እዚ ጽሑፍ እዚ ሓድሓደ ግዜ ብቐጥታ ክንሓልፎ እንደሊ እዩ። ሓድሓደ ግዜ ብጌጋ ይርድኣን ብጌጋ ይትግበርን። ግናኸ ብሓቂ ኣዝዩ ዘተባብዕ እዩ: ከመይሲ ብፍቕራዊ ኢድ ኣምላኽ ኣቦ ስለ ዝተዘከርና። እዘን ጥቕስታት እዚአን: ከምኡ ድማ እተን ዝስዕባ: ብዛዕባ ናይ ኣምላኽ ስነስርዓት ይዛረባ። ንቓል ስነስርዓት ክንሰምዕ ከለና ምስ መቕጻዕቲ ነመሳስሎ: ግናኸ ኣብዚ ዝተሓዝ ዘሎ እዚ ኣይኮነን። ብሓቂ: ንምእመን: ጐይታ የሱስ ክርስቶስ መቕጻዕትና ኣብ መስቀል ኣብ ልዕሊኡ ወሰደ። ንዓና ዝተረፈ የለን: እንተ ዘይኮይኑ ኣብዚ ከም ፍቕራዊ ስነስርዓት ናይ ልቢ ኣቦ ንደቁ ዝተገልጸ እዩ።
እቲ ቓል «ስነስርዓት» ማለት ንቘልዓ ምምሃር: ምምርሓ: ወይ ስነስርዓት ምሃብ ማለት እዩ። ከም ኣቦ ኣርባዕተ ደቅን: ንደቀይ ክምህር: ክመርሕ: ከምኡ ድማ ስነስርዓት ክህብ ነይሩኒ። ንደቂ ጐረባብቲ ስነስርዓት ንምሃብ ኣይከይድን: እኳ ደኣ እንተ ደለዩን ምናልባት እውን እንተ ደለኹን። ንደቀይ ብፍርሃት ጐይታን ምዕዶኡን ከዕቢ ሓላፍነት ኣለኒ። ብቐጻልን ፍቕራዊ ስነስርዓትን: ደቀይ ከም ዝፈቕሮም ተማሂሮም። ኣብ ዝሓለፉ ዓመታት: እዚ ንኣኦም ኣብ ፍቕረይ እምነትን ምትእምማንን ሂብዎም። ከምኡ ድማ ብፍቕራዊ ኢድ ኣቦና ኣብ ሰማይ እዩ። ንስነስርዓት ወይ ምምሃር ኣብዚ እዋን እዚ ከይንሕጐሰሉ ወይ ከይንምስግኖ ንኽእል ኢና: ግናኸ ድሕሪኡ ንዝሰርሓልና መገዲ ኣዝዩ ነመስግኖ። «ጐይታ ንዝፈቕሮ ይስዕሮ።» ንፍቕራዊ ኢድ ኣቦ ኣይትቃወም: ግናኸ ብእኡ ተምሃርን ተባዕ!
