ብስራት– መስከረም 2019 –መጽሔት ጸጋን ሓቅን
መልእኽቲ ንዓኻ
ኣምላኽ ንምድሓንካ ኣዳልዩ
• “ኣምላኽ ንዓለም ክሳዕ ክንድዚ ስለ ዝፈተዋ፡ በቲ ሓደ ወዱ ዝኣመነ ዅሉ ናይ ዘለኣለም ህይወት ምእንቲ ኺረክብ እምበር፡ ከይጠፍእሲ፡ ንእኡ ሃበ” (ዮሃንስ 3:16 NKJV ).
• “ክርስቶስ ምእንቲ ሓጢኣትና ሞተ ... ተቐብረ፡ ... ብሳልሰይቲ መዓልቲ ኸኣ ከምቲ ጽሑፋት ዝብሎ ተንስአ” (1 ቈረንቶስ 15:3-4).
• “ኣምላኽ ... ብየሱስ ክርስቶስ ገይሩ ምሳኡ ኣተዓርቐና” (2 ቈረንቶስ 5:18).
ክትድሕን የድልየካ እዩ
• “ኵሉ ሰብ ሓጢኣት ገይሩ ክብሪ ኣምላኽውን ስኢኑ እዩ” (ሮሜ 3:23).
• “ኵላትና ... ርኹሳት ኢና ... ጽድቅና ኸኣ ኵሉ ኸም ርኹስ ክዳን እዩ” (ኢሳይያስ 64:6).
• “ልቢ ኻብ ኵሉ ነገር ተንኰለኛ እዩ፡ ኣዝዩ ኸኣ ሕሱም እዩ። መንከ እዩ ዚፈልጦ፧” (ኤርምያስ 17:9).
ርእስኻ ከተድሕን ኣይትኽእልን ኢኻ
• “ሓደ እኳ ንብዘሎ ሕጊ ሓልዩ፡ ብሓንቲ ጥራይ እንተ ተሰናኸለ ግና፡ ንዅሉ በደለኛ ይኸውን” (ያእቆብ 2:10).
• “ብግብሪ ሕጊ ሓደ ስጋ እኳ ኣብ ቅድሚኡ ኣይጸድቕን እዩ፡ ብሕጊ እዩ እሞ ፍልጠት ሓጢኣት” (ሮሜ 3:20).
• “ብጸጋ ኢኹም ብእምነት ዝደሓንኩም፡ እዚ ኸኣ ካባኻትኩም ኣይኰነን፡ ህያብ ኣምላኽ እዩ እምበር። ሓደ እኳ ኸይተመክሕ፡ ብግብሪ ኣይኰነን” (ኤፌሶን 2:8-9).
ነቲ ዜና እመን
• “እቲ ንሱ ዝለኣኾ ምእማን እዩ እሞ፡ እዚ እዩ ግብሪ ኣምላኽ” (ዮሃንስ 6:29).
• “ነቲ ቓለይ ዚሰምዕን በቲ ዝለኣኸኒ ዚኣምንን ናይ ዘለኣለም ህይወት ኣላቶ፡ ናብ ፍርዲ ኸኣ ኣይመጽእን እዩ፡ ካብ ሞት ናብ ህይወት ግና ተሰጋጊሩ እዩ” (5:24).
• “ናይ ኣምላኽ ወዲ ብዝዀነ ስም እትኣምኑ ንኣኻትኩም እዚ ጽሒፈልኩም ኣሎኹ፡ ናይ ዘለኣለም ህይወት ከም ዘሎኩም ምእንቲ ኽትፈልጡ” (1 ዮሃንስ 5:13).
ንየሱስ ከም ጐይታ ኣምን
• “ብኣፍካ ንጐይታ የሱስ እንተ ኣመንካ፡ ኣምላኽ ከኣ ካብ ምዉታት ከም ዘተንስኦ ብልብኻ እንተ ኣመንካ፡ ክትድሕን ኢኻ። ብልቢ ንጽድቂ ይእመን እዩ እሞ፡ ብኣፍ ከኣ ንምድሓን ይእመን እዩ” (ሮሜ 10:9-10).
• “ንኣይ ኣብ ቅድሚ ሰብ ዚእመነኒ ዘበለ ዅሉ፡ ኣነውን ኣብ ቅድሚ ኣቦይ ኣብ ሰማይ እእመኖ እየ” (ማቴዎስ 10:32).
• “ንኣይን ንቓለይን ዚሓፍረኒ ዘበለ ዅሉ፡ ወዲ ሰብ ብኽብሩ ምስ ዚመጽእ፡ ንእኡውን ኪሓፍሮ እዩ” (ሉቃስ 9:26).
እምነት ጽቡቕ ግብሪ ተፍሪ
• “ሓደ እኳ እምነት ኣላትኒ እንተ በለ፡ ግብሪ ግና እንተ ዘይብሉ፡ እንታይ ይጠቅም፧ ... እምነት ባዕላ፡ ግብሪ እንተ ዘይብላ፡ ምዉት እያ” (ያእቆብ 2:14,17).
• “ንሕና [እምነተኛታት] ግና ግብሩ ኢና፡ ንጽቡቕ ግብሪ ብክርስቶስ የሱስ እተፈጥርና ኢና እሞ፡ ኣምላኽ ከኣ ቅድሚ ሕጂ ንሕና ኽንመላለሰሉ ኢሉ ኣዳልይዎ እዩ” (ኤፌሶን 2:10).
• “እቶም ብኣምላኽ ዝኣመኑ ጽቡቕ ግብሪ ኺገብሩ ኺጥንቀቑ ይግባእ” (ቲቶስ 3:8).
ዝያዳ ኽንነግረኩም ንኽእል!
