ኣምላኽ ኣገልግሎትና ይዝክር
ኣብ ሓድሽ ኪዳን፡ ኣምላኽ ንሓደ ሰብ ኣብ ዝዝክረሉ እዋን፡ እታ «መዘከርታ» እትብል ቃል ክልተ ግዜ ተጠቒሳ ኣላ። ሓንቲ ብዛዕባ ምድሓን፡ እታ ሓንቲ ድማ ብዛዕባ ኣገልግሎት እያ።
ቆርኔሌዎስ ይደሊ ነበረ፡ ማለት «ብባህሪኡ ነቲ ኣብ ሕጊ ዘሎ ነገራት ይገብር» ነበረ (ሮሜ 2:14)። ኣምላኽ ንቆርኔሌዎስ ዘከሮ፡ መልኣኽ ድማ፡ «ጸሎትካን ምጽዋትካን ኣብ ቅድሚ ኣምላኽ መዘከርታ ኾይኑ ደይቡ እዩ» በሎ (ግብሪ ሃዋርያት 10:4)። ሽዑ ኣምላኽ ጴጥሮስ ወንጌል ኪሰብከሉ ለኣኾ፡ በዚ ድማ ንሱ ምስ ኩሉ ቤቱ ድሒኑ።
ማርያም፡ ብክርስቶስ ኣቐዲማ ኣሚና፡ «ዝኸኣለቶ ገበረት» (ማርቆስ 14:8)። ክቡር ሽቶኣ ንምቕባሩ ተዳልዩ ኣብኡ ተፈሰሰ። ካብ ኩሎም ሰዓብቲ የሱስ፡ ማርያም ጥራይ እያ ብዛዕባ ዕላማኡ ኣብ ምድሪ ዝፈለጠት። ኣገልግሎታ ኣብ ቅድሚ ኣዒንቲ ጐይታ ዓቢ ነበረ፡ ንሱ ድማ ንመዘከርታኣ ኣጕልሖ፡ «ብሓቂ እብለኩም ኣሎኹ፡ እዚ ወንጌል ኣብ ኩሉ ዓለም ኣብ ዝሰብከሉ ቦታ ዘበለ፡ እዚ ዝገበረቶ’ውን ንመዘከርታኣ ኪንገር እዩ» (ማርቆስ 14:9)።
ኣምላኽ ንኣና’ውን ዘከረና፡ ገና ሓጥኣን ከሎና። ምድሓኑ ለኣኸ፡ ንኹሉ እቲ ንኽብሩ እንገብሮ ድማ ይዝክር። ንሕና’ውን ንኸምዚ ዝኣመሰለ ዓቢ ምድሓን ንእኡ ንዘክሮ፡ ብምሉእ ልብና ድማ ነገልግሎ።
ንጐይታ ንመስግኖ፡ ንምድሓንና ዝሞተ፡ ንዘለኣለማዊ ጸጋ ዝመልኦ ስሙ ንመስግኖ፡ ንባርኸና ስለ ዝነብር ንመስግኖ፡ ሕጂን ንዘለኣለምን ከምኡ እዩ፡ ቡሩኽ መድሓኒ! ቡሩኽ መድሓኒ! ኩላትና ፍቕርኻ ክንእውጅ ኢና።
— ቶማስ ኬሊ
