የሱስ ክርስቶስ፡ ካብ ሞት ተንሲኡን ምምላሱ ኣብ መጻኢ

ካብ ሞት ተንሲኡ

ቅድሚ ምጅማር ሓድሽ መደቡ

«ክኸፍሉኻ ከለዉ ትኸፍል» ንዝብል ንብሪጣንያውያን ተጠቀምቲ፡ Virgin Mobile ዝተባህለ ኩባንያ ሞባይል ስልኪ መርመራ ኣካየደ። ሓደ ካብቲ ዝተሓትቱ ሕቶታት፡ «ካብ ሞት መን ክትምልስ ምደለኻ?» ዝብል ነይሩ።

ድሕሪ እቲ መርመራ፡ ኣብቲ ዝርዝር ቀዳማይ ዝወጸት ልዕልቲ ዲያና እያ ነይራ፡ ንሳ ድማ ኣብ ነሓሰ 1997 ኣብ ፓሪስ ብሓደጋ መኪና ብኣሳዛኒ ሞይታ። ድሕሪኣ ማሪሊን ሞንሮ፡ ኤልቪስ ፕረስሊ፡ ጆን ሌኖን ከምኡ’ውን ጆርጅ ሃሪሰን ይስዕቡ።

ብኣገራሚ ነገር፡ ኣብ ሊቨርፑል እኳ (መበቆል ከተማ ናይቲ ቀደም ዝነበረ ቢትል ጆን ሌኖን) ልዕልቲ ዲያና ቀዳማይ ምርጫ ህዝቢ ነይራ። ኣብ ሳድሰይቲ ቦታ ድማ የሱስ ክርስቶስ መጸ።

ከምዚ ዝኣመሰሉ መርመራታት ከርእዩ ይኽእሉ እዮም

ናይ ዝተፈላለዩ ሰባት ተፈታውነት፡ ግናኸ ዝኾነ ይኹን ከምዚ ዝኣመሰለ ትምኒት ከንቱ እዩ። እቶም ዝሞቱ ካብ መቓብር ተመሊሶም ኣብ ሕብረተሰብ ክርኣዩን ክውደሱን ኣይክእሉን እዮም።

ግናኸ ብዙሓት ኣብቲ መርመራ ዝተሳተፉ ዓብዪ ጌጋ ገይሮም፡ ከመይሲ ሓደ ካብቶም ዓሰርተ ዝለዓሉ ካብቶም ዝተረፉ ዅሎም ፍሉይ ነይሩ። ንሱ ድሮ ካብ ሞት ተመሊሱ ኣሎ!

ንየሱስ ክርስቶስ ምስ ካልኦት ዓበይቲ ሰባት ምምስሳል ዓብዪ ጌጋ እዩ። ንሱ ካብቶም ዝተረፉ ዅሎም ኣዝዩ ይበልጽ። እቶም ኣብ ምድሪ ክነብር ከሎ ዝፈልጥዎ ነይሮም፡ ንሱ «ወዲ ህያው ኣምላኽ» (ማቴዎስ 16:16 NIV) ምዃኑ ተኣሚኖም ነይሮም። ብፍጹም ሓጢኣት ዘይብሉ (1 ዮሃንስ 3:5)፡ ክርስቶስ ምእንቲ ሓጥኣን ክመውት ናብ ምድሪ መጸ – እዚ ድማ ንዓና ማለት እዩ።

ሞቱ ሓደጋ ኣይነበረን

ከምኡ’ውን ቅድሚ ግዜኡ ኣይነበረን። ንሱ ብፍቓዱ ህይወቱ ምእንታና ሃበ፡ ድሕሪኡ ድማ ኣብ ስጋኡ ናይ ኣምላኽ ጽድቂ ቅጽዓት ንሓጢኣት ጸረ (1 ጴጥሮስ 2:24)።

ተመራጺዎም ዝነበሩ ሰባት ንዝፈትውዎም ሰባት ካብ ሞት ንምምላስ ከንቱ ትምኒት ገበሩ። ግናኸ ንክርስቶስ ካብ ሞት ንምምላስ ምድላይ ኣዝዩ ዘርሕቕ ትምኒት እዩ። የሱስ ክርስቶስ፡ ብፍቓዱ ህይወቱ ዝሃበ፡ እንደገና ክወስዳ ስልጣን ነይርዎ (ዮሃንስ 10:18)። ኣብ ውሽጢ ሰለስተ መዓልቲ ድሕሪ ሞቱ ኣብ ምድሪ ብሰብኣዊ መልክዕ እንደገና ተራእየ፡ ኣብ ሓደ ኣጋጣሚ ድማ ብልዕሊ 500 መሰኻኽር ተራእየ (1 ቈረንቶስ 15:6)።

ድሮ ንዝተፈጸመ ነገር ኣይትምነ! ብኣንጻሩ፡ «እዚ ሓደ የሱስ» እንደገና ካብ ሰማይ ከም ዝመጽእ ተገንዘብ (ግብሪ ሃዋርያት 1:11)። ዅላትና ሓደ መዓልቲ ክንረኽቦ ኢና – ግናኸ ከም መድሓኒና ወይ ከም ፈራዲና?

ኣብ ቀረባ እዋን ናብኡ ጸውዕ።

ናብ ሲኦል ዝመርሓካ ሓጢኣተኛ መገድታትካ ሕደግ፡ ናብ ጐይታ ድማ ተመለስ፡ ንሱ ጥራይ እዩ ይቕረ ክብለካ ዝኽእል (ኢሳይያስ 55:7)።

ነዚ ኣገዳሲ ስጉምቲ ንምውሳድ ተወሳኺ ሓገዝ እንተ ደሊኻ፡ ርኸበና።