እንታይ ክገብር ኣሎኒ ንምድሓን?
ጳውሎስን ሲላስን ተኣሲሮም ነበሩ ኣብ ፊልጲ። እቶም እሱራት ክጽልዩን መዝሙር ክዝምሩን ሰምዑ። ግናኸ እቲ ሓላዊ ቤት ማእሰርቲ ደቀሰ – ክሳዕ ሓደ ምንቅጥቃጥ ምድሪ ንቤት ማእሰርቲ ዘንቀጥቅጥን ንዂሎም እሱራት ዘፍርሕን!
እሱራቱ እንተ ሃዲሞም ክቕተል ምዃኑ ስለ ዝፈለጥ፡ እቲ ሓላዊ ቤት ማእሰርቲ ንርእሱ ክቐትል ተቓሪቡ ነበረ። ግናኸ ጳውሎስ ኣቖሞ፡ “ንርእስኻ ኣይትጉዳእ፡ ምኽንያቱ ንሕና ዂላትና ኣብዚ ኣሎና” (ግብሪ ሃዋርያት 16:28 NKJV)። እቶም እሱራት ካብ ሰንሰለት ተፈትሑ፡ ግናኸ ብተኣምር ሓደ እኳ ኣይሃደመን!
እዚ ኸኣ ንሓላዊ ቤት ማእሰርቲ ኣብ ቅድሚ ጳውሎስን ሲላስን ኣብ ብርኩ ኣምጽኦ፡ “እንታይ ክገብር ኣሎኒ ንምድሓን?” ኢሉ ሓተተ። ንሱ ሓደ ነገር ክገብር ከም ዘለዎ ርግጸኛ ነበረ። መልሶም ኣዝዩ ኣገረሞ፡ “ብጐይታ የሱስ ክርስቶስ እመን፡ ክትድሕን ኢኻ” (ቁ.30-31)።
ከምቲ ሓላዊ ቤት ማእሰርቲ፡ ብዙሓት ሰባት ንምድሓን ሓደ ነገር ክገብሩ ኣለዎም ኢሎም ይሓስቡ። ግናኸ መጽሓፍ ቅዱስ፡ “ብጸጋ ብእምነት ድሒንኩም ኢኹም … ናይ ኣምላኽ ህያብ እዩ፡ ብግብሪ ኣይኮነን፡ ሓደ እኳ ምእንቲ ከይመካሕ” (ኤፌሶን 2:8-9) ይብል። ከምኡ ኸኣ፡ “ደሞዝ ሓጢኣት ሞት እዩ፡ ህያብ ኣምላኽ ግና ዘለኣለማዊ ህይወት ብክርስቶስ የሱስ ጐይታና እዩ” (ሮሜ 6:23) ይብል።
ከምቲ ሓላዊ ቤት ማእሰርቲ፡ ንሓጢኣትካ ክፍሊት ክትከፍል ኣሎካ ኢልካ ትሓስብ ድዩ? ኣምላኽ፡ “ደም የሱስ ክርስቶስ … ካብ ኲሉ ሓጢኣት የንጽሓና” (1 ዮሃንስ 1:7) ይብል።
ኣምላኽ ነቲ ንሓላዊ ቤት ማእሰርቲ ፊልጲ ዝሃቦ ጽቡቕ ዜና ይህበካ፡ ምድሓን ብእምነት እዩ፡ ብግብሪ ኣይኮነን። ንህያብ ዘለኣለማዊ ህይወት ክትሰርሕ ኣይትኽእልን – ብናጻ እዩ!
ሓጥእ ምዃንካ ብምእማን ምድሓን የድልየካ፡ ንምድሓን ክትገብሮ ዘሎካ ዂሉ፡ ደም የሱስ ከም ዘድሕነካ ምእማን እዩ። ከምቲ ሓላዊ ቤት ማእሰርቲ ፊልጲ፡ ሕጂ ክትገብሮ ዲኻ? ከመይ ጌርና ኸም ዝኾነ ክንነግረካ ንኽእል ኢና።
