ኣሜን! እንቋዕ ድማ ሓጎስ ልደት ኮነኩም!
ኣብዚ ግዜ ዓመት እዚ ሓደ ክፋል ናይ ጆርጅ ፍሬደሪክ ሃንደል መሲሕ ምስማዕ ልሙድ እዩ። ኣብ ምዕራባዊ ዓለም ዘሎ ኩሉ ሰብ ከምቲ ኣብ 1741 እተጻሕፈ ፍሉጥ ኦራቶርዮ ዝኾነ «ሃሌሉያ ዜማ» ሰሚዕዎ እዩ። እዚ ብምሉኡ ካብ ኢሳይያስ፣ እዮብ፣ መዝሙራት፣ ሃጋይ፣ ሚልክያስ፣ ዘካርያስ፣ ሉቃስ፣ ማቴዎስ፣ ዮሃንስ፣ ቀዳማይ ቆሮንቶስ፣ ከምኡ’ውን ራእይ ብቐጥታ እተወስደ ጥቕስታት ዝሓዘ ስራሕ—መጀመርያ ንህዝቢ መዘናግዒ ኮይኑ ከም እተጻሕፈ ምፍላጥ ንብዙሓት ዘገርም ክኸውን ይኽእል እዩ። እዚ ኣዛናጊዕ ስራሕ እዚ ንመጀመርያ ግዜ ድሕሪ ምቕራቡ ትሽዓተ ዓመት ጸኒሑ እዩ ኣብ ቤተ ክርስትያን ቀሪቡ ንኣመንቲ ከም ኣምልኾ እተራእየ። ግዜ ተቐይሩ! መሲሕ ሃንደል ሰለስተ ክፍሊ ኣለዎ። ቀዳማይ ክፋል ንሰማዕቲ ናብቲ ኣምላኽ ንደቂ ሰብ ካብ ሓጢኣትን ሞትን ብስራሕ ወዱ፡ መሲሕ፡ ንምድሓን ዘለዎ ዘደንቕ ትልሚ ዝገልጽ ትንቢት የቕንዕ። ካልኣይ ክፋል ናብቲ ትክክለኛ ልደት፣ ህይወት፣ ከምኡ’ውን ናይ ጐይታና ኣብ መስቀል ዝገበሮ ስራሕ ምድሓን የቕንዕ። ሳልሳይ ክፋል ንናይ መወዳእታ ምጥፋእ ሓጢኣትን ሞትን ዝምስግን መዝሙር እዩ፣ ብዓብዪ ዜማ ናይቲ ኣብ የማን ዘሎ ጥቕሲ (ራእይ 5:12) ይዛዘም። እቲ ጽሑፍ ናይ መሲሕ ካብቲ ሙዚቃዊ ዜማ ተነጺሉ እንተተነቢቡ፣ እቲ ስራሕ ስለምንታይ ከምዚ ዝኣመሰለ ዘላቒ ሳዕቤን ከም ዘለዎ ምርኣይ ቀሊል እዩ—እዚ ዛንታ ምድሓን ካብ ቃል ኣምላኽ ብቐጥታ እተወስደ እዩ። ነቲ ኦራቶርዮ ዝሰማዕናሉ ኣዳራሽ ኮንሰርት ክንወጽእ ከለና፣ ሓደ ሰብ ንሙዚቃዊ ዜማ ሃንደል ክነቅፍ ሰማዕኩ። ብጻዩ ድማ መለሰት፡ «ሃንደል ነቲ ዛንታ ብኸመይ ከም ዘቕረቦ ኣይሰመረሉን ይኸውን፣ ግን እቲ ዛንታ ባዕሉ ፍጹም እዩ።» ናብቲ ርእይቶኣ ድማ ኣነ ወሰኽኩ፡ «ኣሜን! እንቋዕ ድማ ሓጎስ ልደት ኮነኩም!» ብላሪ ኦንድሬጃክ
«እቲ ዝተሓርደ ገንሸል ስልጣንን ሃብትን ጥበብን ሓይልን ክብርን ምስጋናን በረኸትን ንምቕባል ይግብኦ እዩ!» (ራእይ 5:12 NKJV)
