለቓ ምድሓንካ፣ የሱስ ክርስቶስ፣ ከመይ ጌርካ ኸም እትድሕን የውጅ። ንሱ ንኹሉ ሰብ ሞት ቀምሲሉ እዩ (እብራውያን 2:10)፣ ብጸጋ ኣምላኽ ድማ መዳሕንቲ ህይወት ይህበካ ኣሎ –
ህያብ ኣምላኽ ዘለኣለማዊ ህይወት እዩ (ሮሜ 6:23)።
ብደሓን ናብ ገምገም ሰማይ ብሓያል ማዕበል ፍርዲ ኣምላኽ ኣብ ልዕሊ ሓጢኣት ኬብጽሓካ እዩ። ክርስቶስ ድሮ ፍርዲ ኣምላኽ ብስምካ ጾይሩ እዩ (ኢሳይያስ 53:5-6)።
እንታይ እዩ መልስኻ? ህያብ ኣምላኽ ዝኾነ ዘለኣለማዊ መዳሕንቲ ህይወት ክትቕበልዶ? ሕጂ ኽትገብሮዶ? ወይስ ክትሰርዞ? ወይስ ክትነጽጎ? ምርጫ ናትካ እዩ። ሕጂ ኽትገብር እልምነካ ኣለኹ። ሓጢኣትካ ንክርስቶስ ተናዘዝ፣ ነቲ ናጻ ህያቡ ዝኾነ ዘለኣለማዊ ህይወት ብምቕባል ከድሕነካ ድማ እመን። እንታይ ከም እትገብር እንተ ተቓለስካ፣ ጽሓፈልና። ክንሕግዘካ ንኽእል ኢና!
