ሓይሊ ኣምላኽ ንጸገማትካን ፍርሕታትካን ከም ጎልያድ ይሰዓሮም

ኣምላኽ ካብ ጎልያድካ ዝዓበየ እዩ!“እቲ ኻብ ኣፍ ኣንበሳን ካብ ኣፍ ድብን ዘድሓነኒ እግዚኣብሄር፡ ካብ ኢድ እዚ ፍልስጥኤማዊ እዚ ኸኣ ኬድሕነኒ እዩ።” 1 ሳሙኤል 17:37 NIV ታሪኽ ጎልያድ ኣብ 1 ሳሙኤል 17 ሎሚ ንብዙሓት ህዝቢ ኣምላኽ ሰይጣን እንታይ ከም ዝገብረሎም የርእየና። ሰራዊት እስራኤላውያን እናፈረሁ ጎልያድ ባዶ ስግኣታቱን ብድሆታቱን እናደርበየ ክርእይዎ ጸኒሖም፣ ኣብ ኣዒንቶም ድማ እናዓበየ ከደ። ነቲ ብብዙሕ ውግኣት ዘሕለፎም ዓቢ ኣምላኽ ክንደይ ቀሊል ገይሮምዎ! ሎሚ ብዙሓት ውሉዳት ኣምላኽ ከምዞም እምነት ዘይብሎም እስራኤላውያን ይነብሩ ኣለዉ። ንኹሉ ዝኽእል ኣምላኽ ክርእዩ ኣብ ክንዲ ዝብድሁ፣ ኣብ ጸገማቶም የተኩሩ።ንስኻኸ እንታይ ትብል? ምሉእ ህይወትካ ብሕማም ተመሪሑ ድዩ? ብገንዘባዊ ጸገም ተጸሚድካ ድዩ? መርዓኻ ውሉድ ኣልቦ ድዩ? መርዓኻ ኣብ ሕሙም ዓራት ድዩ? ህይወትካ ብዘይምርግጋእ ተመሊኡ ድዩ? ነዞም ጸገማት እዚኦም ካብ ባዶ ስግኣታት ሰይጣን ዝሓለፉ ከም ዘይኮኑ ክትርእዮም እደሊ።ናብ ዓቐን ጸገማትካ ኣይትመልከት፣ናብቲ ካብ ኩሉ ጸገማትካ ዝዓበየ ኣምላኽ ተመልከት። ንሱ ንጸገማትካ ንኽትሰዓርን ምሉእ ህይወትካ ብሰላምን ሓጎስን ንኽትመልእ ድሉው፣ ቅሩብን ክኢላን እዩ። ግናኸ ንእኡ ናይ ትኩረትካ ዕላማ ክሳብ ዘይገበርካዮ ኣይኮነን።መጽሓፍ ቅዱስ “ንኹሉ ጭንቀትኩም ኣብ የሱስ ደርብይዎ እሞ ንሱ ይሓልየልኩም” (1 ጴጥ. 5:7) ይብል። ብጸገማትካ ኣይትዋሓጥ። ዳዊት ዝወሰዶ ደፋር ስጉምቲ እምነት ወሲድካ ንሰይጣን ተቓወሞ፦ “ንሰይጣን ተቓወምዎ እሞ ካባኻትኩም ኪሃድም እዩ” (ያዕ. 4:7)።ሰይጣን ክዛረብ ከሎ ኣይትፍራሕ።ኣብ ክንድኡ፣ ንሰማይ ጸውዕ እሞ ኣምላኽ ንስልኪ ንምልዓል ኩሉ ግዜ ኣብኡ ክህሉ እዩ፦ “ጸውዓኒ እሞ ክምልሰልካ እየ፣ ዘይትፈልጦ ዓበይትን ዘይርከባን ነገራት ከኣ ክነግረካ እየ” (ኤር. 33:3)። ንኣምላኽ ብቓሉ እመን፦ “ኣምላኽ ሓሶት ኪዛረብ ሰብ ኣይኮነን፣ ርእዩ ኺምለስ ከኣ ወዲ ሰብ ኣይኮነን። ተዛሪቡስ ኣይገብርን ድዩ? ተመባጺዑስ ኣይፍጽምን ድዩ?” (ዘሁ. 23:19)።ኩሉ ውሉድ ኣምላኽ ንሰይጣን ኣብ ዝግባኦ ቦታ ንምግባር ካብ ላዕሊ ሓይሊ ተዋሂብዎ እዩ። ንጎልያድኩም ከምቲ እስራኤላውያን ዝፈርህዎ ክትፈርህዎ ኣይግባእን፦ “ንስኻትኩም ግና፣ ኣቱም ውሉዳት፣ ካብ ኣምላኽ ኢኹም እሞ ሰዓርኩምዎም፣ እቲ ኣባኻትኩም ዘሎ ኻብቲ ኣብ ዓለም ዘሎ ይዓቢ እዩ እሞ” (1 ዮሃ. 4:4)። “ንኹሉ እቲ ዚነድድ ፍላጻታት እቲ ኽፉእ ከተጥፍእሉ እትኽእሉ ዋልታ እምነት ኣልዕሉ” (ኤፌ. 6:16)። ከም ዳዊት ኩን። ንጎልያድ ኣወግዶ እሞ ናብ ዓወት ዝመልኦ ህይወት ቀጽል።ብዛዕባ ደራሲ፦ ስምኦን ኣሞስ ዳኮፕ ኣብ ፌደራል ፖሊቴክኒክ ኮሌጅ ባውቺ፣ ናይጀሪያ፣ ተመሃራይ ላዕለዋይ ዲፕሎማ ኣብ ላቦራቶሪ ቴክኖሎጂ እዩ።